Lajmet

“Hoteli në Banjskë – pronë e AKP-së”, Sveçla: jemi të përgatitur për çdo situatë të sigurisë

Published

3 years ago

on

Ministri i Brendshëm, Xhelal Sveçla, ka thënë se Agjencia Kosovare e Privatizimit është pronare e kompleksit “Rajska Banja” në Banjskë të Zveçanit. Ai tha se në këtë kompleks është investuar jashtëligjshëm dhe se destinacioni final do të përcaktohet ditëve në vijim.

Sveçla në konferencë për medie të mërkurën paralajmëroi se policia dhe prokuroria shumë shpejt do të dalin me raport për sulmin terrorist të 24 shtatorit në Banjskë të Zveçanit.

“Pronare e këtij kompleksi është Agjencia Kosovare e Privatizimit, për këtë nuk ka asnjë dyshim. Pse dikush ka investuar jashtëligjshëm, mendoj se është një mësim për të gjithë ata që dëshirojnë të investojnë jashtëligjshëm se nuk mund ta bëjnë. Për sa i takon pronësisë u sqaruam, për sa i takon menaxhimit të atij kompleksi Ministria e Punëve të Brendshme është rezultat i bashkimit të dy ministrive, asaj të Brendshme dhe Administratës Publike. Ish-ministrja e Administratës Publike ka departamentin e menaxhimit të objekteve të llojeve të këtilla në pronësi të shtetit. Kjo është arsyeja pse e kemi marrë në menaxhim dhe destinaconin final do të bëjmë me kohë”, tha ai.

Ai tha se për sulmin terrorist serb të 24 shtatorit janë duke bërë hetimet e tyre edhe KFOR-i dhe EULEX, mirëpo nuk e dinë se kur do të dalin me raport për hetimet e tyre.

“Policia e Kosovës së bashku me prokurorinë e cila udhëheq hetimet janë duke bërë hetimet më të mëdha në historinë e Kosovës. Patjetër se shumë shpejtë do të dalin me rezultatet preliminare, kjo është një ndër kërkesat që i kam adresuar policisë por edhe prokurorisë përmes policisë, që sa më shpejt ne të kemi një raport preliminar për të gjeturat për këtë rast, por edhe rastit të kidnapimit të tre policëve. Përgjegjësit kryesorë për hetim dhe për të ndërmarrë hapat e duhur por edhe për njoftimin e opinionit janë policia dhe prokuroria e Kosovës. Por, në të njëjtën kohë ne jemi në dijeni se KFOR-i dhe EULEX janë duke bërë hetimet e tyre. Nuk e di kur apo a do të dalin me raport për hetimet e tyre. Besoj se për këtë duhet t’i pyetni ata”, shtoi Sveçla.

Në lidhje me gjendjen aktuale të sigurisë në vend, Sveçla tha se institucionet e vendit janë vigjilente dhe të përgatitura për çfarëdo situate.

“Në vazhdimësi jemi duke bërë vlerësime të situatave dhe skenarëve të ndryshëm, por edhe përgatitjeve për çfarëdo lloj skenari që dëmton integritetin apo sovranitetin e Kosovës. Për sa i takon shteteve të tjera unë nuk kam ndonjë informatë që Mali i Zi ka të njëjtin qasje kriminale apo të njëjtat aspiratat pushtuese siç ka Serbia. Mund të ketë elemente apo ekstremist që vijnë nga një vend apo tjetër, por sa i përket politikës shtetërore ne nuk kemi informata të tillë…Ne jemi dëshmitarë që grupe të ndryshme ekstremiste qoftë nga Serbia, Republika Srbska, Mali i Zi por edhe nga Rusia kohë pas kohe kanë pasur ekskursione në territorin e Kosovës në të kaluarën. Por ne suksesshëm i kemi menaxhuar dhe neutralizuar ata që kanë qenë rrezik për shtetin e Kosovës. Nuk kemi asnjë informatë specifike për asnjë individ por jemi vigjilent për të parandaluar çfarëdo skenari”, theksoi Sveçla.

Sa i përket kërkesave të njësive të specializuara të policisë, Sveçla tha se do të bisedojë sot me përfaqësuesit e sindikatës për t’i parë mundësit se çka është e mundur ose jo për t’i realizuar kërkesat e tyre.

“Ne do të kemi një takim, ndër takimet e shumta që edhe unë dhe drejtori i policisë kemi me sindikatën e policisë ashtu siç kemi me sindikatat e institucioneve që ne i udhëheqim. Me këtë rast ne do të bisedojmë me ata në lidhje me këto kërkesa dhe do të shohim se çka është e mundur për të bërë dhe çka jo”, theksoi ai.

Ndërkaq, drejtori i Policisë së Kosovës, Gazmend Hoxha tha se do të angazhohet maksimalisht për t’i adresuar kërkesat dhe për të parë mundësinë e zgjidhjes së kësaj situate.

“Unë punoj me policinë dhe për policinë. Kërkesat e policisë do të mundohemi që maksimalisht t’i adresojmë dhe t’i shohim se cila është zgjidhja dhe mundësitë buxhetore që me e ecë përpara gjatë vitit të ardhshëm”, theksoi Hoxha.

Krahas kësaj Hoxha tha se s’ka individë të paprekshëm nga Policia e Kosovës dhe se secili që dyshohet se ka kryer vepër penale do të hetohet.

Related Topics:
Continue Reading

Vendi

Bypass apo stent? Kur kirurgjia e zemrës bëhet zgjedhja më e përshtatshme për pacientin

Published

14 hours ago

on

August 19, 2026

By

Shëndeti i zemrës nuk përcaktohet vetëm nga një diagnozë, por nga kompleksiteti i dëmtimeve, gjendja e përgjithshme e pacientit dhe mënyra më e sigurt për të rikthyer qarkullimin e duhur të gjakut në muskulin e zemrës. Për këtë arsye, jo çdo problem i arterieve koronare mund të zgjidhet me vendosjen e një stenti apo vetëm përmes trajtimit medikamentoz.

Në rastet kur bllokimet janë të shumta, të përhapura ose anatomikisht komplekse, kirurgjia e bypass-it mund të jetë një alternativë e rëndësishme terapeutike, e cila vendoset pas vlerësimit të plotë të pacientit nga ekipi specialistik.

Pikërisht për këtë çështje, Dr. Sulejman Kusi, specialist i kardiologjisë/kardiokirurgjisë në United Hospital, shpjegon se vendimi ndërmjet stentit dhe bypass-it duhet të bazohet në karakteristikat konkrete të sëmundjes koronare dhe në gjendjen e përgjithshme shëndetësore të pacientit. Zgjedhja e trajtimit nuk është një vendim që merret në mënyrë të njëjtë për të gjithë, por kërkon ekzaminime, vlerësim të enëve koronare dhe gjykim të specializuar mjekësor.

Rikuperimi pas bypass-it kërkon kujdes dhe disiplinë

Pas një operacioni bypass, rikthimi në aktivitetet e përditshme është një proces gradual. Kujdesi për plagën operative, aktiviteti fizik i kontrolluar dhe ushqyerja e shëndetshme janë pjesë të rëndësishme të periudhës së rikuperimit.

Pacientët këshillohen që plagën operative ta mbajnë të pastër dhe të thatë, të ecin çdo ditë sipas udhëzimeve të mjekut dhe të kryejnë ushtrimet e frymëmarrjes pa e sforcuar organizmin. Po ashtu, një regjim ushqimor i balancuar, me më shumë fruta, perime dhe peshk dhe me kufizim të kripës së tepërt, mund të jetë pjesë e rëndësishme e kujdesit afatgjatë për shëndetin kardiovaskular.

Rikuperimi kërkon durim, terapi dhe monitorim

Periudha pas operacionit të zemrës nuk duhet parë si një kthim i menjëhershëm në ritmin e mëparshëm të jetës. Ajo kërkon disiplinë, durim dhe ndjekje të vazhdueshme mjekësore. Ecja e përditshme, ushtrimet e frymëmarrjes, marrja e rregullt e terapisë së përshkruar dhe pushimi i mjaftueshëm janë ndër elementet që mund ta mbështesin rikuperimin.

Në javët e para mund të shfaqen lodhje, shqetësime të menaxhueshme në kraharor, çrregullime të gjumit apo ulje e oreksit. Megjithatë, çdo simptomë e re, e fortë ose që përkeqësohet duhet t’i komunikohet ekipit mjekësor dhe nuk duhet të trajtohet vetëm me vetëkujdes.

Mosha e shtyrë nuk është kriteri i vetëm për kirurgjinë

Një prej pyetjeve të rëndësishme për pacientët dhe familjarët është nëse operacioni në zemër është i sigurt te personat në moshë të shtyrë. Sipas Dr. Sulejman Kusit, mosha në vetvete nuk e përcakton sigurinë e ndërhyrjes. Vlerësimi duhet të marrë parasysh gjendjen e përgjithshme shëndetësore, funksionimin e organeve, sëmundjet shoqëruese, gjendjen e zemrës dhe kompleksitetin e problemit koronar.

Për këtë arsye, vendimi për ndërhyrje kirurgjikale duhet të merret individualisht, pas një vlerësimi të plotë specialistik dhe pas peshimit të përfitimeve dhe rreziqeve për secilin pacient.

Në fund, mesazhi kryesor është i qartë: kujdesi për zemrën nuk përfundon me ndërhyrjen kirurgjikale. Bypass-i apo stenti mund të jenë pjesë e trajtimit, por kontrolli i faktorëve të rrezikut, terapia e përshkruar, aktiviteti fizik i përshtatur dhe ndjekja mjekësore mbeten thelbësore për shëndetin afatgjatë.

Për informacione dhe konsultime në United Hospital:
📞 038 60 70 70 / 046 60 70 70

Vendimi ndërmjet trajtimit medikamentoz, stentit dhe bypass-it duhet të merret vetëm nga mjeku/ekipi specialistik pas vlerësimit individual të pacientit./rajonipress/

Continue Reading

Vendi

Në Zubin Potok identifikohen mbetje kockore të së paku 23 personave

Published

14 hours ago

on

August 19, 2026

By

Prokuroria Speciale dhe Instituti i Mjekësisë Ligjore thanë se në Zubin Potok, në lokacionet ku dyshohet se ka varre masive, bazuar në vlerësimet preliminare janë identifikuar mbetje kockore që dyshohet se u përkasin të paktën 23 individëve.

“Identifikimi i plotë do të bëhet pas përfundimit të ekzaminimeve mjeko-ligjore dhe procedurave përkatëse”, u tha në njoftim.

Kryeministri në detyrë i Kosovës, Albin Kurti, më herët kishte deklaruar se mbetjet mortore të gjetura në Kalludër të Vogël, mund t’u përkasin grupit të 23 shqiptarëve që ishin zhdukur në atë pjesë të Kosovës në vitin 1999.

Ky grup, i njohur si “grupi i intelektualëve të Mitrovicës” është i zhdukur që nga 19 prilli i vitit 1999. Në mesin e tyre kishte mjekë, profesorë, avokatë dhe profile të tjera.

Gërmimet në Zubin Potok nisën më 28 korrik dhe gërmimet janë kryer në Kalludër të Vogël, Jakubë dhe në një lokacion tjetër në këtë komunë, në veri të Kosovës.

Gërmimet nisën pas një hetimi dyvjeçar lidhur me dyshimet për krime lufte.

Më 15 gusht, autoritetet kishin njoftuar se në Kalludër ishin gjetur mbetje eshtërore të të paktën tre personave.

“Aktualisht, lidhur me këtë rast janë duke u hetuar tre persona J.R., M.J dhe M.B. nën dyshimin për kryerjen e veprës penale ‘Krime lufte kundër popullsisë civile’, të cilët ndodhen në masën e paraburgimit”, tha Prokuroria Speciale e Kosovës.

Njëri nga të arrestuarit, sipas autoriteteve, dyshohet se në kohën e luftës kishte qenë pjesë aktive e Armatës Jugosllave.

Sipas Institutit të Krimeve të Kryera Gjatë Luftës në Kosovë, 1.577 persona vazhdojnë të jenë të zhdukur nga lufta e viteve 1998-1999, ndërsa janë dokumentuar gjithsej 12.230 viktima të luftës.

Kosova ka kërkuar vazhdimisht nga Serbia bashkëpunim për zbardhjen e fatit të personave të zhdukur dhe qasje në arkivat ushtarake që sipas autoriteteve mund të ndihmojnë në identifikimin e lokacioneve të varreve të mundshme.
/REL/

Continue Reading

Vendi

PDK i kërkon përseri Avni Deharit vazhdimin e seancës konstituive më 20 gusht

Published

15 hours ago

on

August 19, 2026

By

Deputetët e Partisë Demokratike të Kosovës (PDK) i kanë dërguar kërkesë zyrtare kryesuesit të seancës konstituive, Avni Dehari, për të thirrur vazhdimin e seancës ditën e enjte, më 20 gusht.

Përmes një letre, PDK-ja ka theksuar se caktimi i seancës është një obligim kushtetues dhe procedural i kryesuesit, duke paralajmëruar se vonesat e mëtejshme thellojnë shkeljet ligjore.

“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, ,thuhet në kërkesen e PDK-së.

Kjo kërkesë vjen në kuadër të aksioneve të vazhdueshme të PDK-së, deputetët e së cilës po protestojnë çdo mëngjes para Qeverisë dhe po mblidhen çdo dy ditë në sallën e Kuvendit.

Në anën tjetër, që nga vazhdimi i fundit më 8 gusht, kryesuesi Avni Dehari nuk ka thirrur seancë të re, duke mbështetur qëndrimin e kryetarit të Lëvizjes Vetëvendosje, Albin Kurti, se pa një marrëveshje politike seancat mbeten “shterpe”. Kurti ka kërkuar më shumë kohë për negociata, me arsyetimin se pa një dakordim për postin e presidentit, vendi do të shkojë pashmangshëm në zgjedhje të reja.

Përderisa PDK-ja dhe AAK-ja kanë refuzuar takimet me Kurtin, ky i fundit ka zhvilluar negociata me Lidhjen Demokratike të Kosovës (LDK), përfshirë një takim me liderin e saj, Lumir Abdixhiku, për të diskutuar rreth çështjes së presidentit. Ndërkohë, afati kushtetues 30-ditor për konstituimin e Kuvendit pas certifikimit të rezultateve tashmë ka kaluar. /E.A/

Continue Reading

Lajmet

Murici dhe Vojvoda shkëlqejnë në Kupën e Italisë: Zënë vend në formacionin e javës

Published

16 hours ago

on

August 19, 2026

By

Dyshja e kombëtares së Kosovës, Arijanet Muric dhe Mërgim Vojvoda, kanë dhënë paraqitje të shkëlqyera në Kupën e Italisë, duke u përfshirë në formacionin më të mirë të javës sipas platformës së specializuar të statistikave, SofaScore.

Portieri Arijanet Muric dhuroi një paraqitje të nivelit të lartë në fitoren 3-0 të Sassuolos ndaj Cesenas, duke u vlerësuar me notën e lartë 8.7.

Nga ana tjetër, mbrojtësi Mërgim Vojvoda po ashtu ishte vendimtar në triumfin e Udineses kundër Padovas me rezultat 1-0, ku për performancën e tij u shpërblye me notën 8.3.

Përfshirja e të dy futbollistëve kosovarë në 11-shen më të mirë konfirmon formën e tyre të mirë në fillim të këtij edicioni në futbollin italian. /E.A/

Continue Reading

Të kërkuara