Aktualitet

I dërguari i SHBA-së për klimën në Egjipt për të diskutuar samitin COP27

Takimi do të zhvillohet në nëntor në resortin egjiptian të Detit të Kuq të Sharm el-Sheikh.

Published

on

Shtetet e Bashkuara dhe Egjipti nisën të hënën një grup punues për t’u përgatitur për samitin e klimës COP27 këtë vit, me të dërguarin e SHBA-së, John Kerry, duke u kërkuar më shumë vendeve që të marrin pjesë, përcjell UBT News.

Takimi do të zhvillohet në nëntor në resortin egjiptian të Detit të Kuq të Sharm el-Sheikh.

“Në Glasgow, ne kemi bërë përparim të rëndësishëm… tani duhet të sjellim më shumë vende në bord”, u tha Kerry gazetarëve në Kajro.

“Kjo ka të bëjë me një kërcënim për planetin tonë dhe po nxit konsideratat dhe mendimet tona se si të merremi me këtë”, tha ai së bashku me ministrin e Jashtëm egjiptian, Sameh Shoukry.

Në COP26 u bënë premtime për të hequr dorë nga energjia me qymyr, për të frenuar emetimet e metanit dhe për të rritur ndihmën financiare për vendet në zhvillim.

Egjipti, me 102 milionë banorë, është vendi më i populluar arab dhe bregu verior i tij është përballur vitet e fundit me kërcënimin e rritjes së nivelit të detit për shkak të ndryshimeve klimatike.

Qeveria egjiptiane ka thënë se synon të rrisë burimet e rinovueshme të energjisë në 42 për qind deri në vitin 2035./UBTNews/

Lajmet

Sot lëviz çmimi i naftës: 1.75 euro për litër

Published

on

By

Ministria e Industrisë, Ndërmarrësisë, Tregtisë dhe Inovacionit (MINT) ka publikuar çmimet maksimale të lejuara për shitjen e derivateve të naftës në tregun e Kosovës, të vlefshme për datën 16 prill 2026.

Sipas njoftimit zyrtar, çmimet që hyjnë në fuqi nga ora 10:00 janë: Nafta (dizel): 1.75 euro/litër, Benzina: 1.43 euro/litër, Gasi: 0.88 euro/litër

Kjo rritje e çmimeve në tregun tonë dhe jo vetëm vjen si pasojë e drejtpërdrejtë e destabilizimit të tregjeve ndërkombëtare pas përshkallëzimit të fundit të konfliktit midis Iranit dhe Izraelit. Përfshirja e të dyja palëve në një cikël të ri sulmesh ka krijuar pasiguri të madhe për furnizimin global me naftë, duke pasur parasysh pozitën strategjike të Lindjes së Mesme në prodhimin e energjisë.

Continue Reading

Aktualitet

Mbi një milion të zhvendosur në Liban: OKB kërkon ndihmë urgjente

Published

on

By

Kreu i agjencisë së OKB-së për refugjatët, Barham Salih, i ka bërë thirrje komunitetit ndërkombëtar të ofrojë “mbështetje dhe ndihmë urgjente” për Libanin.

Më shumë se një milion njerëz — një e pesta e popullsisë libaneze — janë zhvendosur nga konflikti, të cilin Salih e cilëson si “të paprecedentë”.”Libani nuk meriton të mbetet i bllokuar në një cikël të përsëritur dhune, ai meriton mbështetje dhe stabilitet,” tha Salih pas takimit me Kryeministrin libanez, Nawaf Salam, sipas agjencisë së lajmeve AFP.

Mbi 2,100 njerëz janë vrarë nga sulmet izraelite që nga 2 marsi, sipas ministrisë së shëndetësisë së Libanit. Izraeli deklaron se operacionet e tij në Liban synojnë dobësimin e Hezbollahut të mbështetur nga Irani dhe mbrojtjen e qytetarëve të tij nga sulmet, përfshirë breshëritë e raketave ndërkufitare. /BCC/

Continue Reading

Lajmet

Ekzekutohen pensionet për mbi 286 mijë përfitues në Kosovë

Published

on

By

Ministria për Punë, Familje dhe Vlera të Luftës ka njoftuar se sot është bërë alokimi i pensioneve për të gjitha kategoritë në vend.

Ky proces përfshin mbi 272 mijë pensionistë moshorë dhe kontribuues, si dhe mbi 14 mijë përfitues të skemave për invalidët e luftës dhe viktimat civile.

Sipas njoftimit, mjetet janë transferuar dhe të gjithë përfituesit mund t’i tërheqin ato që nga pasditja e sotme përmes bankomatëve.

Ministria bën të ditur se në nivel vendi, numri i përgjithshëm i qytetarëve që përfitojnë nga këto skema arrin në mbi 286 mijë.

Continue Reading

Aktualitet

Zyrtari amerikan: Vazhdojnë bisedimet me Iranin për zgjatjen e armëpushimit

Published

on

By

Një zyrtar i lartë amerikan i ka thënë BBC-së se bisedimet për zgjatjen e armëpushimit dy-javor me Iranin janë duke vazhduar.

Ky armëpushim pritet të skadojë javën e ardhshme, më 22 prill.

“Shtetet e Bashkuara nuk janë pajtuar zyrtarisht për një zgjatje të armëpushimit, por ka një angazhim të vazhdueshëm mes SHBA-së dhe Iranit për të arritur një marrëveshje,” ka deklaruar zyrtari i lartë.

Më herët, agjencia e lajmeve AFP citoi mediat shtetërore iraniane të cilat thonë se raportet për një zgjatje të mundshme të armëpushimit mbeten ende të pakonfirmuara.

 

Continue Reading

Të kërkuara