

Lajmet
Humbja e Vetëvendosjes, Robelli: E pritshme dhe mësim i mirë, vota në politikë nuk është e mirëqenë
Robelli: Vetëvendosje kishte problem me kandidatët.
Published
4 years agoon
By
Betim GashiVetëvendosja përjetoi një humbje të rëndësishme politike në zgjedhjet lokale të sapo përfunduara. Po për analistin Enver Robelli, kjo nuk përbën një befasi të madhe.
“Fillimi i qeverisjes ishte i plagët, dhe mënyra sesi u menaxhua ose jo-menaxhua pandemia, i kushtoi shumë në popullaritet Vetëvendosjes. Krerët e VV kanë menduar me gjasë që entuziazmi i 14 shkurtit, e zgjedhjeve parlamentare, do t’i mbante deri në zgjedhjet lokale të tetorit”, thotë ai, i ftuar në emisionin “Debat” në A2 CNN.
Analisti bën edhe një shembull konkret, atë më të bujshëm, që përfshin kryeqytetin tashmë në “duart” e kandidatit të LDK-së, Përparim Rama.
“Në rastin e Prishtinës, Kurti nuk duhet ta emëronte në kabinetin e tij zotin Vitia, i cili ishte i popullarizuar dhe nuk duhej të kalonte në “ferrin” e menaxhimit të pandemisë. Asnjë ministër i Shëndetësisë në botë ishte në këtë moment i popullarizuar, sepse të paktën kanë kundër gjysmën e opinionit publik. Albin Kurti ngurroi deri në momentin e fundit, kur gara u ngushtua shumë dhe nuk është sekret që kandidati i LDK-së u mbështet edhe nga parti të tjera, me qëllimin e kuptueshëm për të goditur qeverinë Kurti”.
Në Prishtinë çaloi strategjia, ndërkohë që sipas Robellit në raste të tjera mungoi kandidati ose situata e brendshme.
“Vetëvendosje kishte problem me kandidatët, në Mitrovicë kandidoi me një figurë aspak popullore. Nuk do të ishte mëkat të tentoheshin aleanca, përshembull me LDK-në, siç ndodhi në Junik. Në Prizren VV ka probleme të brendshme, ku nuk mungojnë intrigat, dhe njerëzit lodhen me këto, ky është mësim i mirë për VV, se asnjë gjë në politikë është e vetëkuptueshme, aq më shumë vota”, thotë Robelli.
Sipas tij, fitorja e bujshme e partisë së Albin Kurtit në zgjedhjet e përgjithshme i hapi sytë partive të tjera. “Fitorja e 14 shkurtit ka shkaktuar një tërmet politik në partitë e tjera, të cilat kanë kuptuar që nuk mund të shkonin larg me lidershipet e vjetra, dhe po bëjnë përpjekjet e para për t’u reformuar. Nuk ka distancim të qartë, në prapavijë ende e mbajnë pushtetin njerëzit që e kanë shkatërruar vendin vitet e fundit, por u krijua gjithsesi një imazh me liderë të rinj, si Abdixhiu, që bashkë me plogështinë e VV krijoi një momentum që solli këto rezultate”.
Një nga arsyet mund të gjenden edhe tek elektorati i presidentes Vjosa Osmani, që e ndihmoi Vetëvendosjen në shkurt por që mund ta ketë braktisur sot.
“Është shumë e mundshme që pasuesit e zonjës Osmani të jenë drejtuar sërish tek LDK, Osmani e ka të ndaluar të merret me parti politike dhe nuk shoh brenda asaj lëvizje njerëz me ardhmëri politike. Edhe për këtë arsyeje, VV tentoi të shtynte zgjedhjet, diçka që ishte e pandershme”, shton Robelli.
You may like
Aktualitet
Ambasadori francez: Manipulimi i informacionit po bëhet sistematik
Published
43 minutes agoon
July 30, 2025By
UBT News
Politizimi i dërgimit të njësiteve të kërkim-shpëtimit të FSK-së në Liqenin e Ujmanit për të ndihmuar në gjetjen e një personi të zhdukur ka nxitur reagime të forta nga ambasadorët ndërkombëtar.
Ambasadori francez, Olivier Guerot, dënoi ashpër veprimin e qeverisë në detyrë. Ai shtoi se Franca do t’i ofrojë mbështetjen e nevojshme misionit paqëruajtes në Kosovës “në një kontekst ku dezinformimi dhe manipulimi i informacionit po bëhen sistematike.”
Geurot shprehu gjithashtu respekt për mediat “që kanë raportuar saktë për rolin e KFOR-it në përpjekjet për gjetjen e trupit të personit të zhdukur nga Liqeni i Gazivodës.”
“Franca e mbështet plotësisht KFOR-in dhe Komandantin e tij. Që nga krijimi i tij, KFOR-i ka luajtur dhe vazhdon të luajë një rol të pazëvendësueshëm në sigurimin e sigurisë për të gjithë. Ai meriton respektin dhe mirënjohjen e të gjithë aktorëve në rajon. Franca do të vazhdojë t’i ofrojë atij gjithë mbështetjen e nevojshme në një kontekst ku dezinformimi dhe manipulimi i informacionit po bëhen sistematike. Po ashtu, i bëj nder mediave që kanë raportuar saktë për rolin e KFOR-it në përpjekjet për gjetjen e trupit të personit të zhdukur nga Liqeni i Gazivodës.” – tha Geurot.
Aktualitet
Oda Ekonomike: Tregu i papërgatitur për liberalizim, s’kemi marrë as faturat nga KEK-u
Published
47 minutes agoon
July 30, 2025By
UBT News
Kryetari i Odës Ekonomike të Kosovës, Lulzim Rafuna, ka bërë thirrje sërish që të pezullohet deri më 1 shkurt të vitit të ardhshëm vendimi i Zyrës së Rregullatorit të Energjisë për daljen e bizneseve në treg të hapur të energjisë.
Rafuna thotë se ka shumë pasiguri te bizneset dhe se nuk janë kundër daljes në treg të lirë të energjisë, por thotë se tregu nuk është i përgatitur ende për këtë. Ai ka shtuar se bizneset ende nuk i kanë marrë faturat për dy muaj sa janë furnizuar nga furnizuesi i fundit KEK-u.
“Asnjë biznes ende s’ka pranuar faturën e KEK-ut. Na është thënë se KEDS-i i lëshon pasi i shikon orët. KEDS ende nuk i ka lëshuar. Është gjuajtje ZRRE me KEDS derisa gjejnë rrugën, mënyrën e kalkulimit. Ka lloj-lloj kalkulimi. Është çmimi i rrymës që blihet, transmisionit, marzhës, shpenzime administrative etj. Kjo është ajo që kemi thënë nga fillimi. Duhet të përgatitet tregu. Nuk është përgatitur as në kuptim të furnizuesve”, ka thënë Rafuna.
Ai ka potencuar se shumë biznese janë detyruar të lidhin kontrata, pasi ZRRE-ja ka njoftuar se nga 1 gushti bizneset që plotësojnë kushtet për të kaluar në treg të hapur e që s’kanë lidhur marrëveshje do të shkëputen nga rrjeti energjetik.
Rafuna ka thënë se është shqetësuese pasi po goditet prodhimi dhe se për të shtyrë vendimin deri më 1 shkurt, ZRRE-ja ka thënë se duhet subvencionuar 50 milionë euro.
Kreu i Odës Ekonomike ka treguar se në takim që kishin pasur me kryeministrin në detyrë Albin Kurti, para 1 qershorit, ai u kishte thënë biznese se është me to. Ai ka treguar se bizneset kishin dëshmuar se si dëmtohen dhe se ka monopol.
Aktualitet
Dita Botërore kundër Trafikimit të Personave
Published
50 minutes agoon
July 30, 2025By
UBT News
E miratuar nga Asambleja e Përgjithshme e Kombeve të Bashkuara në vitin 2013 me anë të rezolutës A/RES/ 68/192, 30 korriku u caktua si Dita Botërore kundër Trafikimit të Qenieve Njerëzore.
Në rezolutë thuhet se një ditë e tillë ishte e nevojshme për të rritur ndërgjegjësimin mbi gjendjen e viktimave të trafikimit njerëzor dhe për promovimin, mbrojtjen e të drejtave të tyre.
Simboli i kësaj dite është ”Zemra blu”, e cila përfaqëson trishtimin e atyre që trafikohen duke na kujtuar zemrën e ftohtë të atyre që blejnë dhe shesin qeniet njerëzore.
Trafikimi i personave është një krim i rëndë dhe një shkelje e rëndë e të drejtave të njeriut. Çdo vit, mijëra burra, gra dhe fëmijë bien në duart e trafikantëve, në vendet e tyre dhe jashtë vendit. Pothuajse çdo vend në botë është i prekur nga trafikimi, qoftë si një vend i origjinës, tranzit apo destinacion për viktimat.
UNODC, si kujdestar i Konventës së Kombeve të Bashkuara kundër krimit të organizuar transnacional (UNTOC) dhe protokolleve të tij, ndihmon shtetet në përpjekjet e tyre për të zbatuar Protokollin për Parandalimin, Frenimin dhe Ndëshkimin e Trafikimit të Personave (Protokolli i Trafikimit të Personave).
Protokolli për parandalimin, shtypjen dhe ndëshkimin e trafikimit të personave përcakton trafikimin e personave si rekrutimin, transportin, transferimin, strehimin ose pranimin e personave, me anë të kërcënimit ose përdorimit të forcës ose formave të tjera të shtrëngimit, rrëmbimit, mashtrimit, abuzimit të pushtetit ose i një pozicioni të cenueshmërisë ose i dhënies ose marrjes së pagesave ose përfitimeve për të arritur pëlqimin e një personi që ka kontroll mbi një person tjetër, me qëllim të shfrytëzimit.
Bota
Tërmet i fuqishëm godet Rusinë, cunami rrezikon shtetet rreth Oqeanit Paqësor
Published
52 minutes agoon
July 30, 2025By
UBT News
Një tërmet i fuqishëm me magnitudë 8.8 ballë ka goditur Gadishullin Kamchatka në Lindjen e Largët të Rusisë, duke shkaktuar një cunami deri në katër metra të lartë, duke dëmtuar ndërtesat dhe duke shkaktuar alarme dhe evakuime në të gjithë Oqeanin Paqësor.
Disa persona u plagosën në rajonin e largët rus, dhe banorëve të pjesës më të madhe të bregdetit lindor të Japonisë.
“Tërmeti i sotëm ishte serioz dhe më i forti në dhjetë vitet e fundit”, tha guvernatori i Kamchatka në Telegram.
Ministri Rajonal i Situatave të Emergjencave Sergei Lebedev raportoi se pas tërmetit u regjistrua një cunami prej 3 deri në 4 metrash. “Të gjithë duhet të largohen nga bregu”, tha Lebedev në një video të postuar në rrjetet sociale.
Instituti Amerikan i Sizmologjisë njoftoi se tërmeti ishte në një thellësi prej 19.3 km, rreth 125 km nga Petropavlovsk, një qytet me 165,000 banorë në bregdetin e Gjirit të Avaçës.

Ambasadori francez: Manipulimi i informacionit po bëhet sistematik

Oda Ekonomike: Tregu i papërgatitur për liberalizim, s’kemi marrë as faturat nga KEK-u

Dita Botërore kundër Trafikimit të Personave

Tërmet i fuqishëm godet Rusinë, cunami rrezikon shtetet rreth Oqeanit Paqësor

Taravari zyrtarizon kandidatët për kryetarë komunash

Chobanova: Bullgaria ka potencial të bëhet model për kujdesin efektiv të fëmijëve refugjatë

Vetëvendosje i reagon Ambasadës Gjermane në Kosovë

BQK: Apple Pay tani e disponueshme edhe në Kosovë

FMN-ja parashikon rritje ekonomike globale 3% në vitin 2025
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit