Lajmet

Hong Kong: Shtyhet gjyqi i manjatit të medias pro-demokracisë

Gjyqi ishte caktuar të fillonte të enjten, por u shty për në 13 dhjetor.

Published

on

Gjyqi i manjatit të medias pro-demokracisë, Jimmy Lai, sipas ligjit të sigurisë kombëtare të Hong Kongut, është shtyer pasi qeveria i kërkoi Pekinit të mos e lejonte atë të përfaqësohej nga një avokat britanik.

Lai dhe disa drejtues të gazetës së mbyllur tashmë Apple Daily po ndiqen penalisht për “bashkëpunim me forcat e huaja”.

Pasi gjykatat lokale thanë se avokati me bazë në Londër, Tim Owen, mund të përfaqësonte Lain, udhëheqësi i Hong Kongut i kërkoi organit më të lartë ligjvënës të Kinës të vendoste nëse avokatët jashtë shtetit mund të merrnin pjesë në çështjet e sigurisë kombëtare.

Gjyqi ishte caktuar të fillonte të enjten, por u shty për në 13 dhjetor që prokurorët të dilnin me një orar të ri, në pritje të çdo lëvizjeje nga Pekini.

Avokatët mbrojtës zbuluan gjithashtu se autoritetet e imigracionit në Hong Kong kishin “ndaluar zgjatjen” e vizës aktuale të punës së Owen pa asnjë arsye.

Avokatët nga juridiksionet e ligjit të zakonshëm janë në gjendje të punojnë brenda sistemit ligjor të Hong Kongut, veçanërisht në rastet kur mund të kërkohet ekspertiza e tyre specifike.

Owen është këshilltar i mbretit — një avokat i lartë gjyqi në Britani — dhe ka punuar më parë në çështje kriminale të profilit të lartë në qendrën financiare./UBTNews/

Lajmet

Armëmbajtje pa leje dhe gjueti e kundërligjshme, tre të arrestuar në Zubin Potok

Published

on

By

Tre persona janë arrestuar mesditen e djeshme nga policia në fshatin Kërligatë të Zubin Potokut.

V.H, F.S dhe V.S, dyshohen për veprat penale “Armëmbajtje pa leje” dhe “Gjueti e kundërligjshme”.

Siç, njoftojnë organet e rendit, zyrtarë nga Pylltaria e Kosovës, gjatë kryerjes së detyrës në kanë hasur në një automjet në të cilin gjendeshin tre personat e dyshuar.

“Pas një mosmarrëveshjeje verbale ndërmjet palëve, zyrtarët e pylltarisë (viktimat) janë paraqitur në stacionin policor për të dhënë deklaratën e tyre, ndërsa të dyshuarit janë shoqëruar në SP Zubin Potok”, thuhet në njoftimin e policisë.

Tutje, thuhet se ata i kanë dorëzuar vullnetarisht armët si tre pushkë gjuetie, një pistoletë, 25 fishekë të armëve dhe një radio dore.

Nga hetimet fillestare është konstatuar se në atë zonë nuk lejohet të bëhet gjueti, pasi e njëjta është zonë e mbrojtur.

Me urdhër të prokurorit kompetent, pas intervistimit të dyshuarit janë liruar në procedurë të rregullt, ndërsa ndaj tyre janë inicuar rastet për veprat penale: Mbajtje në pronësi, kontroll ose posedim të paautorizuar të armëve, dhe Gjueti e kundërligjshme”.

Policia e Kosovës apelon tek të gjithë qytetarët që të respektojnë ligjet dhe rregullat që ndalojnë gjuetinë në zonat e mbrojtura, si dhe të mos mbajnë armë pa leje, pasi çdo veprim i tillë paraqet shkelje të ligjit dhe rrezik për sigurinë publike./EO

Continue Reading

Lajmet

​KQZ i afrohet shpalljes së rezultateve përfundimtare

Published

on

By

Komisioni Qendror i Zgjedhjeve ka paralajmëruar se është në fazën përfundimtare të aktiviteteve të cilat duhet të zhvillohen për të ardhur deri te shpallja e rezultateve përfundimtare të Zgjedhjeve Lokale, të cilat u mbajtën më 12 tetor.

Zëdhënësi i KQZ-së, Valmir Elezi, ka thënë se pas përfundimit të aktiviteteve në Qendrat Komunale të Numërimit, procesi i numërimit të votave jashtë Kosovës do të përmbyllet gjatë ditës së hënë, për t’i hapur rrugë numërimit të votave të fundit nga votimi e kusht.

Komisioni Qendror i Zgjedhjeve është në fazën përfundimtare të aktiviteteve të cilat duhet të zhvillohen pas ditës së votimit për të ardhur deri te shpallja e rezultateve përfundimtare”, tha Elezi.

Ai kujtoi se gjatë javës së kaluar në 38 Qendrat Komunale të Numërimit brenda 6 ditë janë verifikuar rezultatet për 2,571 vendvotime të rregullta nga zgjedhjet për Kryetarë të Komunave dhe rezultatet për subjektet politike nga zgjedhjet për Kuvendet Komunale, si dhe është bërë numërimi i votave të kandidatëve nga zgjedhjet për Kuvende Komunale.

Elezi tregoi se KQZ planifikon që gjatë ditës së hënë të përmbyllë numërimin e fletëvotimeve që i takojnë votimit jashtë Kosovës dhe pas tyre planifikohet të numërohen edhe votat e fundit, ato me kusht dhe të personave me nevoja të veçanta.

Gjatë ditës së sotme, e hënë, planifikohet të përmbyllet numërimi i fletëvotimeve që i takojnë votimit jashtë Kosovës, një proces i cili ka filluar të premten pasdite. Pas tyre, në radhë për tu numëruar janë fletëvotimet që i takojnë votimit me kusht, i mundësuar në 54 vendvotime me kusht në 38 komuna dhe fletëvotimet nga votimi i personave me nevoja të veçanta, i cili është mundësuar jashtë vendvotimeve përmes ekipeve mobile. Në votimin me kusht janë më shumë se 2,100 zarfe me fletëvotime që i takojnë dy lloje të zgjedhjeve, ndërkaq numri i votuesve të regjistruar me nevoja të veçanta është më shumë se 3,400”, tha Elezi.

Pas shpalljes së rezultateve përfundimtare, subjektet politike dhe kandidatët mund të parashtrojnë ankesat e tyre lidhur me rezultatet.

Procesi mund të zgjasë disa ditë deri në certifikimin, apo përmbylljen përfundimtare të procesit zgjedhor./KP

Continue Reading

Lajmet

Fatmir Sheholli, i dyshuar për spiunazh, kthehet në paraburgim pas trajtimit në spital

Published

on

By

I dyshuari për spiunazh, Fatmir Sheholli, që ishte shtruar para disa ditësh në spital, është kthyer në Qendrën e Paraburgimit në Gjilan.

Zëdhënësi i Shërbimit Korrektues të Kosovës, Florent Gashi, e ka konfirmuar për Kohën kthimin e tij në paraburgim.

Pas disa ekzaminimeve dhe trajtimeve në spitalin e Gjilanit, ai është kthyer në Qendren e Paraburgimit”, ka thënë ai.

Dy ditë pas arrestimit të tij, Sheholli është shtruar në Spitalin Rajonal të Gjilanit. Drejtori i këtij spitali, Afrim Cana, pati thënë se Sheholli po merr trajtim që nga 11 tetori, pasi ka shkuar me disa ndryshime në gjendjen shëndetësore.

Në një komunikatë për media, Prokuroria Speciale pati bërë të ditur se Sheholli është arrestuar pas hetimeve disa mujore dhe është dërguar në mbajtje për 48 orë. Gjithashtu janë kryer bastisje në vendbanimin e të dyshuarit me qëllim të sigurimit edhe të provave të tjera materiale.

Prokuroria Speciale e Kosovës, në bashkëpunim dhe koordinim me Policinë e Kosovës, është duke ndërmarrë të gjitha veprimet e nevojshme hetimore, në përputhje me Kodin e Procedurës Penale dhe ligjet në fuqi, për të cilat publiku do të njoftohet në kohë”, është thënë në njoftimin e Prokurorisë./EO

Continue Reading

Lajmet

Basha i rezervuar, Haxhiu thotë se Kuvendi është konstituar dhe pritet votimi i qeverisë

Published

on

By

Kuvendi i Kosovës është i konstituar, tha nënkryetarja e Kuvendit të Kosovës nga radhët e LVV-së, Albulena Haxhiu.

Ajo pasi u pyet nga KosovaPress në lidhje me ankesën e Listës Serbe në Gjykatën Kushtetuese për seancën konstituive, tha se LVV-ja po pret votimin e qeverisë së re, derisa kanë mbetur edhe gjashtë ditë kohë mandatarit Kurti për ta formuar ekzekutivin e ri.

Më i rezervuar për të komentuar u shfaq kryetari i Kuvendit, Dimal Basha, i cili nuk ktheu përgjigjje për këtë çështje.

Kujtojmë se Kuvendi i Kosovës me datë 10 tetor zgjodhi nënkryetarin nga radhët e komunitetit serb.

Me 71 vota pro, Nenad Rashiq u emërua nënkryetar i Kuvendit të Kosovës, pas nominimit të fundit pasi përfunduan kandidaturat e Listës Serbe./KP

Continue Reading

Të kërkuara