

Aktualitet
Ibrahimi: Kontrata kolektive në arsim s’mund të zbatohet në kurriz të buxheteve komunale
Published
4 years agoon
By
Betim GashiKontrata kolektive në arsim nuk do të mund të zbatohet më në kurriz të buxheteve komunale, tha drejtori i Asociacionit të Komunave të Kosovës (AKK), Sazan Ibrahimi, në një intervistë për Ekonomia Online.
Për këtë çështje, Ibrahimi ishte takuar të martën me përfaqësues të Sindikatës së Bashkuar të Arsimit, Shkencës dhe Kulturës (SBAShK).
Ibrahimi tutje tha se për zbatimin e kësaj kontrate fillimisht duhet të gjenden mjetet financiare.
“Dje u takuam me përfaqësuesit e Sindikatës së Bashkuar të Arsimit dhe Shkencës ku u diskutua sa i përket gjetjes së mjeteve financiare për zbatimin e kontratës së re kolektive. Qëndrimi i Asociacionit të Komunave të Kosovës është se kjo kontratë nuk do të mund të gjejë zbatim në kurriz të buxheteve komunale ashtu siç ka ndodh deri më tani, mirëpo zbatimi i saj duhet të bëhet që së pari të gjinden mjetet financiare dhe pastaj të fillohet së zbatuari”.
“Asociacioni, kryetarët e komunave nuk janë kundër kontratës kolektive mirëpo ministritë e linjës i kanë nënshkruar këto kontrata pa konsulta paraprake me komunat e Kosovës dhe gjithnjë ja kanë a dresuar buxhetin komunave të Kosovës. Komunave janë duke i’u marrë miliona euro përmes procedurave të përmbarimit sepse nuk është bërë një planifikim adekuat nga niveli qendror sa i përket zbatimit të kësaj kontrate”.
Për Ibrahimin kurdo që nënshkruhet kjo kontratë Asociacioni duhet të jetë partnerë, raporton EO.
“…nëse në të ardhmen nënshkruhet një kontratë kolektive nga çfarëdo ministri atëherë Asociacioni duhet të jetë partnerë sepse pa komunat këto kontrata nuk po mund të zbatohen”.
“SBAShKU edhe ne jemi të gatshëm që të bashkëpunojmë në çdo mënyrë që zbatimi i kontratave kolektive të bëhet duke i gjetur mjetet financiare pikë së pari dhe pastaj të bëhet zbatimi i tyre. Ne i mbrojmë interesat e komunave, SBAShKU lobon dhe i mbron interesat e mësimdhënësve”, tha Ibrahimi për EO.
Ibrahimi tutje ka folur edhe për situatën me Coronavirus në komuna, teksa tha se është e menaxhueshme dhe nën kontroll.
“Në takimet virutale që i kemi me kolegjiumet profesionale dhe bisedat me kryetarët e komunave situata nëpër komunat sa i përket Covid-19 është e menaxhueshme të gjitha resurset financiare dhe humane janë në dispozicion nga niveli lokal, dhe niveli lokal është duke e bërë të pamundurën”.
You may like
Bota
“Askush nuk mund të më ndalojë”- Trump: Po drejtoj SHBA-të dhe botën
Published
12 minutes agoon
April 29, 2025By
UBTnews
Presidenti i Shteteve të Bashkuara, Donald Trump, në një intervistë ekskluzive për revistën The Atlantic, ndau reflektimet e tij mbi ndryshimin mes dy mandateve presidenciale, duke e përshkruar mandatin aktual si një periudhë me ndikim global dhe autoritet më të konsoliduar.
“Po argëtohem shumë, duke marrë parasysh seriozitetin e punës që bëj,” deklaroi ai. “Herën e parë, kisha dy sfida, të drejtoja vendin dhe të mbijetoja. Tani, po drejtoj vendin dhe gjithë botën. Askush nuk mund të më ndalojë,” deklaroi Trump.
Trump u shpreh se përballja me atë që ai e quajti “një sistem të korruptuar” karakterizoi mandatin e tij të parë, ndërsa tashmë ndihet më i lirë për të ushtruar ndikimin e tij politik dhe ndërkombëtar.
Që nga rikthimi në Shtëpinë e Bardhë në janar, Presidenti Trump ka ndërmarrë një sërë veprimesh ekzekutive, veçanërisht në fushën e emigracionit dhe tregtisë. Politikat e tij mbi tregtinë, përfshirë vendosjen e tarifave të reja ndaj vendeve partnere, kanë shkaktuar tronditje në tregjet globale dhe reagime të ashpra nga udhëheqësit ndërkombëtarë. Disa prej këtyre tarifave janë pezulluar përkohësisht deri në muajin korrik.
Lëvizjet e fundit të administratës, përfshirë komentet rreth Groenlandës dhe sugjerimet për një “bashkim” hipotetik me Kanadanë, kanë rritur tensionet me aleatët tradicionalë të SHBA-së. Në të njëjtën kohë, Trump ka përqendruar përpjekjet e tij diplomatike në ndërmjetësimin e një armëpushimi mes Rusisë dhe Ukrainës.
Në intervistë, presidenti komentoi gjithashtu spekulimet rreth një kandidature të mundshme për një mandat të tretë, një ide e pazakontë në kontekstin e kufizimeve kushtetuese.
“Nuk është diçka që po e kërkoj të ndodhë. Do të ishte jashtëzakonisht e vështirë për t’u realizuar,” tha ai.
Intervista u zhvillua me kryeredaktorin e The Atlantic, Jeffrey Goldberg, i cili së fundmi ishte përfshirë në një bisedë konfidenciale mes zyrtarëve të lartë amerikanë mbi një operacion të mundshëm ushtarak ndaj militantëve Houthi.
Ndërkohë, Presidenti Trump pritet të vizitojë sot shtetin e Michiganit për të mbajtur një tubim elektoral, ku do të përkujtojë 100 ditët e para të mandatit të tij të dytë.
“Presidenti Trump është i emocionuar që të kthehet në shtetin e madh të Michiganit për të festuar 100 DITËT E PARA!” shkroi zëdhënësja e Shtëpisë së Bardhë, Karoline Leavitt, në një postim në platformën X.
Bota
Zgjedhjet në Kanada, Liberalët e Carney-t shënojnë një rikthim të jashtëzakonshëm
Published
2 hours agoon
April 29, 2025By
UBTnews
Partia Liberale e Mark Carney ka fituar zgjedhjet kanadeze dhe pritet të formojë qeverinë e ardhshme.
Megjithatë sipas BBC mbetet shumë e vështirë të thuhet nëse Carney ka mbështetje të mjaftueshme për të siguruar shumicën në parlament, apo do të duhet të mbështetet te partitë e tjera për të qeverisur.
Konservatorët, të udhëhequr nga Pierre Poilievre, duket se kanë arritur fitore të mëdha, por prapëseprapë u mundën në garën vendimtare.
Në selitë e dy partive rivale, pati gëzim midis liberalëve dhe lot nga konservatorët ndërsa ata u larguan me shpejtësi nga vendi i ngjarjes.
Rezultati i parashikuar përfundon një kthesë mahnitëse për Partinë Liberale, e cila po dobësohej në sondazhe vetëm tre muaj më parë përpara se Carney të zëvendësonte Justin
Trudeau si udhëheqës dhe Presidenti i SHBA-së Trump të prishte marrëdhëniet.
Se si t’i përgjigjeshe Trumpit ishte çështja përcaktuese e fushatës, dhe Carney, një ish-guvernator i Bankës së Anglisë, shfrytëzoi zemërimin e përhapur ndaj politikës tregtare dhe kërcënimeve të presidentit amerikan.
Bota
Rikthehen furnizimet me rrymë në shumicën e Spanjës dhe Portugalisë
Published
2 hours agoon
April 29, 2025By
UBTnews
Furnizimi me energji elektrike u rikthye në shumicën e Spanjës dhe Portugalisë më 29 prill pasi një ndërprerje masive e rrymës goditi gadishullin Iberik, duke lënë pasagjerët të bllokuar në trena dhe qindra ashensorë, ndërsa miliona njerëz mbetën pa sinjal në telefonat e tyre dhe pa qasje në internet.
Operatori i energjisë REE tha se energjia elektrike ishte rikthyer në më shumë se 90 për qind të territorit të Spanjës kontinentale, në orët e para të së martës. Dritat u ndezën sërish në Madrid dhe në kryeqytetin e Portugalisë.
Pothuajse asnjë cep i gadishullit, i cili ka një popullsi të përbashkët prej gati 60 milionë banorësh, nuk i shpëtoi ndërprerjes të rrymës. Megjithatë, ende nuk dihet pse pati ndërprerje të energjisë, ndonëse në rrjetet sociale u përhapën thashetheme se kishte pasur një sulm kibernetik.
Kryeministri portugez, Luis Montenegro, tha se burimi i ndërprerjes “ka gjasa të jetë në Spanjë”. Kryeministri spanjoll, Pedro Sanchez, tha se “të gjitha shkaqet e mundshme” janë duke u analizuar dhe paralajmëroi publikun që “të mos spekulojë”, për shkak të rrezikut të “dezinformimit”.
Sanchez tha se rreth 15 gigavat energji elektrike, më shumë se gjysma e konsumit në atë moment, “u zhdukën papritur” brenda rreth pesë sekondash.
Kryeministri spanjoll nuk ishte në gjendje të thoshte se kur do të rikthehej plotësisht energjia në Spanjë dhe paralajmëroi se disa punëtorë do të duhej të qëndronin në shtëpi të martën. Kryeministri portugez Montenegro, tha se energjia në Portugali do të rikthehej “brenda disa orëve”.
Rreth 6.2 milionë nga 6.5 milionë familje në Portugali u furnizuan sërish me energji gjatë natës, tha operatori kombëtar i rrjetit elektrik.
Ndërprerja e rrymës ndikoi për pak kohë edhe në jugperëndim të Francës, ndërsa në Marok pati ndërprerje të shërbimeve të disa operatorëve të internetit dhe sistemeve të regjistrimit në aeroporte.
Kryeministri spanjoll Sanchez, tha se ndërprerja e energjisë elektrike mesditën e së hënës shkaktoi “ndërprerje serioze” dhe “humbje milionëshe ekonomike në biznese, kompani dhe industri”.
Komisioni Evropian tha se ishte në kontakt me Spanjën dhe Portugalinë lidhur me ndërprerjen e rrymës. Ndërkaq, presidenti i Këshillit Evropian, Antonio Costa, shkroi në X se “nuk ka tregues për ndonjë sulm kibernetik”.
Ndërprerjet e rrymës shkaktuan anulimin e shumë fluturimeve nga Madridi, Barcelona dhe Lisbona, sipas organizatës evropiane të trafikut ajror, Eurocontrol.
Edhe shtetet e tjera në mbarë botën viteve të fundit janë përballur me ndërprerje masive të rrymës.
Ndërprerje të rrymës kishte në Tunizi shtatorin e vitit 2023, në Shri Lankë në gusht të vitit 2020, dhe në Argjentinë e Uruguai në qershor të vitit 2019. Edhe India në korrik të vitit 2012 ishte përballur me një ndërprerje masive të furnizimit me rrymë.
Në Evropë, nëntorin e vitit 2006, 10 milionë persona kishin mbetur pa rrymë për një orë në Francë, Gjermani, Belgjikë, Holandë, Itali dhe Spanjë. Ndërprerja kishte ndodhur për shkak të problemeve me rrjetin në Gjermani./REL/

Sot mbi vendin tonë po mban mot pjesërisht i vranët.
Madje, në vendet malore ka mundësi që të ketë riga lokale shiu.
Temperatura minimale do të jetë 6 °C, ndërsa maksimalja e ditës pritet të arrijë deri në 16 °C.
Edhe nesër, me datë 30 prill moti do të jetë i kthjellët me temperatura nga 9°C. deri në 18 °C. /UBT News/

“Askush nuk mund të më ndalojë”- Trump: Po drejtoj SHBA-të dhe botën

Dështoi edhe përpjekja e tetë për konstituimin e Kuvendit

Haradinaj: Nëse ndryshohet kandidati për kryeparlamentar sot mund të votohet

Basha: Do ta votojmë prapë Albulena Haxhiun për kryeparlamentare

Murati bën thirrje për konstituimin e Kuvendit

Kurti prezanton 8 shërbime të reja digjitale në e-Kosova: Mbi 230 në total

Kritikët prisnin më shumë nga sezoni i pestë i serialit “You”

Apple planifikon ndryshime drastike për 20 vjetorin e iPhone-it

Zgjedhjet në Kanada, Liberalët e Carney-t shënojnë një rikthim të jashtëzakonshëm
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet3 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë1 month ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur