Lajmet

Hoxhaj: Kurti ta ketë vëmendjen te plani për zbatim

Nënkryetari i Kuvendit të Kosovës ka kërkuar nga Kurti që të negociojë në mënyrë profesionale.

Published

2 years ago

on

Deputeti i Partisë Demokratike të Kosovës, Enver Hoxhaj ka kërkuar nga kryeministri të ketë dije funksionale dhe të negociojë në mënyrë politike. Ai ka shprehur insistimin e tij që të mbrohet Kushtetuta dhe rendi kushtetues i Kosovës.

Pas mbledhjes së Kryesisë së Kuvendit, Hoxhaj tha se kryeministri Albin Kurti duhet të ketë vëmendjen te plani i zbatimit në kuadër të planit evropian.


“Kosova në këtë fazë, pas asaj që zotëri Kurti ka thënë po në Bruksel, duhet ta ketë vëmendjen kryesore te plani për zbatim. Unë them këtë si një njeri, i cili ka qenë në negociata në Vjenë në vitin 2006-2007 kur kemi negociuar për pakon e Ahtissarit që çfarë shkruan në letër, ato parimet e përgjithshme të planit evropian dhe mbështetja amerikane janë ato të cilat i ka bërë opinioni publik. Por, ku do të duhej të ketë vëmendjen qeveria dhe zotëri Kurti, si kryeministër që negocion në emër të Kosovës është që të sheh se si nene të kësaj marrëveshje ta kenë një plan të zbatimit, i cili mbron interesat e Republikës së Kosovës. Konkretisht në çfarë forme mund të bëhen ligjërisht të obligueshme edhe neni i parë, i dytë e i tretë edhe të gjitha nenet që flasin për raporte biletarale mes Kosovës dhe Serbisë”, ka deklaruar Hoxhaj.

Nënkryetari i Kuvendit të Kosovës ka kërkuar nga Kurti që të negociojë në mënyrë profesionale.

“Ne kërkojmë prej zotëri Kurtit, i cili është marrë gjatë me këtë temën e dialogut sa ka qenë në opozitë, i cili ka mbledhur përvojë gjatë sa ka qenë në opozitë, tash ta ketë një dije funksionale dhe të negociojë në mënyrë shumë politike, shumë profesionale për çdo nen të kësaj marrëveshje, para se këto të zbërthehen në planin e zbatimit. Ne insistojmë që mbi të gjitha të mbrohet Kushtetuta dhe rendi kushtetues i Kosovës”, ka shtuar ai.

E shefi i grupit parlamentar të AAK-së, Besnik Tahiri tha se në seancën e së enjtes do të ketë debat parlamentar për dyvjetorin e qeverisjes së Albin Kurtit. Ai tha se kanë propozuar një rezolutë dhjetë-pikëshe, për çka pret që do të merret parasysh.

“U miratua që në dy-vjetorin e qeverisë Kurti të ketë një debat parlamentar për punën e qeverisë. Për ne si GP dhe si subjekt politik, brenga kryesore për momentin është gjendja sociale-ekonomike, papunësia dhe humbja e shpresës dhe ikja e rinisë nga Kosova. Për dy vjet, ka pasur fjalë, premtime, ka pasur zotime, por nuk ka pasur asnjë veprim të mirëfilltë të këtij vendi. Ligji i Pagave, 70 mijë njerëz sot zgjohen në mëngjes dhe dalin në punë, vetëm për shkak se duhet të dalin. Jo për shkak se ai ligj ka krijuar kushte për punë të administratës shtetërore”, ka thënë ai.

Related Topics:
Continue Reading

Aktualitet

Trajnime praktike dhe certifikime ndërkombëtare në UBT, nga shtatori deri në nëntor

Published

9 hours ago

on

August 26, 2025

By

UBT ka njoftuar nisjen e një cikli të gjerë trajnimesh profesionale dhe praktike për periudhën Shtator–Tetor–Nëntor 2025, të hapura për studentë, profesionistë dhe të gjithë të interesuarit për zhvillim të aftësive. Sipas njoftimit, çdo muaj do të hapen grupe të reja, duke ofruar fleksibilitet në orar dhe mundësi për t’iu përshtatur angazhimeve të pjesëmarrësve.

Programi mbulon fusha kyçe të menaxhimit të projekteve, IT-së, analizës së të dhënave dhe aftësive të buta, me fokus në standarde ndërkombëtare dhe punë praktike në laboratorë modernë të UBT-së.

Trajnimet e planifikuara:

  • PRINCE2 – 24 orë
  • ITIL Foundation – 24 orë
  • Analiza e të Dhënave me SPSS – 24 orë
  • MS Project – 18 orë
  • Hyrje në Programim – 30 orë
  • MS Excel i Avancuar – 24 orë
  • Marketingu Digjital – 24 orë
  • Shitja & Kujdesi ndaj Klientëve – 2 muaj
  • Instalues Elektrik – 3 muaj
  • Zhvillues i Aplikacioneve me AI – 2 vite

Trajnimet do të zhvillohen në kampuset e UBT-së në Prishtinë, Lipjan, Prizren, Ferizaj dhe Gjilan. Pjesëmarrësit përfitojnë nga ligjërues të certifikuar, mjedise laboratorike të avancuara, certifikatë pjesëmarrjeje dhe kompetence, si dhe mundësi certifikimi ndërkombëtar për programet PRINCE2 dhe ITIL.

Aplikimet kryhen online: APLIKO TANI!

Continue Reading

Aktualitet

Edhe pak vende të lira në programin Inxhinieri e Mekatronikës në UBT

Published

10 hours ago

on

August 26, 2025

By

UBT njofton se kanë mbetur edhe pak vende të lira për programin Inxhinieri e Mekatronikës, një nga drejtimet më inovative dhe të kërkuara nga të rinjtë në fushën e inxhinierisë.

Ky program ndërthur mekanikën, elektroniken dhe teknologjinë digjitale, duke përgatitur studentët për të qenë pjesë e transformimit teknologjik në fushat e automatizimit, robotikës dhe sistemeve të mençura.

Studentët e këtij programi përfitojnë nga laboratorë të avancuar, ligjërues me eksperiencë ndërkombëtare dhe projekte praktike, duke ndërtuar kompetenca të plota për tregun e punës. Përmes këtij kombinimi, ata përgatiten të udhëheqin zhvillimet më moderne në industri dhe teknologji.

Aplikimet janë ende të hapura dhe mund të bëhen online në linkun: APLIKO TANI ONLINE!

Continue Reading

Aktualitet

Gjendet pa shenja jete një person në një banesë pranë burgut në Mitrovicën e Veriut

Published

10 hours ago

on

August 26, 2025

By

Një person është gjetur pa shenja jete në një banesë në afërsi të Qendrës së Paraburgimit në Mitrovicën e Veriut. Lajmin e ka konfirmuar zëvendësdrejtori i policisë atje, Veton Elshani.

Siç tha ai, nuk dihet ende shkaku i vdekjes së këtij personi, mirëpo i ndjeri ka jetuar i vetëm dhe ishte përdorues i narkotikëve.

“Rreth orës 14:30, policia është njoftuar për një trup të pajetë që ndodhej në një banesë në afërsi të Qendrës së Paraburgimit në Mitrovicën e Veriut. Policia ka shkuar në vendin e ngjarjes dhe ka hasur në trupin e pajetë, ndërsa shkaqet e vdekjes do t’i mësojmë pasi që në vend të ngjarjes të vijë Mjekësia Ligjore. Personi ka jetuar i vetëm dhe ishte i njohur për policinë si përdorues narkotikësh”, tha Elshani

Continue Reading

Aktualitet

Kurti takon Komisionerin e Lartë të OSBE-së për Pakicat Kombëtare

Published

11 hours ago

on

August 26, 2025

By

Kryeministri në detyrë i Kosovës, Albin Kurti ka takuar Komisionerin e Lartë të OSBE-së për Pakicat Kombëtare të cilin e falënderoi për angazhimin e gjatë të OSBE-së në Kosovë dhe theksoi përparimin e arritur në fushat e të drejtave të njeriut, demokratizimit dhe sigurisë.

Ai theksoi zhvillimin e vendit si një nga demokracitë më të avancuara në Ballkanin Perëndimor dhe përkushtimin ndaj rritjes ekonomike dhe mirëqenies sociale dhe sigurisë.

Më tej, kryeministri në detyrë Kurti nënvizoi kornizën kushtetuese dhe ligjore të Republikës së Kosovës që garanton të drejta dhe përfaqësim për komunitetet, përtej standardeve ndërkombëtare, duke theksuar nevojën që këto të drejta të shfrytëzohen për integrim.

Ai shprehu gatishmërinë e Qeverisë së Republikës së Kosovës për të forcuar bashkëpunimin me OSBE-në.

Continue Reading

Të kërkuara