Lajmet

Hoti: Me LDK-në do të hiqen vizat dhe do të integrohet vendi në BE

Published

on

Kandidati për kryeministër të Kosovës nga radhët e Lidhjes Demokratike të Kosovës, Avdullah Hoti ka mbajtur tubim elektoral në Rahovec ku ka kërkuar votën e qytetarëve të kësaj komune në zgjedhjet e 14 shkurtit.

Nga aty Hoti kërkoi nga qytetarët që mos t’i besojnë dogmat për ndryshim pasi siç tha ai si LDK ofrojnë një qeverisje me integritet, duke respektuar ligjin dhe Kushtetutën.

Para bashkëvendësve Hoti shpalosi planin për bujqësi, infrastrukturë e kulturë, duke iu premtuar shpejt edhe sistemin e ujitjes në këto anë.

“Kërkoj mbështetjen tuaj të plotë të qytetarëve të Rahovecit për të dërguar përpara procesin e shtetndërtimit. Kërkoj nga ju që mos të mashtroheni me këto dogmat e ndryshimeve. Merreni shembull e keni një komunë afër këtu në Prizren që qeveriset prej atyre që i kanë mbushur sheshet me shirita të kuq si shenjë të sistemeve komuniste. Gjysma e drejtorëve janë me aktakuza në Prizren, merrni shembull nga komuna e Podujevës që deshën me e bë gjoja një ndryshim edhe sot kryetari i komunës e rrah një qytetar është denoncuar në Polici për sulm fizik. Ky nuk është ndryshimi atë që ofrojmë ne kudo që kemi qeverisur qeverisje me integritet, me ligj, me Kushtetutë në shërbim të qytetarëve i kemi pasur gjashtë muaj dhe kemi dhënë shembullin më të mirë se si qeveriset me ligj, me Kushtetutë në shërbim të qytetarëve pa bërë asnjë dallim. Edhe duke e gjetur vendin në situatën më të vështirë të mundshme që kemi pasur ndonjë herë. E kemi hapur Kosovën edhe sikur i dërgon Zoti të mirat një nga një vijnë, të vijnë besimet një nga një. Vjen mbështetja prej miqve amerikanë edhe për ushtrinë edhe për projekte të mëdha që kanë me ndërruar komplet gjendjen ekonomike në Kosovë“, theksoi Hoti.

Kryeministri në detyrë, i cili është në garë për shef të ekzekutivit premtoi liberalizim të vizave për qytetarët e Kosovës.

“Brenda 4 viteve kemi me e kthyer siç ka qenë më herët që qytetarët tanë në Krushë të Vogël kur është ndalur treni në Xërxe e Ratkoc e kanë përfunduar në Fushë-Kosovë dhe kanë përfunduar në Mynhen sepse ne kemi me integruar Kosovën në Bashkimin Evropian, ne kemi me i heq vizat me mënyrën se si po qeverisim kemi me i heq vizat, neve na besojnë për këto procese. Kërkojmë besimin tuaj që t’i dërgojmë përpara këto procese që sapo i kemi nisur edhe jemi në rrugë të mbarë besoni që jemi në rrugë të mbarë. E këta që shesin parulla me megafona rrugëve e me militantët e tyre të rrjeteve sociale e me militantët të Pakistanit, Indisë e vende të tjera besoni që kanë me u zhgënjyer në mbrëmjen e 14 shkurtit, kanë me u zhgënjyer sepse unë iu besoj qytetarëve të Kosovës, të Rahovecit”, tha ai.

Kandidati për deputet nga lista e LDK-së, Kujtim Shala pati një porosit për mbështetësit e LDK-në në Rahovec.

“Kam një lloj porosie për ju këto janë zgjedhje të jashtëzakonshme jo vetëm në kuptimin kushtetues, por edhe në një kuptim të veçantë. Janë zgjedhjet më të rëndësishme për LDK-në pas luftës dhe janë pak a shumë sikurse në vitin 2000 në të cilat LDK duhet të dëshmojë organizimin e saj politik, të dëshmojë lidhjen që kanë njerëzit e saj, fuqinë politike të strukturës së saj përballë atyre që zgjedhjet nacionale si shpallin si referendum dhe kamuflojmë tendencën që ta shpërbëjnë Lidhjen Demokratike të Kosovë. E di që LDK ju e mbështesni dhe e votoni jo vetëm si parti e juaja, por edhe si parti që e doni dhe unë e di që LDK me 14 shkurt do të përsërisë rezultatin e saj shumë të mirë të zgjedhjeve të fundit, do ta rrisë tutje dhe do të dëshmojë se LDK është parti e madhe e solide e që do jetë këtu gjithmonë. LDK është partia që e identifikohet me shtetin e Kosovës jo vetëm si projektuese dhe themeluese saj, por edhe si partia politike dhe mendësia politika që do ta garantojë ekzistencën e këtij shtetit. Që ta kemi shtetin duhet të jemi ne”, tha Shala.

Ndërsa kreu i Aleancës Kosova e Re, Behgjet Pacolli që në zgjedhjet e 14 shkurtit garon në listë të LDK-së, tha se Kosova tashmë ka një qeveri që prapë duhet të votohet pasi siç u shpreh ai me qeverinë Hoti Kosova i ka dyert e hapura kudo.

“Të votojmë listën e LDK-së, është lista që përmban kandidatët më të mirë në Kosovë, njerëz jo të korruptuar dhe të denjët, njerëz që dinë të punojnë njerëz që e duan qytetarin e vetë e duan punën që e duan Kosovën. Prandaj, më 14 shkurt të festojmë festën e madhe dhe kjo do i jap të drejtë kryeministrit tuaj dhe kryeministrit tonë të vazhdojë punën. Kosova ka nevojë për ecje përpara, pa asnjë moment vakumi nuk kemi ndërmend të ndryshojmë qeveri. Kosova ka qeverinë e vetë e pamë se dyert për Kosovën me këtë qeveri janë të hapura kudo”, tha Pacolli.

Në këtë tubim u prezantuan edhe kandidatët e LDK-së nga komuna e Rahovecit, të cilët synojnë një ulëse në Kuvendin e Kosovës, e që janë Fehmi Cena, Jetlir Zymberaj, Ibrahim Kryeziu.

Lajmet

Fryrja e organizmit nga grumbullimi i lëngjeve, si të humbni peshën e tepërt?

Published

on

Trupi i njeriut përbëhet nga 55 deri në 75 përqind ujë. Por akumulimi i tepërt i ujit në trup mund të shkaktojë fryrje, dhimbje dhe shtim në peshë.

Akumulimi i ujit është një nga shkaktarët e shtimit në peshë, megjithatë kontributon për shtimin në peshë me të paktën 2 deri në 5 kilogramë.

Akumulimi i ujit ndodh si pasojë e disa faktorëve.

Disa prej tyre janë konsumi i madh i kripës, mungesa e proteinave, mungesa e aktivitetit fizik dhe ndryshimet hormonale, faktorë më të lartë rreziku janë problemet me zemrën, veshkat dhe marrja e ilaçeve kundër dhimbjeve, kontraceptivëve dhe ilaçeve për zemrën.

Ju listojmë më poshtë disa nga mënyrat më të mira për të humbur peshën e shkaktuar nga akumulimi i lëngjeve në trup.

Si të humbni peshën e krijuar nga akumulimi i lëngjeve?

Aktiviteti Fizik

Mungesa e aktivitetit është një nga faktorët të akumulimit të lëngjeve, nëse kryeni aktivitet, indet e këmbëve dhe kyçeve do të lëshojnë lëngjet e mbledhura.

Kujdes me kripën

Pakësimi i sasisë së kripës është një nga mënyrat më efikase në humbjen e peshës së krijuar nga akumulimi i lëngjeve, sasia ditore e kripës nuk duhet të jetë më shumë se 2,300 miligramë, e barazvlefshme me një lugë çaji. Tregoni kujdes me konsumin e proshutave, djathrave, supave e produkteve të paketuara.

Më shumë proteinë

Proteina luan nrol kryesor në ruajtjen e ekuilibrave të lëngjeve në organizëm, sasia e rekomanduar ditore e proteinës duhet të jetë një gramë për çdo kilogramë të peshës trupore. Burime të mira të proteinës janë produktet e detit, mishi i shpendëve, mishi pa dhjamë i viçit dhe derrit, vezët dhe fasulet.

Më shumë kalium

Një mineral i përfshirë në ruajtjen e ekuilibrit të lëngjeve në trup, ai ndihmon në nxjerrjen e ujit dhe krips nga urina dhe djersa. Sasia e rekomanduar ditore e kaliumit është 4,700 miligramë. Ushqime të pasura me kalium janë barishtet, banania, patatet, avokado dhe domatet.

Më shumë magnez

Magnezi rrit prodhimin e urinës dhe uljen e sasisë së ujit të akumuluar në trup, të rriturit kanë nevojë për 310-420 miligramë magnez në ditë. Magnezi gjendet me bollëk tek barishtet si spinaqi, por edhe tek avokado, bajamet dhe fasulet e zeza.

Hidratimi

I rëndësishëm për nxjerrjen e ujit të tepërt nga organizmi, ekspertët rekomandojnë pirjen e një gote me ujë përpara çdo vakti ose ushqimi të konsumuar gjatë ditës. Përveç ujit, ju mund të konsumoni ushqime që kanë rol hidratues siç janë shalqini, selinoja, kastraveci dhe luleshtrydhet.

Continue Reading

Lajmet

Sveçla: Aksioni në Kaçanik po vazhdon, ka arrestime të reja

Published

on

By

Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.

Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.

Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.

Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.

Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.

Sot, në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.

Ky informacion është konfirmuar për KosovaPress nga zëdhënësi i Policisë së Kosovës, Baki Kelani.

Edhe në këtë rast pas përfundimit të operacionit policor, i cili po realizohet në bashkëpunim dhe koordinim me organet e drejtësisë, do të bëhen publike informacione shtesë”, tha Kelani.

Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.

Continue Reading

Lajmet

KEK-u njofton se ka përfunduar me sukses riparimin e njësisë B1: Gjendja është stabile

Published

on

By

Korporata Energjetike e Kosovës tha se kanë përfunduar me sukses punimet për remontin e njësisë B1, të cilat kanë nisur më 23 mars dhe tha se kanë përfunduar përpara afatit të parashikuar.

Korporata Energjetike e Kosovës njofton opinionin se, falë angazhimit të jashtëzakonshëm të stafit të TCB, punëtorëve, inxhinierëve dhe menaxhmentit, kemi përfunduar me sukses të gjitha punimet e planifikuara për remontin e njësisë B1, i cili kishte nisur më dt: 23.03.2025 dhe ka përfunduar përpara afatit të parashikuar”, njoftoi KEK.

Ai tha se gjatë kësaj periudhe, janë realizuar riparime dhe përmirësime të ndryshme, duke përfshirë ndërrimin e pjesëve të dëmtuara, rinovimin e sistemeve të ndryshme dhe realizimin e procedurave të domosdoshme për stabilitetin dhe efikasitetin e njësisë.

Falë përgatitjes dhe kontrollit të kujdesshëm, si dhe angazhimit të palodhshëm të ekipit të ekspertëve të TC-B-së, njësia B1 është sinkronizuar me rrjetin elektrik në orën 22:32 të dt: 24.04.2025 dhe aktualisht gjendja e saj është stabile. Kjo arritje është një dëshmi e punës së shkëlqyer të të gjithë të përfshirëve dhe vlerësimit të lartë të performancës gjatë periudhës së remontit”, tha KEK.

Continue Reading

Lajmet

Vazhdojnë regjistrimet në UBT International Smart Schools – Shkollat më inovative të mesme në vend

Published

on

By

Në UBT International Smart Schools po vazhdojnë regjistrimet për vitin e ri shkollor, në institucionin që tashmë njihet si një ndër platformat më të avancuara arsimore në Kosovë dhe rajon. Këto shkolla të mesme ofrojnë një model të veçantë të arsimit, duke kombinuar pjesën teorike me atë praktike, teknologjinë me kreativitetin, dhe edukimin me zhvillimin e lidershipit.

UBT International Smart Schools janë të parat në Kosovë dhe rajon që kanë zbatuar edukimin 4.0 – një model që përfshin përdorimin e teknologjive të avancuara, si dhe metodave moderne të mësimdhënies. Kjo qasje inovative mundëson që nxënësit të përgatiten për sfidat reale të së ardhmes dhe të dalin në tregun e punës apo arsimit të lartë me njohuri të thelluara dhe përvoja konkrete.

Përmes kurrikulave të harmonizuara me ato evropiane dhe amerikane, nxënësit zhvillojnë aftësi të avancuara akademike, teknike dhe shoqërore. Mësimi zhvillohet në ambiente moderne, të pajisura me laboratorë, pajisje teknologjike dhe hapësira të dizajnuara për të nxitur të menduarit kritik dhe bashkëpunimin.
Zgjedh programin që i përshtatet pasioneve dhe ambicieve të tua:

•     Gjimnazi TIK – Për të rinjtë që duan të jenë pjesë e botës së teknologjisë dhe inovacionit.
•     Gjimnazi Natyror – Për ata që kanë pasion për shkencat natyrore dhe kërkimin shkencor.
•     Gjimnazi Gjuhësor – Për nxënësit që duan të përparojnë në gjuhë të huaja dhe komunikim ndërkombëtar.
•     Asistent Dentar
•     Bashkëpunëtor Profesional i Infermierisë
•     Teknik i Farmacisë
•     Teknik i Laboratorit Mjekësor
•     Teknik i Optikës – Opticient

Formimi i liderëve të së nesërmes nis në UBT International Smart Schools

UBT International Smart Schools janë shkollat me synimin në zhvillimin e liderëve, inovatorëve dhe profesionistëve të së ardhmes. Me mentorim nga profesorë të kualifikuar, me praktika dhe projekte reale, si dhe me mundësi të shumta për pjesëmarrje në gara, konferenca dhe bashkëpunime ndërkombëtare, këto shkolla ofrojnë më shumë se një arsim – ofrojnë një përvojë jetësore.
Regjistrohu tani dhe bëhu pjesë e një udhëtimi edukativ që formëson të ardhmen tënde!

Për më shumë informata dhe aplikim: https://ubt.school/
046 332 233

Continue Reading

Të kërkuara