Ylli i Hollywoodit, këngëtarja me prejardhje latine, Jennifer Lopez, ka treguar se kishte dëshirë të jashtëzakonshme ta luante rolin e aktivistes e politikanes argjentinase, Eva Peron.

Ajo ka rrëfyer se një nga momentet më zhgënjyese në karrierën e saj ishte kur humbi rolin kryesor në filmin biografik për aktivisten në fjalë, “Evita” në vitin 1996, rol që iu dha Madonnas.

Madonna në rolin e Evitas

Këngëtarja dhe aktorja 56-vjeçe ka kujtuar audicionin që pati me regjisorin Alan Parker, ndërkohë që po fliste në një konferencë, ka raportuar Variety.

“Shkova të provoj për ‘Evitan’. Kisha javë të tëra që po praktikoja dhe këndova me gjithë shpirt. Ai më tha: ‘Je e mrekullueshme. Por e di që rolin e ka marrë Madonna, apo jo?’ Unë i thashë: ‘OK, mirupafshim. Ishte kënaqësi të të takoja’”, ka thënë këngëtarja.

Lopez është duke realizuar një ëndërr të kahershme, rolin në  “Kiss of the Spider Woman”. Megjithatë, ajo ka pranuar se përvoja nuk ka qenë e lehtë, sidomos kur regjisori Bill Condon i kërkoi të interpretonte një nga këngët më të ndërlikuara të filmit me një xhirim të vetëm.

“I thashë: ‘Do të bëjmë disa prova, disa shkrepje të ndryshme?’ Ai më tha: ‘Jo, asnjë mbulim.’ Unë thashë: ‘Oh, duhet ta bëj perfekt atëherë.’ Pastaj, deri në gjysmë të rrugës, gjithçka po shkonte shkëlqyeshëm e ti shkel në fustan ose të ndodhë diçka tjetër, dhe mendon se duhet ta fillojmë nga e para. Ishte sfiduese. Sidomos për kohën dhe buxhetin, siç ndodh shpesh me filmat e pavarur”, ka thënë artistja.

Pavarësisht sfidave, Lopez është shprehur e lumtur dhe krenare për rrugëtimin e saj.

“Gjithçka më duket sikur e kam bërë dje. I kujtoj momentet. Kujtoj çfarë vishja. Kujtoj çfarë më thoshin njerëzit kur po dilnim në skenë. Janë kujtime të paharrueshme të jetës. Nuk mund të them që emocionohem shumë, por gjithsesi ndjej: ‘Wow’. Jam e lumtur. Kam arritur shumë dhe jam krenare për këtë”, tha ajo për revistën People pak para se ta prezantonte spektaklin “Video Music Awards”.

Julia Roberts ka folur hapur për mënyrën si ajo dhe bashkëshorti, Daniel Moder, i kanë rritur tre fëmijët e tyre – binjakët Hazel dhe Phinnaeus dhe djalin Henry – duke zbatuar rregulla të qarta dhe të pandryshueshme.

Në një intervistë për 72 Magazine, aktorja 57-vjeçe u shpreh se fëmijët e tyre kanë qenë ndër më të fundit në grupet e tyre shoqërore që kanë marrë telefona dhe pajisje teknologjike.

“Kur ishin më të vegjël, padyshim që unë dhe Danny konsideroheshim prindër më të rreptë. Nuk është se vendosnim ligje të forta, por kishim rregulla që nuk ndryshonin. Këtu janë kufijtë dhe ata nuk lëvizin”, tha ajo.

Roberts shtoi se kjo mënyrë krijon stabilitet dhe ndjenjën e sigurisë tek fëmijët: “Ata e dinë se ekziston një botë e qëndrueshme dashurie dhe mbrojtjeje që nuk kushtëzohet”.

Ajo dhe Moder janë përpjekur të mbajnë jetën e fëmijëve private, larg syrit të medias. Më 2013, tregoi për USA Today se synimi ishte t’i mbronin ata e të kishin jetë familjare pa ndërhyrje të jashtme. Roberts ka folur disa herë për qasjen e saj kundër varësisë nga teknologjia.

Në një intervistë për Today në vitin 2023, ajo tha se në shtëpi kishin vendosur një stacion karikimi për telefonat, nuk lejonin përdorimin e tyre në tryezë dhe inkurajonin bisedat e drejtpërdrejta në familje.

Anastacia ka kujtuar një fragment ku aktori Arnold Schwarzenegger në ditëlindjen e tij i kërkonte vazhdimisht të këndonte këngën “Whatta Man”.

Këngëtarja me famë botërore ka treguar se atë natë mund ta ketë kënduar rreth 12 herë këngën me kërkesë të aktorit.

“Unë isha e ftuar në ditëlindjen e Arnold Schwarzenegger dhe ai më kërkoi të këndoja “Whatta Man të En Vogue. Këngë e shkëlqyer, por ai donte vetëm që unë ta këndoja vazhdimisht. Mendoj se e këndova 12 herë”, ka treguar ajo.

“Çdo herë, thoja, ‘O Zot, ai e do përsëri’. Më bëri vërtet të qeshja”, u shpreh ajo.

Ajo ka përshkruar këtë moment si një përzierje argëtimi dhe habitjeje, duke theksuar se ndërveprimi i tillë me figurë kaq të njohur e bëri të qeshte gjatë gjithë mbrëmjes.

Përveç sfidës për të kënduar të njëjtën këngë disa herë, Anastacia e ka përjetuar këtë eksperiencë si kujtim i veçantë dhe të gëzueshëm nga karriera e saj.

Përgatiti: A.Z. /UBT News/