Lajmet

Ibishi: Drejtori i AKI-së po zgjidhet nga niveli politik, anëtarësimi në Interpool i pamundur pa ndihmën e ndërkombëtarëve

Ibishi thotë se AKI-ja duhet të përqendrohet në bashkëpunim ndërkombëtar me ShBA-në.

Published

4 years ago

on

Dështimet e Kosovës për t’u anëtarësuar në Organizata Ndërkombëtare, e veçanërisht në atë të sigurisë Interpol, janë si rezultat i moskoordinimit me faktorin ndërkombëtar dhe dhe mos shfrytëzimi i Shqipërisë së shtet për të lobuar në arenën ndërkombëtare. Kështu ka thënë njohësi i çështjeve të sigurisë, Nuredin Ibishi për Ekonomia Online.

Ibishi ka thënë se anëtarësimi i Kosovës në këto organizata nuk është i mundur pa mbështetjen e partnerëve strategjik, siç janë ShBA-ja dhe BE-ja.

Kritika ka pasur edhe në përzgjedhjen e drejtorit të AKI-së, për të cilën tha se shpesh herë ka pasur ndërhyrje në përzgjedhjen e kreut të saj.

“Ne kemi dështuar në shumë raste faji jonë për mos anëtarësim të deritashëm në organizata ndërkombëtare të sigurisë në Interpol dhe organizatat rajonale. Mendoj që ne me kapacitetet tona nuk mund t’ia dalim nëse nuk mbështetemi në partnerë tanë strategjik në rend të parë ShBA që janë përkrahëse në projektet tona dhe vendet e BE. Fatkeqësisht këta liderët tanë të kaluar dhe të tashmit çdo herë e mendojnë mbështetjen në forcat vetanake që janë të pamjaftueshme dhe nganjëherë nuk e kemi shfrytëzuar edhe Shqipërinë si shtet amë apo shtet përkrahës për lobim për arritjen e synimit për anëtarësim”, deklaroi ai.

Ibishi thotë se AKI-ja duhet të përqendrohet në bashkëpunim ndërkombëtar me ShBA-në sepse është domethënës për sigurinë nacionale. Ai thotë se drejtori i AKI-së zgjidhet nga niveli politik, teksa shton se ka mungesë të përkrahjes së institucioneve në këtë institucion.

 “Unë nuk dua tash të fokusohem në performancën drejtorit apo kryeshefit ekzekutiv të AKI-së pasi ka ardhur para pak kohësh dhe vështirë është të vlerësohet puna e tij. Po sido që të jetë AKI duhet të përqendrohet të bashkëpunimi ndërkombëtar për këmbimin e informacionit të klasifikuar që është jashtëzakonisht i rëndësishëm me partner tanë ShBA që është shumë domethënëse për sigurinë nacionale të shtetit tonë. Deri tash AKI ka kryer suksesshëm rolin e vet dhe fatkeqësisht qeveria nuk i ka dalë në ndihmë kur ka pasur nevojë për ngritje të kapacitetit me shpallje të konkursit dhe më dështimin e tij me arsyetimin te mjeteve buxhetore. Kjo nuk duhet të ndodh për një institucion siç është AKI por kjo është dështim i lidershipit tonë. Mendoj që ka pasur çdo herë ndërhyrje politike dhe vazhdon të ketë. Realisht kryeshefi ekzekutiv zgjidhen nga niveli politik. Por duhet të shpallet konkursi dhe secili prej tyre ti përmbushë kriteret çfarë kërkohen jo të jetë përcaktim politik. Çdo përzgjedhje ka ardhur zgjedhje politike që ka pasur pasoja për sigurinë nacionale”, tha Ibishi.

Related Topics:
Continue Reading

Botë

Turqia do të bisedojë me Hamasin për planin amerikan të Gazës

Published

1 minute ago

on

September 30, 2025

By

Presidenti turk, Recep Tayyip Erdogan, vlerësoi më parë “përpjekjet dhe lidershipin” e Donald Trump për t’i dhënë fund luftës në Gaza.

Përfaqësuesit turq do të marrin pjesë në diskutimet me delegacionin e Hamasit mbi planin e Presidentit të SHBA-ve Donald Trump për t’i dhënë fund luftës në Gaza, tha një zëdhënës i Ministrisë së Jashtme të Katarit.

Presidenti turk, Recep Tayyip Erdogan, vlerësoi më parë “përpjekjet dhe lidershipin” e Donald Trump për t’i dhënë fund luftës në Gaza, pasi udhëheqësi amerikan siguroi mbështetjen e kryeministrit izraelit Benjamin Netanyahu për një propozim paqeje të sponsorizuar nga SHBA-të.

“Unë përgëzoj përpjekjet dhe lidershipin e presidentit amerikan Donald Trump që synojnë ndalimin e gjakderdhjes në Gaza dhe arritjen e një armëpushimi”, tha Erdogan, i cili u takua me Trump në Shtëpinë e Bardhë për herë të parë në gjashtë vjet javën e kaluar.

Turqia do të vazhdojë të kontribuojë në proces “me qëllim krijimin e një paqeje të drejtë dhe të qëndrueshme të pranueshme për të gjitha palët”, shtoi ai në X.

Një burim nga Ministria e Jashtme turke tha vonë të hënën se ministri i Jashtëm Hakan Fidan kishte diskutuar propozimin e Trump me homologët e Arabisë Saudite, Katarit dhe Jordanisë në një telefonatë./D.B/EO

Continue Reading

Lajmet

Zyra e BE-së bën thirrje për një proces i dretjë në zgjedhjen e një anëtari të ri të Këshillit Prokurorial të Kosovës

Published

6 minutes ago

on

September 30, 2025

By

Zyra e BE-së në Kosovë përmes një komunikate për media, kanë kërkuar që anëtari i ri i Këshillit Prokurorial të zgjidhet përmes një procesi të drejtë që tërheq kandidat të mirë për të njejtën pozitë.

“Pas njoftimit të Këshillit Prokurorial të Kosovës për një anëtar të ri, BE-ja në Kosovë bën thirrje për një proces të drejtë që tërheq kandidatë të fortë dhe siguron zgjedhjen e një anëtari, integriteti dhe profesionalizmi i të cilit do të forcojë sistemin prokurorial të Kosovës në dobi të publikut”, thuhet në njoftimin e Zyrës.

Nga Zyra e BE-së kanë thënë se do ta monitorojnë procesin e përzgjedhjes së anëtarit të ri të KPK-së.

“Duke pasur parasysh rëndësinë e reformës së vazhdueshme të Këshillit, siç përcaktohet në ndryshimet e fundit në Ligjin për KPK-në, BE-ja do të monitorojë nga afër procesin e përzgjedhjes.Procedurat transparente dhe të bazuara në meritë janë thelbësore për përparimin e vazhdueshëm të Kosovës në rrugën e saj të integrimit në BE.”, përfundon reagimi./D.B/EO

Continue Reading

Lajmet

Dugolli intervistohet nga Prokuroria Speciale

Published

27 minutes ago

on

September 30, 2025

By

Enver Dugolli nga Lëvizja Vetëvendosje ka bërë të ditur se është intervistuar sot në Prokurorinë Speciale të Republikës së Kosovës si i pandehur për akuza të “nxitjes së urrejtjes”.

Padi kundër tij është ngritur nga pjesëtari i Policisë së Kosovës, Shpend Istogu, i biri i Ajet Istogut.

Dugolli thotë se gjatë viteve ’80 ka qenë viktimë e dhunës fizike, psikike dhe emocionale nga Ajet Istogu dhe se kjo dhunë ka lënë pasoja edhe në shëndetin e tij.

“Padia është ngritur nga një pjesëtar i Policisë së Kosovës, Shpend Istogu, djali i ish-oficerit famëkeq të UDB-së, Ajet Istogu, i njohur për torturat e rënda ndaj të rinjve, intelektualëve dhe punëtorëve shqiptarë gjatë viteve ’80”, ka shkruar Dugolli.

Ai ka shtuar se për familjarët që ngrenë padi, nuk ka kërkuar të mbrojnë krimet e të afërmit të tyre, por të tregojnë pak dinjitet, qoftë edhe në formën e heshtjes.

“Unë nuk kam çfarë të tërheq nga ajo që kam deklaruar. Përkundrazi, kam bërë denoncime publike dhe do të vazhdoj t’i bëj. Unë prisja të intervistohesha si viktimë dhe dëshmitar i krimeve të rënda të kryera ndaj të burgosurve politikë. Nuk e kam pritur kurrë të intervistohem për këso lloj pretendime”, ka shkruar Dugolli.

Në të kaluarën, Dugolli ka përmendur emrat e disa shqiptarëve që sipas tij kanë punuar për UDB-në dhe kanë kryer tortura. Ndër emrat që ka përmendur janë: Ajet Istogu, Isa Bunjaku, Lutfi Ajazi, Hamëz Hajra dhe Tahir Shala./D.B/EO

Continue Reading

Botë

Sulmi me dronë rus vret një familje të tërë ukrainase

Published

28 minutes ago

on

September 30, 2025

By

Një familje e tërë, një çift i martuar dhe dy djemtë e tyre të vegjël janë vrarë në një sulm me dron rus gjatë natës në rajonin verilindor Sumy të Ukrainës, thanë zyrtarët lokalë.

Kreu rajonal Oleh Hryhorov tha se një ndërtesë banimi u godit në fshatin Chernechchyna. Trupat e dy fëmijëve, të moshës katër dhe gjashtë vjeç, dhe të prindërve të tyre u nxorën më vonë nga rrënojat, shkruan BBC.

Forca ajrore e Ukrainës tha se njësitë e saj qëlluan 46 nga 65 dronë rusë në të gjithë vendin – por pati 19 goditje të drejtpërdrejta në gjashtë vende.

Ushtria ruse nuk ka komentuar. Në një deklaratë, tha se 81 dronë ukrainas u shkatërruan gjatë natës në pesë rajone ruse./D.B/KP

Continue Reading

Të kërkuara