Lajmet

Hong Kong: Vazhdojnë dënimet me burg për pjesëmarrësit e protestave pro-demokracisë më 2019

Një DJ i radios pro-demokratike të Hong Kongut u burgos me 40 muaj.

Published

on

Një DJ i radios pro-demokratike të Hong Kongut u burgos me 40 muaj të mërkurën për “fjalim kryengritës”.

Tam Tak-chi, 49 vjeç, është mes një numri në rritje të aktivistëve të akuzuar për rebelim, një ligj më parë pak i përdorur të cilët filluan t’a përdornin në masë të gjerë pas protestave masive dhe nganjëherë të dhunshme pro-demokracisë më 2019.

Dënimi i tij u rëndua sepse fjalimi i tij vazhdoi pasi Kina vendosi një ligj të sigurisë kombëtare në Hong Kong në vitin 2020, tha gjykatësi Stanley Chan të mërkurën ndërsa shpalli dënimin.

“Jeto gjatë, nënë, më prit”, bërtiti Tam teksa e nxorrën nga gjykata.

I njohur më mirë me emrin e tij “Fast Beat”, Tam organizoi një emision popullor në internet që mbështeste demokracinë dhe ishte shumë kritik ndaj qeverisë.

Ai ishte prezent i rregullt në protestat pro-demokratike të qytetit dhe shpesh mbante fjalime politike.

Prokurorët e akuzuan Tam për nxitje të urrejtjes kundër autoriteteve duke brohoritur sloganin e protestës popullore “Çliro Hong Kongun, Revolucioni i Kohës Sonë”, duke sharë forcat e policisë dhe duke thirrur vazhdimisht “Poshtë Partia Komuniste”./UBTNews/

Lajmet

Dështoi sërish vazhdimi i seancës konstituive të Kuvendit të Kosovës

Published

on

By

Edhe vazhdimi i 37-të i seancës konstituive të Kuvendit të Kosovës përfundoi pa sukses. Lëvizja Vetëvendosje bëri sërish përpjekje për krijimin e një komisioni ad-hoc që do të mundësonte votimin e fshehtë, por pa arritur konsensus mes partive politike.

Kryesuesi i seancës, Avni Dehari, u bëri thirrje partive opozitare – PDK-së, LDK-së, AAK-së, Nismës dhe Listës Serbe – që të propozojnë kandidatët e tyre për përbërjen e komisionit. Megjithatë, këto subjekte nuk pranuan të marrin pjesë në këtë proces dhe refuzuan të votojnë.

Nga 92 deputetët e pranishëm në sallë, 52 votuan për formimin e komisionit, një ishte kundër dhe nuk pati asnjë abstenim.

Përballë mungesës së përkrahjes së gjerë parlamentare, Dehari vendosi që seanca të ndërpritet. Ai njoftoi se vazhdimi i saj do të mbahet më 22 korrik, në orën 11:00.

Continue Reading

Lajmet

Haradinaj: Situata në Kuvend, shqetësim real

Published

on

By

Kryetari i AAK-së Ramush Haradinaj, pohoi se situata e krijuar në Kuvend është shqetësim real.

Ai deklaratën e bëri para vazhdimit të seancës konstituive.

“Është shqetësim real edhe të gjithë i kanë të drejtat e veta, mundësitë e veta, përgjegjësitë e veta. Unë mirëpres shoqërinë civile që na kujton detyrën tonë”, tha ai.

Continue Reading

Lajmet

”Deputetë, emri juaj është bllokadë”, organizatat e shoqërisë civile me aksion para Kuvendit

Published

on

By

Organizatat e shoqërisë civile kanë zhvilluar sot një performancë simbolike përpara hyrjes së Kuvendit të Kosovës, në shenjë proteste ndaj bllokimit të vazhdueshëm të konstituimit të legjislaturës së re.

Të pajisur me pankarta me mesazhe të drejtpërdrejta si “Kur t’ju bëhet boll, kallxoni”, “Deputetë, emri juaj është bllokadë” dhe “Karriget janë për punë, jo për pushtet”, përfaqësuesit e shoqërisë civile kërkuan t’i japin fund krizës institucionale dhe theksuan përgjegjësinë e deputetëve për të përmbushur mandatin e tyre.

Protesta u zhvillua në prag të vazhdimit të seancës së 37-të të seancës konstituive të Kuvendit të Kosovës.

Continue Reading

Lajmet

Bahtiri: Qytetarët votuan deputetët të votojnë e jo të sabotojnë dhe shantazhojnë

Published

on

By

Deputeti i Lëvizjes Vetëvendosje, Agim Bahtiri, është përballur sot me protestuesit e organizatave të shoqërisë civile para hyrjes së Kuvendit të Kosovës, pak para vazhdimit të seancës konstituive.

Protestuesit po mbanin pankarta me mesazhe kundër bllokimit të konstituimit të Kuvendit, duke pyetur deputetin se a është boll, ndërkohë që Bahtiri komentoi situatën duke kritikuar opozitën për bllokadën.

“Qytetarët e kanë votuar çdo deputet të votojë e jo të sabotojnë dhe shantazhojnë”, tha Bahtiri.

Continue Reading

Të kërkuara