Sport

Holanda me dy mungesa të mëdha ndaj Senegalit, formacionet e mundshme

Këto dy kombëtare janë të njohura për futbollin e tyre të shpejtë dhe atraktiv.

Published

4 years ago

November 21, 2022

UBT news

Grupi A i Kampionatit Botëror do të rezervojë sonte një sfidë jashtëzakonisht interesante ku do të përballen Senegali dhe Holanda.

Këto dy kombëtare janë të njohura për futbollin e tyre të shpejtë dhe atraktiv, derisa do të kërkojnë ta nisin me fitore për të dhënë sinjalet e para se janë skuadra pretendente për ta kaluar këtë grup.

Dy skuadrat e tjera të këtij grupi, Katari dhe Ekuadori u ballafaquan të dielën në sfidën hapëse të këtij Botërori e cila u mbyll me fitoren e Ekuadorit me rezultat 2-0.

Memphis Depay dhe De Roon janë dy mungesat e mëdha të Holandës në këtë ndeshje e cila starton nga ora 17:00 dhe zhvillohet në stadiumin “Al Thumama”.

Këto janë formacionet e mundshme:

Senegali: E Mendy; Sabaly, Cisse, Koulibaly, Ballo-Toure; PM Sarr, N Mendy, I Gueye; I Sarr, Dia, Diatta

Holanda: Pasveer; Timber, Van Dijk, Ake; Frimpong, F De Jong, Koopmeiners, Blind; Gakpo; Bergwijn, Janssen.

Vendi

Akil Gjakova mbyll garën pa medalje në Abu Dhabi

Published

19 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

19 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

21 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/