Lajmet

I pranishëm edhe Donald Trump, më shumë se 40 liderë do të marrin pjesë në ceremoninë për rihapjen e Notre Dame

Published

2 years ago

on

Më shumë se 40 liderë shtetesh dhe qeverish, përfshirë presidentin e zgjedhur të SHBA, Donald Trump, do të marrin pjesë në ceremoninë zyrtare për rihapjen e Katedrales Notre-Dame të premten, më 7 dhjetor. Katedralja, e njohur për arkitekturën e saj të jashtëzakonshme, u shkatërrua pjesërisht nga një zjarr i fuqishëm në vitin 2019, dhe ky do të jetë një moment i rëndësishëm për restaurimin e saj.

Ndër liderët e ftuar është edhe presidenti ukrainas, Volodymyr Zelensky, që ka shprehur dëshirën për të qenë pjesë e ngjarjes, dhe ardhja e tij është e mundur sipas burimeve diplomatike. Po ashtu, presidentët e shumë vendeve evropiane, përfshirë Frank-Walter Steinmeier të Gjermanisë, Sergio Mattarella të Italisë, Andrzej Duda të Polonisë, Zoran Milanovic të Kroacisë, Rumen Radev të Bullgarisë, Alar Karis të Estonisë, Alexander Stub të Finlandës, dhe Gitana Nausenda i Lituanisë, kanë konfirmuar pjesëmarrjen e tyre.

Gjithashtu, presidentja e Komisionit Evropian, Ursula von der Leyen, do të jetë e pranishme, po ashtu edhe liderë të tjerë të rajonit, përfshirë kryeministrin armen Nikol Pashinyan, presidenten e Gjeorgjisë Salome Zourabisvili, kryeministrin serb Milos Vucevic, presidenten e Kosovës Vjosa Osmani, dhe kryeministrin holandez Dick Schoof.

Pjesëmarrësit e ngjarjes do të përfshijnë edhe liderë afrikanë si presidentët Sassou Nguesso i Kongos, Felix Tshisekedi i Republikës Demokratike të Kongos, Bris Olighe Nguema i Gabonit dhe Fore Gnassingbe i Togos.

Në përfaqësim të presidentit aktual amerikan, Joe Biden, do të jetë gruaja e tij, Jill Biden. Kjo ngjarje do të jetë një moment historik, duke shënuar rikthimin e një nga monumentet më të rëndësishme të kulturës evropiane pas një periudhe të gjatë restaurimi./UBTNews/

Related Topics:
Continue Reading

lajme

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

41 minutes ago

on

November 13, 2026

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Lajmet

Kuvendi ratifikon me 81 vota marrëveshjen me Suedinë për transferimin e të dënuarve

Published

1 hour ago

on

November 13, 2026

By

Kuvendi i Kosovës ka miratuar me 81 vota për, asnjë kundër dhe asnjë abstenim, Projektligjin për Ratifikimin e Marrëveshjes ndërmjet Republikës së Kosovës dhe Mbretërisë së Suedisë për Transferimin e Personave të Dënuar.
Gjatë prezantimit të projektligjit para deputetëve, ministrja e Drejtësisë, Donika Gërvalla, theksoi se marrëveshje të tilla përbëjnë një hap të rëndësishëm në bashkëpunimin evropian dhe forcimin e kapaciteteve shtetërore për zbatimin efektiv të ligjit.
Ajo sqaroi se, meqë marrëveshja ndërlidhet me të drejtat dhe liritë themelore të njeriut, ratifikimi i saj nga Kuvendi është i domosdoshëm në bazë të nenit 18 të Kushtetutës.
Përkrahje për këtë marrëveshje ndërkombëtare kanë dhënë edhe grupet parlamentare opozitare, përfshirë PDK-në, LDK-në dhe AAK-në, duke mundësuar kalimin e saj me konsensus të plotë në seancën plenare. /E.A/

Continue Reading

lajme

Shtyhet sërish seanca ndaj Xhevat Krasniqit, mungojnë prokurori dhe e dëmtuara

Published

2 hours ago

on

November 13, 2026

By

Ka dështuar të mbahet seanca fillestare në rastin e ish-profesorit të Universitetit të Prishtinës, Xhevat Krasniqi, i akuzuar për ngacmim seksual ndaj studenteve të Fakultetit të Mjekësisë. Seanca e radhës është caktuar për datën 24 dhjetor, në orën 09:30.

Gjykatësi i rastit, Bujar Ahmeti, ka bërë të ditur se shkak për shtyrjen ka qenë mungesa e prokurorit të Shtetit, e cila nuk ishte e arsyetuar, si dhe mungesa e njërës prej të dëmtuarave, Donika Veseli. Sipas tij, në mungesë të palëve kryesore, nuk ishin plotësuar kushtet ligjore për zhvillimin e seancës.

Kjo shënon vonesën e radhës në këtë proces gjyqësor, pasi më parë janë shtyrë edhe nëntë seanca të tjera të planifikuara gjatë muajve shtator dhe tetor, për shkak të kërkesave të ndryshme të palëve në procedurë.

Krasniqi ishte denoncuar nga 27 studente të Fakultetit të Mjekësisë për ngacmim seksual. Sipas aktakuzës së Prokurorisë së Prishtinës, ngacmimet e pretenduara kanë ndodhur përgjatë periudhës janar 2022 – dhjetor 2023, brenda hapësirave të Fakultetit të Mjekësisë.

Prokuroria pretendon se profesori Krasniqi është përfshirë në sjellje joverbale joetike të natyrës së ngacmimit seksual, me qëllim cenimin e dinjitetit të studenteve, duke shfrytëzuar pozitën e tij si profesor universitar. Në aktakuzë janë listuar katër të dëmtuara.

Krasniqi aktualisht ndodhet nën masën e pezullimit nga puna në Universitetin e Prishtinës, me vendim të rektorit Arben Hajrullahu, deri në përfundimin e hetimeve nga Prokuroria. /Ekonomia Online/

Continue Reading

Lajmet

Rrahje mes katër personave në Vushtrri: Arrestohen dy të dyshuar, dy të tjerë në arrati

Published

2 hours ago

on

November 13, 2026

By

Dy persona janë arrestuar nga Policia e Kosovës në Vushtrri nën dyshimin për përfshirje në veprat penale “Sulm” dhe “Asgjësim apo dëmtim i pasurisë së luajtshme”, pas një rrahjeje mes katër personave të ndodhur në rrugën “Ismajl Qemali”.

Sipas njoftimit zyrtar të policisë, njësitë policore kanë ndërhyrë në vendin e ngjarjes ku kanë arritur të ndalojnë dy prej të dyshuarve, ndërsa dy të tjerët janë larguar në drejtim të panjohur.

Pas ofrimit të tretmanit mjekësor dhe intervistimit në stacionin policor, me vendim të prokurorit kompetent, dy të arrestuarve u është caktuar masa e ndalimit policor prej 48 orësh. Ndërkohë, policia bën të ditur se ka identifikuar edhe dy personat e arratisur dhe të njëjtit ndodhen në kërkim policor. /E.A/

Continue Reading

Të kërkuara