

Lajmet
Hyseni: Ftesa për seancë e thirrur nga opozita për të enjten, e pa ligjshme
Published
7 months agoon
By
UBTNewsKryetari i Komunës se Gjilanit, Alban Hyseni, ka akuzuar kryesuesin e Kuvendit Komunal të Gjilanit se nuk e ka dërguar ftesën ose thirrjen tek asamblistët për seancë.
Ai ka thënë se ftesa për seancë e thirrur nga opozita për të enjten, nuk ka material dhe e njëjta është e pa ligjshme.
Hyseni tha se kanë dërguar kërkesë për interpretim në MAPL, nëse qëndron konstatimi që e drejta për hartimin dhe propozimin i takon kryetarit të Komunës.
“Ftesën e kemi dërguar dje dhe deri sot kur është mbajtur kjo seancë urgjente, kryesuesi i Kuvendit nuk e ka dërguar ftesën ose thirrjen tek asamblistët. E ka refuzuar atë, e ka refuzuar duke thënë që nuk e fton seancën. Jo në shenjë paralajmërimi ose kërcënimi, por në shenjë mirësie për situatën e krijuar, dua ta paralajmëroj se këto veprime të opozitës së bashkuar të PDK, LDK Lëvizjes Qytetare Vatra edhe Listës Serbe që vazhdimisht e bojkotojnë Kuvendin janë një lloj rrëshqitje drejt elementeve të keqpërdorimit të detyrës zyrtare. Kryesuesi i Kuvendit që është vegël e LDK-së e PDK-së është duke konsumuar se është duke dhënë elemente që përbëjnë veprën penale të keqpërdorimit të detyrës penale”, tha ai.
Hyseni tha se ftesa për të enjten nuk ka material për rendin e punës, është shkelje ligjore.
“Projektbuxhetin nuk e dërgon kryesuesi as asamblistët, atë e dërgon kryetari i komunës, seanca nuk mund të thirret për një pikë që ekskluziviteti i takon kryetarit, e kemi edhe përgjigjen nga MAPL”, tha Hyseni.
Ai ka theksuar se opozita duhet të dërgojë kërkesat për buxhet për projekte që të futen në propozimin buxhetor.
“Ne jemi shumë të interesuar që komuna e Gjilanit të mos mbetet pa buxhet, do të bëjmë përpjekje të vazhdueshëm që do të bëjmë edhe nesër në seancë urgjente. Edhe sot që kemi bërë thirrje për seancë urgjente në orën 16:00. Ne jemi të gatshëm që kërkesat e opozitës jo t’i harmonizojmë, neve na duhet kërkesa për projekte dhe ne i fusim ne buxhet. Ne i kërkojmë kërkesat opozitës për buxhet për projekte t’i fusim në propozimin tonë. Pasi ta dërgojmë për aprovim le të vijnë ta ndryshojnë prapë”, tha ai.
Hyseni ka paralajmëruar se sot pritet që të mbahet dhe një seancë tjetër për buxhetin duke filluar nga ora 16:00.
Lajmet
Chicago Fire rikthehet në playoff pas fitores ndaj Inter Miamit
Published
31 minutes agoon
October 1, 2025By
UBT News
Chicago Fire siguroi kualifikimin në fazën eliminatore të Major League Soccer pas një fitoreje të bujshme 5-3 ndaj Inter Miami, në një ndeshje të mbushur me gola dhe emocione.
Skuadra e drejtuar nga Gregg Berhalter, ish-trajneri i Shteteve të Bashkuara, u tregua më e freskët dhe më e organizuar se Miami, që po zhvillonte ndeshjen e gjashtë brenda 17 ditësh.
Megjithëse Luis Suarez shënoi dy herë në pjesën e dytë për të rikthyer shpresat e skuadrës së Lionel Messit, Interi nuk mundi të përballonte ritmin e lartë të kundërshtarëve.
Chicago e nisi vrullshëm takimi kur D’Avilla zhbllokoi rezultatin në minutën e 11-të, ndërsa Jonathan Dean e dyfishoi pas gjysmë ore lojë. Pavarësisht golit të Aviles për Miamin në minutën e 39-të, Rominingue Kouame riktheu epërsinë prej dy golash pak para pushimit.
Pas intervalit, Suarez mori përgjegjësitë dhe me dy gola të shënuar në minutat 57 dhe 74 barazoi 3-3. Por energjia e Chicagos në fazën sulmuese solli diferencën në fund.
Justin Pledger Reynolds i dha avantazhin 4-3 në minutën e 80-të, ndërsa vetëm tre minuta më vonë Brian Gutierrez vulosi fitoren me një goditje të fuqishme nga distanca.
Ky sukses i kthen “Zjarrfikësit” në playoff për herë të parë që nga viti 2017, duke shënuar një hap të madh në rikthimin e klubit nën drejtimin e Berhalter.
“Kualifikimi ishte objektivi ynë i parë, por synimi mbetet të ndërtojmë një skuadër që mund të fitojë trofe”, deklaroi trajneri pas ndeshjes.
Chicago Fire tani mund ta shohë me optimizëm vazhdimin e sezonit, ndërsa Inter Miami duhet të përmirësojë mbrojtjen nëse dëshiron të shkojë larg me Messin e Suarezin në fushë./S.K/KP/
Lajmet
Osmani: Protestat studentore të vitit 1997, ishin lajmëtari i lirisë
Published
35 minutes agoon
October 1, 2025By
UBTnews
Presidentja e Kosovës, Vjosa Osmani thekson se protestat studentore të vitit 1997, ishin lajmëtari i lirisë.
Osmani ka shkruar në Facebook se në vitin 1997, studentët e Kosovës u ngritën jo vetëm për të drejtat e tyre, por për dinjitetin e një populli të tërë.
“Ata kishin fuqinë e zërit, guximin e zemrës dhe besimin se e ardhmja nuk mund të ndërtohej mbi frikë, padrejtësi dhe terror. Në rrugët e Prishtinës, në auditoriumet e mbyllura, në sheshet e mbushura me thirrje e pankarta, u shkrua një kapitull i artë i rezistencës sonë”, thuhet në njoftim.
Sipas njoftimit, protestat studentore të vitit 1997, ishin lajmëtari i lirisë, nga të cilat secili hap shndërrohej në akt heroizmi dhe secila thirrje për drejtësi bëhej kushtrim për liri e pavarësi.
“Sot, kur kujtojmë atë ditë të lavdishme, përulemi me respekt para atij brezi që guxoi të sfidojë padrejtësinë me forcën e paqes. Studentët e 97-tës na mësuan se liria nuk dhurohet, por fitohet, dhe e ardhmja nuk pritet, por ndërtohet”, ka shkruar Osmani.
28 vjet më pare ishte Lëvizja Studentore e atëhershme që organizoi protestat, të cilat u organizuan për të kundërshtuar pushtimin e Kosovës nga Serbia dhe kthimin e studentëve në objektet universitare, nga ku studentët ishin dëbuar nga regjimi i kasapit Slobodan Millosheviq në fillim të viteve të 90-ta./D.B/KP
Lajmet
Ambasada Amerikane në Kosovë kufizon përditësimet në Facebook
Published
1 hour agoon
October 1, 2025By
UBTnews
Ambasada Amerikane në Prishtinë ka kufizuar përditësimet në Facebook, për shkak të krizës buxhetore në Shtetet e Bashkuara të Amerikës, transmeton KkosovaPress.
Për herë të parë pas shtatë vitesh, qeveria amerikane është mbyllur pasi liderët e Partisë Demokratike dhe asaj Republikane nuk arritën të bien dakord për një financim të përkohshëm. Si rrjedhojë, mijëra punonjës që paguhen nga buxheti shtetëror do të jenë në pushim pa pagesë, derisa të arrihet një marrëveshje mes partive.
Në njoftimin e Ambasadës amerikane thuhet se llogaria në Facebook nuk do të përditësohet rregullisht derisa të rifillojnë operacionet e plota. Kjo, për shkak të mungesës së fondeve të alokuara, thuhet në njoftimin në Facebook.
“Kjo llogari në Facebook nuk do të përditësohet rregullisht derisa të rifillojnë operacionet e plota, me përjashtim të informacionit urgjent të sigurisë. Në këtë kohë, shërbimet e planifikuara të pasaportave dhe vizave në Shtetet e Bashkuara dhe në Ambasadat dhe Konsullatat e SHBA-së jashtë vendit do të vazhdojnë gjatë mungesës së fondeve të alokuara, sipas situatës. Ne nuk do ta përditësojmë këtë llogari derisa të rifillojnë operacionet e plota, me përjashtim të informacionit urgjent të sigurisë”, thuhet po aty.
Për informacion mbi shërbimet dhe statusin e funksionimit, vizitoni travel.state.gov.
Kjo është mbyllja e parë e qeverisë pas shtatë vitesh, që nga mandati i parë i presidentit aktual.
Në atë kohë, qeveria qëndroi e mbyllur për 35 ditë, nga fundi i vitit 2018 deri në fillim të vitit 2019./D.B/KP
Lajmet
Derbi Barcelona-PSG në Ligën e Kampionëve ndez sonte mbrëmjen evropiane
Published
2 hours agoon
October 1, 2025By
UBT News
Liga e Kampionëve vazhdon sonte me një program të pasur ndeshjesh, ku spikat supersfida mes Barcelonës dhe Paris Saint-Germain.
Përballja e gjiganëtve evropian pritet të jetë një nga më të ndezurat e fazës së ligës, pasi dy skuadrat kërkojnë një fitore që mund të peshojë shumë për vazhdimin e rrugëtimit.
PSG udhëton drejt Katalonisë me disa mungesa të rëndësishme, por gjithsesi me yje të mëdhenj në dispozicion të Luis Enrique.
Në krahun tjetër, Barcelona është në formë të mirë dhe synon të shfrytëzojë mbështetjen e publikut për të marrë një fitore prestigjioze. Ky duel pritet të vendoset nga detajet, duke pasur parasysh balancën e forcave mes dy ekipeve.
Përveç derbit të madh në Spanjë, mbrëmja sjell edhe disa duele të tjera të forta:
Arsenal – Olympiacos
Bayer Leverkusen – PSV
Dortmund – Athletic Bilbao
Monaco – Manchester City
Napoli – Sporting CP
Villarreal – Juventus.
Ndërsa, programi hapet në orën 18:45 me dy ndeshje interesante:
Qarabag – FC Copenhagen
Royale Union SG – Newcastle
/S.K/KP/

Chicago Fire rikthehet në playoff pas fitores ndaj Inter Miamit

Osmani: Protestat studentore të vitit 1997, ishin lajmëtari i lirisë

Ambasada Amerikane në Kosovë kufizon përditësimet në Facebook

E vërteta e fshehur pas infarkteve tek të rinjtë

Derbi Barcelona-PSG në Ligën e Kampionëve ndez sonte mbrëmjen evropiane

A e dini pse peshqirët kanë vija në skaje?

Ambasada amerikane në Shqipëri del me njoftim për vizat pasi u mbyll qeveria federale

Cardi B sulmon Nicki Minajn pas akuzave për falsifikim të shitjeve të albumit

Aplikacioni i ri i OpenAI, një TikTok me video të gjeneruara nga inteligjenca artificiale
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega