Sport

Holandezi fiton titullin kampion në Formula 1 në xhiron e fundit

24-vjeçari holandez ka arritur të fitojë garën e madhe të Abu Dhabi.

Published

3 years ago

December 13, 2021

Betim Gashi

Max Verstappen është shpallur kampion bote në Formula 1 për herë të parë në karrierën e tij. 24-vjeçari holandez ka arritur të fitojë garën e madhe të Abu Dhabi, duke i siguruar vetes njëkohësisht titullin e parë të kampionit botëror.

Piloti i Red Bull ka bërë një sezon të shkëlqyer, dhe shkëlqyeshëm e mbylli duke lënë mbrapa shtatë herë kampionin nga Britania e Madhe, Lewis Hamilton.

Verstappen dha absolutisht më të mirën nga vetja këtë edicion, shpesh duke prekur limitet e tij – dhe krejt kjo falë një rivali brilant si Lewis Hamilton që nuk mund të mposhtej ndryshe.

Anëtari i Red Bull për të arritur deri tek titulli i kampionit këtë vit, arriti të fitonte 10 gara në total, si dhe 10 herë ishte në ‘Pole-position’

Fitoret e Verstappen këtë edicion janë shënuar në Emilia Romagna GP të Italisë, GP Monaco, GP Francë, Austri (2x), GP Belgjikë, GP Holandë, GP ShBA, GP Meksikë dhe këtë të fundit në Abu Dhabi.

Verstappen mund ta mbyllte sezonin pak më herët, por këtë vit kalendarik nuk arriti ta përfundonte garën deri në fund plot tri herë. Për dallim nga ai, Hamilton nuk mbylli deri në fund vetëm një herë.

Kështu, Max Verstappen ka fituar titullin e tij të parë të kampionit botëror në Formula 1. Ky titull vjen me skuadrën e Red Bull. Tani fillon ndjekja e holandezit drejt emrave si Sena, Schumacher e Hamilton.

Lajmet

Superliga e Kosovës: Ballkani barazon 1-1 me Feronikelin

Published

10 hours ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

12 hours ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

13 hours ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

14 hours ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.