Lajmet

Hoti: Kemi përmbushur plan-programin, 15% e mësimdhënësve ishin me Covid-19

Published

on

Kryeministri i Kosovës, Avdullah Hoti bashkë me ministrin e Arsimit dhe Shkencës, Ramë Likaj, kanë vizituar shkollën “Dardania”.

Hoti tregoi se është arritur të realizohet plan-programi në mënyrë që nxënësit të mos mbesin pa mësim. Tutje, ai shpreson që të përfundojë pandemia dhe nxënësit t’i kthehen mësimit me 18 janar. Sipas tij, 15% e mësimdhënëse ishin me Covid.

“Për çdo familje jemi munduar që ta adaptojmë metodologjinë mësimore dhe ju falënderoj se pas gjitha vështirësive është arritur të realizohet plan-programi në mënyrë që nxënësit të mosmbesin pa mësim. Ka qenë sfidë duke qenë vetë edhe mësimdhënës duke pasur kontaktin me nxënës. Dhe kam parasysh që ka dyfishim të ngarkesës me orë që keni kaluar në punën me nxënës. Shpresoj që kur të fillojmë me 18 janar të përmbyllet sa më shpejt kjo pandemi. Statistikat na tregojnë që numri i arsimtarëve është në numrin e përqindjeve më të larta të infektuarve ku 15% kanë dalë pozitiv. Lusim që të fillojmë gjysmëvjetorin tjetër në kushte më të mira”, deklaroi ai.

Ministri i Arsimit, Ramë Likaj ka thënë se po përfundojnë gjysmëvjetorin e parë shkaku i pandemisë dhe vështirësive që kanë pasur në këtë kohë shkollat. Ai tha se janë ndarë 270 laptopë për nxënësit për të ndjekur mësimin online.

“Sot përfundojmë gjysmëvjetorin e parë të këtij viti. Edhe ne kemi pasur vështirësitë, ku shkollat kanë qenë të ngarkuara dhe jo duke ndarë klasat në grupe. Ju jeni heronj të ditës së sotme ashtu siç keni qenë edhe ditëve më përpara. Natyrisht se është një pushim më i gjatë për shkak të rrethanave në të cilat jemi mirëpo kemi hartuar edhe një udhëzues se çfarë detyrash këtë muaj mi ju dhënë nxënësve. Ne kemi papararë edhe si ta kompensojmë këtë pjesë. Shpresojmë që edhe nxënësit që nuk kanë qasje do të ndahen mjete edhe për nxënës dhe mësimdhënës, ku 270 laptopë do të shpërndahen vetëm për mësimdhënës. Shifrat janë të larta infeksioneve dhe 25 mijë vetë mësimdhënës janë testuar deri më tani”, deklaroi Likaj.

Lajmet

Macron dënon kërcënimet me vdekje ndaj gjyqtares që e dënoi Le Penin

Published

on

Presidenti francez, Emmanuel Macron, ka dënuar kërcënimet me vdekje ndaj gjyqtares Benedikte de Perthuis, e cila ishte ndër tre gjyqtarët që dënuan lideren e ekstremit të djathtë, Marine Le Pen. Macron e quajti këtë veprim “absolutisht të papranueshëm dhe të patolerueshëm” dhe tha se gjyqtarja është vënë nën mbrojtjen e policisë, ndërsa autoritetet po hetojnë kërcënimet. Ai gjithashtu theksoi se dega gjyqësore është e pavarur dhe ligji është i barabartë për të gjithë.

Në lidhje me dënimin e Le Pen, Macron theksoi se të gjithë të akuzuarit kanë të drejtë të ndjekin rrugët ligjore. Le Pen është shpallur fajtore për përvetësim të fondeve të Bashkimit Evropian për financimin e partisë së saj dhe është dënuar me katër vjet burgim, dy prej të cilave me kusht. Ajo gjithashtu është ndaluar të kandidojë për poste publike për pesë vjet dhe është dënuar me një gjobë prej 100.000 euro. Dënimi për ndalimin e kandidimit është me efekt të menjëhershëm, ndërsa burgimi dhe gjoba do të zbatohen pas përfundimit të apeleve.

 

Continue Reading

Lajmet

Kurti flet për gjobën e Themelores: Më dënojnë mua nganjëherë por mos u mërzitni ju

Published

on

Kryeministri në detyrë, Albin Kurti, ka komentuar gjobën prej 250 euro të vendosur nga Gjykata Themelore e Prishtinës për shkak të mosparaqitjes së tij në Prokurorinë Speciale (PSRK) lidhur me rastin e rezervave shtetërore. Kurti tha se ndonjëherë e dënojnë atë, por ka sugjeruar që gazetarët të mos mërziten për këtë. Ai bëri këto komente pas përurimit të çerdhes në lagjen “Rezinë” të Gjakovës.

Kurti është paralajmëruar për gjobë që nga fundviti i kaluar për shkak të refuzimit për t’u paraqitur në prokurori. Ai ka kërkuar që prokurorët të shkojnë në zyrën e tij, duke theksuar se ka precedent për këtë, por Gjykata ka urdhëruar që ai të dëshmojë në prokurori lidhur me dyshimet për dëm ekonomik në rezervat shtetërore. Prokuroria dyshon se shteti është dëmtuar me rreth 600,000 euro gjatë blerjes së produkteve për rezervën shtetërore.

Continue Reading

Lajmet

Rutte: Duhet të sigurohemi që situata në Kosovë të mbetet stabile

Published

on

Sekretari i përgjithshëm i NATO-s, Mark Rutte, ka theksuar se autorët e sulmit në Banjskë dhe ndaj trupave të KFOR-it në veri të Kosovës, më 2023, duhet të mbahen përgjegjës, dhe ka shtuar se kjo është përgjegjësi e Serbisë.

Rutte ka theksuar rëndësinë e stabilitetit në Kosovë dhe ka thënë se situata e sigurisë është përmirësuar që nga vitit 1999 dhe duhet të ruhet. Ai përmendi bisedat me presidentin serb, Aleksandar Vuçiç, për këtë çështje.

Në një konferencë për media në Bruksel, Rutte është pyetur gjithashtu nëse NATO është konsultuar për marrëveshjen e bashkëpunimit në mbrojtje ndërmjet Serbisë dhe Hungarisë, të nënshkruar më 1 prill. Rutte ka përmendur se aleanca nuk është konsultuar, ndërkohë që ka përmendur edhe marrëveshjen e bashkëpunimit midis Kosovës, Shqipërisë dhe Kroacisë.

Continue Reading

Lajmet

Kurti për formimin e qeverisë: Kemi filluar takimet zyrtare me komunitetet jo shumicë

Published

on

Kryetari i Lëvizjes Vetëvendosje (LVV), Albin Kurti, njoftoi se ka filluar konsultimet me komunitetet jo shumicë për formimin e qeverisë së re. Ai theksoi se ka takuar kryetaren e Partisë së Re Demokratike (NDS) nga komuniteti boshnjak, Emilija Rexhepi, dhe kryetarin e Partisë për Liri, Drejtësi dhe Mbijetesë nga komuniteti serb, Nenad Rashiq. Kurti shtoi se do të zhvillojë takime të tjera shpejt, por nuk specifikoi nëse do të ketë konsultime me ndonjë parti tjetër shqiptare.

Në lidhje me dënimin nga Gjykata e Prishtinës me 250 euro për shkak të mos paraqitjes në Prokurorinë Speciale (PSRK) për të dëshmuar lidhur me rastin e rezervave shtetërore, Kurti reagoi me ironi, duke thënë se shpesh e dënojnë për raste të tilla. Ai u sugjeroi gazetarëve që të mos mërziten për një dënim të tillë.

Continue Reading

Të kërkuara