Sport

“Ibrahimovic është një 40 vjeçar”, Calhanoglu kritikon Zlatanin pasi fitoi Serie A me Milanin

Published

on

Ylli turk i është kundërpërgjigjur Zlatan Ibrahimovicit, pasiqë ai u tall me të gjatë festimeve të titullit të “Rossonerëve”.

Calhanoglu ka thumbuar publikisht Ibrahimovicin, lojtar me të cilin ndante dhomën e zhveshjes gjatë kohës së tyre së bashku në Milan, në përgjigje të komenteve të sulmuesit për festimin e titullit.

40 vjeçari u pa duke u tallur me mesfushorin turk së bashku me tifozët pasi zemëroi tifozët e Milanit me kalimin e tij gjatë verës te “Nerazzurret”.

Calhanoglu u largua nga skuadra e Piolit verën e kaluar si lojtar i lirë duke kaluar te ekipi i Inzaghit, me ish-yllin e Hamburgerit dhe Leverkusenit që pranoi publikisht se ai kaloi te rivalët e qytetit për të fituar “Scudetton”.

Fatkeqësisht për të, më pak se një vit më vonë, ishte Milani ai që u kurorëzua kampion i Italisë, pasi që ngriti titullin e Serie A pasi mposhti Interin në krye me dy pikë në tabelë.

Calhanoglu duket se nuk i kanë pëlqyer veprimet e Ibrahimovicit pasi turku ka dalë dhe ka thumbuar publikisht yllin suedez.

Sipas mesfushorit të Interit, ish-golashënuesi i Manchester United dhe PSG është i fiksuar pas të qenit në qendër të vëmendjes, një akuzë me të cilën shumë mund të pajtohen. Për më tepër, ndërkombëtari turk ishte i shpejtë për të vënë në dukje statistikat e Zlatanit këtë sezon, duke argumentuar se ai mezi luajti një rol në suksesin e titullit të Milanit, pasi kishte një sezon përplot me lëndime.

Ibrahimovic është një 40 vjeçar, jo 18, kështu që unë nuk do ta bëja një gjë të tillë në moshën e tij. Ai thjesht pëlqen të jetë në qendër të vëmendjes. Ai nuk kontribuoi në Scudetto këtë sezon, ai mezi luajti, por do të bëjë gjithçka për të qenë në fokus gjithsesi”, tha ai për “Tivibu Spor”.

Përveç kësaj, është ai që më thërret gjithmonë, më kërkon të dal për darkë ose për një shëtitje me motor. Ai ka shkruar edhe për mua në librin e tij. Ai duhej të shkruante diçka, përndryshe do të ishin faqe të zbrazëta”, shtoi më tej Calhanoglu.

Ndërsa Ibrahimovic nuk ishte në gjendje të ishte një prani e vazhdueshme në skuadrën fituese të titullit të Piolit, golashënuesi veteran megjithatë luajti rolin e tij. Suedezi bëri 23 paraqitje në Serie A dhe shënoi tetë gola, duke përfshirë golat vendimtare kundër Lazios dhe Romës në gjysmën e dytë të sezonit.

Sport

Dubois vs Usyk më 19 korrik për unifikimin e katër titujve në peshën e rëndë

Published

on

Anglezi Daniel Dubois dhe ukrainasi Oleksandr Usyk do të përballen më 19 korrik në stadiumin Wembley të Londrës për titullin kampion absolut të botës në peshën e rëndë, njoftoi BBC.  

Kjo do jetë përballja e dytë, ku 27-vjeçari britanik kërkon hakmarrje pas humbjes ndaj 38-vjeçarit ukrainas në gusht të vitit 2023 në Wroclaw, Poloni.  Lufta e parë përfundoi me ndërprerje në raundin e nëntë.

Dubois mban titullin kampion të botës në peshën e rëndë për versionin IBF, ndërsa Usyk zotëron tre tituj tjerë (WBA, WBO dhe WBC). Ukrainasi shkroi histori në maj të vitit 2024, kur mposhti Tyson Fury për t’u bërë kampioni i parë absolut i botës në peshat e rënda në “epokën me katër rripa”.

Ai e mundi Fury edhe në dhjetor të vitit të kaluar, por duhej të heqë dorë nga titulli IBF para kësaj ndeshjeje, pas kësaj, Daniel Dubois mori titullin IBF dhe e mbrojti atë kundër bashkatdhetarit të tij, Anthony Joshua, në shtator të vitit 2024.

Dubois duhej ta mbronte titullin kundër Joseph Parker, por një sëmundje e detyroi të tërhiqej nga përballja disa ditë para ndeshjes.

“Kjo është ndeshja që kam kërkuar, dhe tani kam mundësinë për hakmarrje. Duhej ta kisha fituar luftën e parë, por vlerësimi i gjyqtarit më pengoi. Tani nuk do të përsëris gabimin para tifozëve të mi në Wembley”, deklaroi Dubois.

Ai shtoi se tani është një luftëtar më i mirë e më i rrezikshëm dhe se Usyk do ta kuptojë këtë në ring. Nëse Dubois fiton, do të bëhet boksieri i parë britanik që do të bashkojë të gjithë titujt botërorë në peshën e rëndë në “epokën me katër rripa”.

Britaniku i fundit që mbajti të tre titujt ishte Lennox Lewis, që fitoi më 1999 duke mundur Evander Holyfield në ndeshjen e dytë pas një barazimi në të parën.

Continue Reading

Sport

Ndalet rryma në Spanjë, pezullohet turneu i tenisit “Madrid Open”

Published

on

Sporti i tenisit është përballur me një fenomen të pazakontë. Në fakt, turneu i tenisit “Madrid Open” është pezulluar përkohësisht.

Dhe, arsyeja është vërtet e pabesueshme. Më saktësisht, për shkak se kryeqyteti spanjoll – Madrid dhe rajoni përreth tij po përballen me ndërprerje të energjisë elektrike, kjo ka bërë që të shtyhet në një afat të pacaktuar ky turne vjetor i sportit të bardhë.

Tenisti britanik Jacop Fearnley u detyrua ta linte fushën shkaku i mungesës së rrymës, pasi ajo i preku tabelat e rezultateve dhe një kamerë mbi fushë, gjë që ishte e pamundur që të zhvillohej meçi i tenisit.

Continue Reading

Sport

Usyk dhe Dubois rikthehen në ring më 19 korrik

Published

on

By

Më 19 korrik, në stadiumin “Wembley” të Londrës, do të zhvillohet një nga përballjet më të mëdha në historinë e boksit, ku britaniku Daniel Dubois dhe ukrainasi Oleksandr Usyk do të luftojnë për t’u shpallur kampion i padiskutueshëm i botës në peshën e rëndë.

Dubois, kampioni aktual i IBF-së, do të përballet me Usyk, i cili mban titujt WBA (Super), WBC dhe ËBO. Usyk është i pamposhtur deri tani në 23 lufta dhe ka mundur Dubois në gusht të vitit 2023 përmes një ndalimi në raundin e nëntë.

Në maj të vitit 2024, Usyk bëri histori duke u bërë kampioni i parë i padiskutueshëm i peshave të rënda të epokës së katër rripave, pas fitores ndaj Tyson Fury. Pas kësaj, Usyk vendosi të lirojë rripin IBF para ndeshjes së tij të kthimit me Fury në dhjetor, duke i dhënë mundësinë Dubois të ngritet kampion i IBF-së.

Dubois, i cili është vetëm 27 vjeç, mbrojti me sukses titullin e tij të IBF-së në shtator të kaluar kundër Anthony Joshua dhe tani është gati për një tjetër përballje me Usyk. Ai ka deklaruar se është “një luftëtar superior” dhe i bindur se do ta fitojë këtë duel: “Kjo është lufta që doja dhe kërkova, tani kam mundësinë për hakmarrje,” tha Dubois. “Usyk do të zbulojë se jam më i rrezikshëm tani.”

Një fitore për Dubois mund ta bëjë atë boksierin e parë britanik që mban titullin e padiskutueshëm të peshave të rënda që nga koha e Lennox Lewis, i fundit që ka mbajtur këtë titull në vitin 1999.

Në këtë ndeshje do të vendoset gjithashtu kush do të mbajë dominimin në kategorinë e peshave të rënda, dhe të dy boksierët premtojnë një përballje të jashtëzakonshme në një ngjarje që do të ndjekin milionë shikues anembanë botës.

Të dy boksierët janë gati të japin gjithçka në këtë përballje të mëdha, që pritet të jetë një ngjarje e paharrueshme për botën e boksit.

Continue Reading

Sport

Donjeta Sadiku fiton medaljen e artë në “Brussels Capital”

Published

on

By

Boksierja kosovare Donjeta Sadiku ka fituar medaljen e artë në turneun ndërkombëtar “Brussels Capital”, të mbajtur në Belgjikë, duke vazhduar paraqitjet e saj të suksesshme në skenën ndërkombëtare.

Sadiku shënoi tri fitore gjatë turneut, ndërsa në finalen e kategorisë -60 kilogramë triumfoi ndaj boksieres italiane, Nicole Rebecca.

Ky ishte turneu i parë i organizuar nën ombrellën e “World Boxing”, në të cilin u përfaqësua edhe Federata e Boksit e Kosovës. Paraqitje të mira patën edhe boksierët e tjerë nga Kosova, ndërsa drejtësinë në këtë turne e ndau gjyqtari ndërkombëtar nga Kosova, Latif Demolli.

Continue Reading

Të kërkuara