Sport

Historike! Tirana bëhet shtëpia e UEFA-s në shtator 2025!

Published

2 years ago

on

Komiteti Ekzekutiv i UEFA-s mbajti sot një mbledhje të rëndësishme në Pragë, ku u miratuan disa vendime të rëndësishme për futbollin europian. Një nga njoftimet më të rëndësishme ishte vendimi që Komiteti Ekzekutiv do të zhvillojë një mbledhje zyrtare në Tiranë më 8 Shtator 2025.

Kjo do të jetë hera e parë që një ngjarje e tillë ndodh në Shqipëri, duke përfaqësuar një moment historik për futbollin shqiptar dhe për vendin. Federata Shqiptare e Futbollit (FSHF) e përshkroi këtë ngjarje si një tregues të rritjes së ndikimit të Shqipërisë në futbollin europian dhe një mundësi për të vendosur vendin në qendër të vëmendjes europiane.

Gjatë mbledhjes në Pragë, u miratua gjithashtu strategjia e re e UEFA-s për futbollin e vajzave për periudhën 2024-2030, si dhe u përcaktua fondi i solidaritetit për klubet që nuk do të marrin pjesë në garat e UEFA-s për periudhën 2024-2027.

Një tjetër lajm i rëndësishëm ishte konfirmimi se finalja e UEFA Champions League 2027 nuk do të zhvillohet në stadiumin “San Siro”, për shkak se komuna e Milanos nuk ka garantuar rinovimin e stadiumit. Procesi i kandidimit për vendin e finales është hapur sërish, me vendimin përfundimtar që pritet të merret në maj/qershor 2025.

Përveç kësaj, Kishinjev, Moldavi, u zgjodh si vendi pritës për Kampionatin Europian të UEFA U-19 Futsal 2025.

Mbledhja e ardhshme e Komitetit Ekzekutiv të UEFA-s do të zhvillohet në Lozanë, Zvicër, më 16 dhjetor 2024. Këto zhvillime tregojnë një angazhim të vazhdueshëm për rritjen e futbollit në të gjitha nivelet dhe për forcimin e bashkëpunimit në europë./UBTNews/

Related Topics:
Continue Reading

Sport

Fatjona Kasapi i sjell Kosovës medaljen e dytë në “Taranto 2026”

Published

18 hours ago

on

August 28, 2026

By

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Continue Reading

Sport

Kosova pëson tjetër humbje të thellë në Lojërat Mesdhetare

Published

18 hours ago

on

August 28, 2026

By

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L

Continue Reading

Sport

Erza Muminoviq mbetet pa medalje në Taranto

Published

19 hours ago

on

August 28, 2026

By

Erza Muminoviq është mposhtur në luftën për medaljen e bronztë në Lojërat Mesdhetare “Taranto 2026”.

Xhudistja kosovare, në kategorinë deri në 48 kilogramë, pësoi humbje nga spanjollja Mireia Rodriguez Salvador.

Rodriguez Salvador e siguroi fitoren me “Ippon” pas vetëm 45 sekondash luftë.

Kështu, Muminoviq e përfundon garimin në Taranto pa medalje.

D.L

Continue Reading

Sport

Erza Muminoviq siguron luftën për bronz, pesë xhudistë të Kosovës në garë për medalje

Published

21 hours ago

on

August 28, 2026

By

Plot pesë xhudistë të Kosovës do të kërkojnë medalje të bronztë në Lojërat Mesdhetare “Taranto 2026”.

E pesta që ka siguruar një vend në luftën për medaljen e bronztë është Erza Muminoviq, në kategorinë deri në 48 kilogramë.

Muminoviq e mposhti algjerianen Rahma Ghaliman në repesazh, duke siguruar kështu mundësinë për të luftuar për podium.

Për medaljen e bronztë, Erza do të përballet me spanjollen Mireia Rodriguez.

Përveç saj, për medalje të bronztë do të luftojnë edhe Akil Gjakova, Dardan Cena, Flaka Loxha dhe Fatjona Kasapi.

Pesë mundësi për medalje do t’i japin Kosovës shpresë për një pasdite të suksesshme në tatamin e Tarantos.

D.L

Continue Reading

Të kërkuara