Magazinë

I fejuari i Dua Lipës – “James Bondi i ri”?

Published

on

Në ndryshimin e madh të koeficienteve të basteve, aktori britanik Callum Turner, i cili është i fejuari i shqiptares së famshme, Dua Lipa, është shfaqur si kandidati surprizë për të marrë rolin e ardhshëm të agjentit “James Bond”, duke sfiduar favoritët e deritanishëm.

Turner, i njohur për rolin e tij në “Fantastic Beasts”, tani qëndron menjëherë pas aktorit Aaron Taylor-Johnson, 34 vjeç, i cili prej kohësh shihet si pretendent kryesor.

Sipas kompanive të basteve, shanset për Callum, 35 vjeç, u rritën ndjeshëm pas një vale bastesh gjatë fundjavës. Ndërkohë, Henry Cavill, 41 vjeç, dhe Theo James, 40 vjeç, mbeten në garë, por nuk kanë fituar të njëjtën mbështetje së fundmi, ka raportuar FemaleFirst.

“Callum Turner ka qenë i popullarizuar në bastet për ‘James Bond’ gjatë fundjavës, duke na detyruar të ulim ndjeshëm kuotat që ai ta zëvendësojë Daniel Craigin. Meqenëse Turner po mbështetet shumë, dhe me Dua Lipën si favorite për të kënduar kolonën zanore të filmit të ardhshëm të ‘Bond’, ky çift i fuqishëm mund të jetë e ardhmja e kësaj franshize”, tha zëdhënësi i kompanisë, “Coral”, John Hill.

Turner është i fejuar me Lipën, që prej verës. Këngëtarja shqiptare prej kohësh shihet si kandidate për të interpretuar këngën të një “Bond”, duke ndjekur gjurmët e artisteve si Billie Eilish dhe Adele. Favorit mbetet Aaron Taylor-Johnson, pasuar nga Callum Turner, Henry Cavill e Theo James vijnë më pas. Në listë mbeten edhe emra të tjerë si Harris Dickinson, 28 vjeç, Tom Holland, 29 vjeç, dhe Jacob Elordi, 27 vjeç.

Romanca brenda botës së “James Bondit” nuk është e re. Vetë ylli Sean Connery, i cili vdiq në vitin 2020, kishte lidhje me aktoren Lana Wood gjatë xhirimeve të “Diamonds Are Forever” në vitin 1971, dhe thuhej se kishte qenë i lidhur edhe me Jill St John.

Spekulimet për Aaron Taylor-Johnson si “Bond” u ndezën sërish këtë qershor, gjatë premierës së filmit “28 Years Later” në Londër, kur ai u pyet nga Deadline për projektet e ardhshme.

“Nuk mund të flas për këtë”, u shpreh ai para se të largohej nga ekipi i tij.

Në maj, ka shtuar edhe më shumë dyshime pasi nënshkroi një marrëveshje me Omega, partneri historik i “Bond” për orët luksoze. Më parë ishte raportuar se producentja e “Bond”, Barbara Broccoli, e kishte preferuar për rolin, përpara se Amazon të merrte kontrollin e franshizës.

“Nuk është me të vërtetë puna ime të them asgjë”, ka thënë Aaron për Esquire.

Magazinë

AMC sjell koncertet live në kinema, Bebe Rexha hap programin e ri muzikor

Published

on

Rrjeti i njohur i kinemave AMC Theatres ka njoftuar partneritetin e ri me Arena One, përmes të cilit koncertet live do të transmetohen drejtpërdrejt në ekranet e kinemave në gjithë Shtetet e Bashkuara.

Programi “Arena One at AMC” nis në muajin qershor dhe do të sjellë performanca nga artistë të njohur ndërkombëtarë, përfshirë Bebe Rexha, Paris Hilton, Kim Petras dhe Maren Morris.

Koncertet do të transmetohen në mbi 300 lokacione të AMC-së, ndërsa organizatorët paralajmëruan edhe emra të tjerë në javët në vijim.

Sipas AMC-së, projekti synon të krijojë atmosferën e një koncerti të vërtetë arena përmes teknologjisë interaktive që transmeton reagimet e publikut në kohë reale mes sallave të kinemasë dhe artistëve në skenë.

Kjo nismë vjen në kohën kur kinematë po fokusohen gjithnjë e më shumë në përmbajtje alternative për të përballuar rënien e të ardhurave pas pandemisë dhe mungesën e filmave të rinj nga studiot e mëdha.

AMC kishte bashkëpunuar më herët me Taylor Swift dhe Beyoncé për filmat koncertalë të turneve të tyre, por kësaj radhe koncertet do të transmetohen drejtpërdrejt.

Biletat për “Arena One at AMC” do të kushtojnë nga 40 deri në 75 dollarë, më lirë se koncertet tradicionale, ku çmimet shpesh kalojnë 140 dollarë.

Continue Reading

Magazinë

Bonnie Tyler dërgohet me urgjencë në spital për operacion

Published

on

Këngëtarja e njohur Bonnie Tyler është dërguar me urgjencë në spital për një operacion në zorrë. Artistja 74-vjeçare po trajtohet në Faro të Portugalisë, ku ajo ka një shtëpi.

Sipas zëdhënësit të saj, operacioni ka kaluar me sukses dhe ajo tani po rikuperohet, ndërsa familjarët, miqtë dhe fansat po i urojnë shërim të shpejtë.

Bonnie Tyler, emri i vërtetë i së cilës është Gaynor Hopkins, u bë e famshme në gjithë botën me hitin “Total Eclipse of the Heart” në vitin 1983. Kënga së fundmi kaloi shifrën e një miliard dëgjimeve në Spotify.

Ajo ka pasur edhe hite të tjera të njohura si “Holding Out for a Hero”, ndërsa në vitin 2013 përfaqësoi Mbretërinë e Bashkuar në Eurovision.

Tyler pritet të vazhdojë koncertet e planifikuara këtë muaj në Maltë dhe Gjermani, si dhe turneun në vende të tjera evropiane.

Continue Reading

Magazinë

Ted Turner, themeluesi i CNN-it, ka vdekur në moshën 87-vjeçare

Published

on

Ka vdekur në moshën 87-vjeçare Ted Turner, themeluesi i CNN-it dhe një nga figurat më të njohura të medias në botë.

Ai ndryshoi botën e mediave në vitin 1980 kur krijoi CNN-in, kanalin e parë me lajme 24 orë pa ndërprerje. Në fillim shumë njerëz nuk besonin se do të kishte sukses, por CNN u bë një nga rrjetet më të njohura në botë.

Turner u bë i famshëm për raportimet e shpejta dhe transmetimet direkte gjatë ngjarjeve të mëdha botërore.

Përveç medias, ai ishte edhe pronar i disa skuadrave sportive dhe një filantrop i njohur që ndihmoi me miliona dollarë për mjedisin dhe organizata ndërkombëtare.

Continue Reading

Magazinë

Mira Murati në Met Gala në New York

Published

on

Mira Murati, shqiptarja nga Vlora e njohur në botën e teknologjisë, ka marrë pjesë në eventin më prestigjioz të modës, Met Gala, të mbajtur në Muzeun Metropolitan të Artit në New York.

Ajo u shfaq me një fustan të zi me detaje në ngjyrë ari, në përputhje me temën e këtij viti “Costume Art”.

Në vitin 2024, Murati u largua nga pozita e drejtoreshës së teknologjisë në OpenAI për të themeluar startup-in e saj “Thinking Machines Lab”.

Edhe pse ende nuk ka të njëjtin nivel njohjeje si disa prej figurave më të mëdha të Silicon Valley, ajo konsiderohet një nga sipërmarrëset më të ndjekura në këtë industri dhe është e vetmja shqiptare e pranishme në këtë event të madh.

Continue Reading

Të kërkuara