Lajmet

Hoti thotë se do të faktojnë gjendjen socio-ekonomike të shqiptarëve në Luginë

Published

5 years ago

January 11, 2021

Betim Gashi

Ani pse shkurti do të jetë muaji i zgjedhjeve, kryeministri në detyrë, Avdullah Hoti ka deklaruar sot se në muajin e dytë të këtij viti do të fillojnë studimin e gjendjes ekonomike të shqiptarëve të Luginë.

Në një konference për media së bashku me përfaqësuesit e Luginës së Preshevës, në mesin e planeve që synojnë të realizojnë për këtë vit, Hoti tha të jetë edhe dërgimi i librave për bibliotekat në Luginë.

I pyetur nëse do të përdorë Kosova masa të reciprocitetit nëse Serbia ndalon librat nga Kosova Hoti u shpreh se çdo masë mund të jetë reciproke.

“Çdo masë që Serbia e drejton kah ne, ne kemi të drejtë dhe do ta drejtojmë kah Serbia. Po unë besoj që me përfshirjen e partnerëve ndërkombëtarë që kemi arritur në këtë proces, nuk do të kemi nevojë të shkojmë në këto ekstreme por besoj që çdo ditë po bëjmë progres drejt marrëveshjes përfundimtare”, tha Hoti.

E të gjeturat e studimit për gjendjen socio-ekonomike në Luginën e Preshevës, Hoti tha se do t’i përdorin për fillimin e një aktiviteti sensibilizues dhe lobues tek partnerët ndërkombëtarë për gjendjen faktike të shqiptarëve në Luginën e Preshevës.

“Në shkurt do të fillojmë me përgatitjen e një studimi të veçantë, nga ekspertë, lidhur me gjendjen sociale dhe ekonomike të shqiptarëve në Luginë të Preshevës, i cili studim do të nxjerrë në pah gjendjen në të cilën jetojnë shqiptarët në Luginë, krahasuar me komunat tjera në Serbi, për të faktuar gjendjen në arsim, në shëndetësi, në punësim dhe në çdo shërbim social që kanë shqiptarët në Luginën e Preshevës, dhe bazuar në këtë dokument, ne do të fillojmë një aktivitet të fuqishëm sensibilizues dhe lobues, i cili nuk ka munguar edhe tash, por i bazuar në këtë studim, në veçanti ky lloj lobimi tek partnerët tanë në Uashington dhe në disa qendra të BE-së”, tha ai.

Kryeministri në detyrë ka përjashtuar mundësinë që takimi i sotëm me përfaqësuesit e Luginës të ketë konotacione fushate.

“Ky është një aktivitet i Qeverisë. Ju e dini se është marrë një vendim para disa muajve për të themeluar Zyrën e Luginës së Preshevës brenda Zyrës së Kryeministrit. Qeveria është në detyrë, por aktivitetet e saj vazhdojnë dhe është obligim që në fillim të vitit të bëhet një program pune i aktiviteteve që duhet të kryejë kjo zyrë. Ky nuk është aktivitet partiak për ta mbajtur në zyrat e LDK-së, por është aktivitet i Qeverisë të Kosovës”, tha Hoti.

E kryetari i Këshillit Kombëtar Shqiptar, Ragmi Mustafa tha se me Zyrën e ofrimit të Asistencës për qytetarët e Luginës së Shpresës, po jetësohet kërkesa e kahmotshme e Luginës.

“Me këtë program po mundohemi që bashkërisht t’i japim zgjidhje sfidave edhe të reja, edhe të vjetra, që po përballen shqiptarët e Luginës së Preshevës. Falënderoj kryeministrin dhe stafin e tij që ka marrë këtë vendim të veçantë për qytetarët e Luginës së Preshevës dhe presim që shumë shpejt kjo zyrë të marrë përgjegjësinë e saj dhe të bëjë punën e saj sipas programit të punës”, tha ai.

Related Topics:Avdullah Hoti Lugina e Presheves

Up Next

Evakuohen 18 familje nga Pokleku i Drenasit

Don't Miss

Evakuohen 15 persona në Gjilan

Vendi

Kuvendi shqyrton Bordin e Paqes, opozita kundërshton Projektligjin për Byronë

Published

14 minutes ago

April 24, 2026

UBTNews

Kuvendi i Kosovës sot pritet të shqyrtoje edhe Projektligjin për anëtarësimin e Kosovës në Bordin e Paqes. Kjo pasi propozimi i partisë në pushtet për futjen në rend dite u përkrah edhe nga opozita.

Ndërkohë që opozita nuk është pajtuar që në rend dite të futen disa projektligjeve të tjera, përfshirë atë për Byronë shtetërore për verifikimin dhe konfiskimin e pasurisë së pajustifikueshme, duke thënë se nuk kanë kaluar në Komisione në lexim të dytë.

“Ne jemi që marrëveshja e Bordit të paqes të futet si pikë e rendit të ditës. Ndërsa për të tjerat jemi kundër. Nuk mund ta trajtojmë byronë këtu pa kaluar në lexim të dytë në Komisionin për Legjislacion”, ka theksuar deputeti i PDK-së Përparim Gruda.

Njëjt është deklaruar edhe deputetja e LDK-së Jehona Lushaku.

“Në përkrahim pikën për Bordin e Paqes ndërkohë që nuk përkrahim futjen e projektligjeve të tjera sidomos, atyre që nuk kanë kaluar në lexim të dytë në komisione”, ka theksuar ajo.

Partia në pushtet e ka arsyetuar urgjencën më situatën në të cilën gjendet Kuvendi, i cili do të shpërndahet automatikisht, nëse presidenti nuk zgjidhet deri më 28 prill.

“Sa i përket Projektligjit për Byronë ne jemi njoftuar që dëgjimi publik është finalizuar, ndërkohë urgjenca për këtë është pasur parasysh rrethanat që ndodhemi si Kuvend. Ndërkaq dy projektligjet për energjinë, tashmë si Kuvend kemi pranuar edhe një shkresë nga Sekretariati i Komitetit të Energjisë, janë pjesë e planit të rritjes”, ka thënë shefja e Grupit Parlamentar të Vetëvendosjes, Arbërie Nagavci.

Lajmet

Profesorët e UBT-së publikojnë studim ndërkombëtar për cilësinë e ujërave nëntokësore në Kosovë

Published

38 minutes ago

April 24, 2026

ubtnews

Profesorët e UBT-së, Hazir S. Çadraku, Pajtim Bytyqi dhe Osman Fetoshi, në bashkëpunim me studiues nga universitete vendore dhe ndërkombëtare, kanë publikuar një artikull shkencor në revistën ndërkombëtare Limnological Review scientific journal.

Studimi, i titulluar “Assessment of Groundwater Quality in Some Regions of Kosovo Based on Physico-Chemical and Microbiological Parameters”, analizon cilësinë e ujërave nëntokësore në disa rajone të Kosovës përmes parametrave fiziko-kimikë dhe mikrobiologjikë.

Rezultatet tregojnë se, megjithëse shumica e parametrave fiziko-kimikë janë brenda kufijve të lejuar, në shumë zona është evidentuar ndotje mikrobiologjike, përfshirë praninë e bakterit Escherichia coli, duke e bërë ujin të papërshtatshëm për konsum pa trajtim.

Studimi thekson ndikimin e faktorëve si aktivitetet bujqësore dhe mungesa e trajtimit të ujërave të zeza, si dhe nënvizon nevojën për masa urgjente në menaxhimin dhe trajtimin e burimeve ujore.

Ky publikim përfaqëson një kontribut të rëndësishëm shkencor dhe dëshmon angazhimin e UBT-së në kërkime me ndikim në nivel vendor dhe ndërkombëtar.

Vendi

Nderohet kontributi i ish-kongresmenit Engel në shtetndërtimin e Kosovës

Published

1 hour ago

April 24, 2026

UBTNews

Udhëheqësit e institucioneve kanë shprehur vlerësim të madh për rolin dhe kontributin e ish-kongresmenit amerikan, Eliot Engel, në historinë dhe procesin e shtetndërtimit të Kosovës.

Gjatë seancës së Kuvendit të mbajtur në nder të Engel, i cili ndërroi jetë më 10 prill, ushtruesja e detyrës së presidentes, Albulena Haxhiu, u shpreh se ai ka lënë gjurmë të thella në historinë e vendit.

“Në ditët më të vështira të historisë sonë të re, bëshkë edhe me shumë kongresistë e senatorë amerikanë, ngriti zërin fuqishëm kundër shkeljes së të drejtave tona, represionit, dhe persekutimit nga regjimi serbo-jugosllav”, ka theksuar Haxhiu, në seancë që ka nisur më një minutë heshtje në nderim të Engel.

Ajo ka shtuar se gjatë gjithë karrierës së tij, Engel nuk u ndal së kërkuari drejtësi për popullin e Kosovës.

“Në vitet e errëta kur shqiptarët e Kosovës po vuanin nën regjimin e Millosheviqit dhe bota ende hezitonte të vepronte, Eliot Emgel ngriti zërin”, ka theksuar Haxhiu.

Lajmet

Kuvendi mban sot seancë solemne për Eliot Engel dhe seancë të rregullt plenare

Published

3 hours ago

April 24, 2026

UBTNews

Kuvendi i Kosovës mban sot dy seanca plenare, duke nisur në orën 10:00 me një seancë solemne në nderim të ish-kongresmenit amerikan Eliot Engel, i cili vdiq më 10 prill.

Pas saj, në orën 11:00, do të vijojë seanca e rregullt me këtë rend dite:

Miratimi i procesverbalit nga seanca e mëparshme.
Deklarimet jashtë rendit të ditës.
Pyetjet parlamentare.
Shqyrtimi i Projektligjit për Ratifikimin e Amendamentit Nr. 2 të Marrëveshjes Financiare Kosovë-BE për Programin IPA 2020.
Shqyrtimi i Projektligjit për Ratifikimin e Amendamentit Nr. 1 të Marrëveshjes Financiare Kosovë-BE për programin IPA 2019 (pjesa e dytë, objektivi 1).
Zgjedhja e anëtarëve të Këshillit Gjyqësor të Kosovës.
Zgjedhja e anëtarëve të Bordit të Radiotelevizionit të Kosovës.
Zgjedhja e anëtarëve në Komisionin e Pavarur të Mediave.
Shqyrtimi i Propozim-rezolutës për avancimin e përkujdesjes institucionale ndaj komunitetit shqiptar në Preshevë, Medvegjë e Bujanoc.
Propozimi i Grupit parlamentar “Multietnik” për zëvendësimin e deputetëve në komisione parlamentare.