Sport

Humbjet që sollën “lëkundje” te Prishtina në fazën vendimtare

Published

on

Pas serisë prej nëntë fitoreve, Sigal Prishtina hyri fuqishëm në garë për vendin e parë në Superligën e Kosovës në basketboll.

Seria nisi në xhiron e 15-të me fitoren në udhëtim ndaj Proton Cable Prizrenit, më 9 janar, më pas skuadra prishtinase mposhti Borën, Golden Eagle Yllin, Trepçën, Pejën, Bashkimin, Vëllaznimin dhe sërish Prizrenin e Borën.

Në kuadër të xhiros së 24-t, më 16 mars, Prishtina humbi nga Golden Eagle Ylli.

Nuk është kjo humbja që solli ndarjen me trajnerin turk, Murat Bilge.

Pas humbjes nga Ylli, Prishtina reagoi me fitore kampionale ndaj Prishtinës. Ndërkohë mori organizimin e turneut final të Ligës Unike, me synim për ta fituar trofeun. Por në finale u befasua nga Vëllaznimi, që fitoi në Prishtinë me rezultat 91:88. Të dielën Prishtina vazhdoi garën kampionale dhe humbi shumë thellë, 100:70 në “Karagaçi” nga Peja.

Të martën klubi i kaltër njoftoi se Bilge nuk është më kryetrajner.

“Ju njoftojmë se ndihmëstrajneri i deritashëm, Albert Sylejmani, merr detyrat dhe përgjegjësitë si trajner i klubit”, ka njoftuar Prishtina.

Nuk është sqaruar nëse Bilge ka dhënë dorëheqje a është shkarkuar, ai nuk është trajner i skuadrës. Ndryshimi në krye të shtabit teknik ndodhi dy xhiro para fundit të stinorit të rregullt. Në mesjavë Prishtina takohet në shtëpi me Bashkimin, në fundjavë luan në udhëtim ndaj Vëllaznimit. Pas xhiros së 26-të, Prishtina renditet e treta me 42 pikë. 43 pikë në pozitën e dytë i ka Trepça, Bashkimi udhëheq me 44 pikë.

Dy pozitat e para në fund dërgojnë në gjysmëfinale të plejofit. Prej vendit të tretë sigurohet çerekfinalja. Natyrisht rruga për te titulli është shumë më sfiduese prej vendit të tretë. Te Prishtina nuk ka pasur formë konstante prej fillimit të edicionit. Kampionatin e nisi duke u bazuar në të rinj, por u mbush me të huaj dhe rriti pretendimet. Në vjeshtë nuk shfaqi shumë, ndërsa seria e dy muajve të parë të këtij viti e ktheu në garë. Shumë prej atyre fitoreve u arritën në fund e me mund. Por telashet në lojën e Prishtinës u ekspozuan në dy takimet e fundit.

Sidomos në pjesën e dytë të ndeshjes në Pejë, Prishtina kishte shfaqje të papranueshme për këtë pjesë të kampionatit. Ndonëse ishte në epërsi pas pjesës së parë, skuadra prishtinase humbi në fund me plot 30 pikë dallim.

Kjo solli ndryshimin në krye të shtabit teknik, ndonëse ndryshimi u bë në momentin më të papërshtatshëm të mundshëm. Mbetet të shihet se si do të reagojë Prishtina në ndeshjet e mbetura dhe më pas në plejof. Sylejmani ishte ndihmës i Bilges, ndërsa edhe më herët e kishte përgjegjësinë për ta drejtuar skuadrën si kryetrajner. Ai është gjatë në basketboll e po ashtu në Prishtinë.

Sport

Xherdan Shaqiri për mentalitetin e tij: Në fushë jam shqiptar, në jetën e përditshme zviceran!

Published

on

Futbollisti i Baselit, Xherdan Shaqiri së fundmi ishte në një intervistë në emisionin “Blu Sport” në Zvicër.

Shaqiri bëri një deklaratë të fuqishme që ka nxitur shumë reagime në rrjetet sociale.

Ish-lojtari i Liverpoolit tha se në fushë është një shqiptar i vërtetë, kurse në jetën e përditshme një zviceran.

“Unë jam shqiptar në fushën e futbollit, zviceran në jetën e përditshme”, u shpreh Shaqiri.

33-vjeçari nga Zhegra e Gjilanit gjatë këtij sezoni ka zhvilluar 32 ndeshje me Baselin, ka shënuar 16 gola dhe ka bërë 18 asiste.

Continue Reading

Sport

Gjakova dhe Cena garojnë sot në Evropianin e xhudos

Published

on

By

Pas suksesit madhështor të Distria Krasniqit, e cila një ditë më parë u shpall kampione e Evropës, sot vëmendja e sportit kosovar është sërish në Podgoricë, ku Akil Gjakova dhe Dardan Cena do të zbresin në tatami për të përfaqësuar Kosovën në Kampionatin Evropian të xhudos.

Të dy xhudistët janë në formë të mirë dhe parashikimet janë premtuese – pritjet janë që të sjellin edhe ata medalje për Kosovën, duke vazhduar traditën e artë të këtij sporti që tashmë është bërë krenaria kombëtare.

Nën drejtimin e trajnerit Driton Kuka, xhudoja kosovare ka kthyer në zakon sukseset në arenën ndërkombëtare, dhe ky kampionat duket se po vulos një tjetër kapitull të ndritur për ekipin tonë.

Continue Reading

Rajoni

​Ylli rizgjidhet president i Komitetit Olimpik Shqiptar

Published

on

By

Fidel Ylli është rizgjedhur Presidentit i Komitetit Olimpik Kombëtar Shqiptar (KOKSH) edhe për 4 vitet e ardhshme. Në Asamblenë e 31-të të Përgjithshme Zgjedhore të mbajtur në Tiranë, Ylli ka marr besimin për të drejtuar Komitetin Olimpik Kombëtar Shqiptar për një tjetër mandat.

Gjatë punimeve të Asamblesë është votuar edhe për zv Presidentin e Komitetit Olimpik. Erli Pellumbi mori besimin nga asambleja dhe u ri zgjodh si zv President i Komitetit Olimpik.

Asambleja votoi dhe për Komitetin Ekzekutiv të KOKSH, që do të përbëhet nga Alfred Tahiraj, Enkeleda Caushi, Florend Kalivopuli, Julinda Dhame, Izmir Smajlaj, Krenar Dila, Leonard Luli, Pavlina Evro.

Siç është bërë traditë në çdo Asamble të KOKSH, janë dorëzuar Urdhrat Olimpikë, për figura që kanë dhënë kontribut ndër vite në sportin shqiptar, që përkonin me emrat e Theodhori Driza, Emin Lishi, Mustafa Fagu, Krenar Luto dhe Sytki Tafili.

Continue Reading

Sport

Marcus Rashford ‘nuk dëshiron’ të luajë sërish nën drejtimin e Ruben Amorimit

Published

on

Sipas BBC, Marcus Rashford nuk pritet të luajë përsëri për Manchester United, ndërsa Ruben Amorim mbetet në krye. 

27-vjeçari, aktualisht i huazuar në Aston Villa , ka rizbuluar formën me katër gola që nga transferimi i tij në shkurt – duke përfshirë një në humbjen e fundit 2-1 ndaj Manchester City.

Megjithatë, pavarësisht se ka kontratë me Man United deri në vitin 2028, marrëdhënia e Rashford me Amorim duket e tensionuar.

Edhe pse Rashford besohet të jetë i hapur për një rikthim në “Old Trafford”, ai nuk dëshiron të luajë nën drejtimin e Ruben Amorim.

Amorim e përjashtoi Rashfordin nga skuadra në dhjetor dhe nuk e ka përzgjedhur atë në skuadrën e ndeshjes, përveçse e emëroi atë një zëvendësues të papërdorur në humbjen ndaj Newcastle.

Continue Reading

Të kërkuara