Lajmet

Historia familjare e liderit të Koresë së Veriut përmes fotografive

Koreja e Veriut është themeluar në vitin 1948.

Published

4 years ago

December 18, 2021

UBT news

Kim Jong Un është anëtari i tretë i familjes së tij që sundon shtetin e paparashikueshëm dhe të izoluar komunist të Koresë së Veriut, përcjell UBT News.

Dinastia e Koresë së Veriut

Diktatura e Koresë së Veriut e krijuar nga Kim Il Sung pas Luftës së Dytë Botërore u mor nga djali i tij Kim Jong Il në vitet 1990. Kim Jong Un pasoi të atin në vitin 2011.

Në të majtë: koreano-veriorët përkulen para statujave prej bronzi të liderëve të ndjerë Kim Il Sung, majtas dhe Kim Jong Il në kodrën Munsu në Phenian në 2015.

Kim Il Sung

Kim Il Sung me gruan e tij Kim Jong Suk kur ata ishin guerilas anti-japonezë në vitet 1930.

Para se të vinte në pushtet, Kim Il Sung vlerësohet se ka luajtur një rol kyç në çlirimin e Koresë gjatë Luftës së Dytë Botërore.

Kim Jong Il

Kim Il Sung pozon me gruan e tij të parë, Kim Jong Suk dhe djalin e tij, Kim Jong Il në vitet 1940.

Koreja e Veriut është themeluar: 1948

Pas Luftës së Dytë Botërore dhe përfundimit të pushtimit japonez, Kim Il Sung u vendos nga sovjetikët si udhëheqës i Republikës së saposhpallur Demokratike të Koresë së Veriut.

Kim spastroi armiqtë politikë dhe ndërtoi një nga diktaturat më të ngurta dhe shoqëritë më të izoluara në botë.

Në fotografi shihet komandanti suprem Kim Il Sung i cili mori pjesë në paradën ushtarake që festonte krijimin e Ushtrisë Popullore Koreane në shkurt 1948.

— Agjencia Qendrore Koreane e Lajmeve / AP

Kim Il Sung pozon me studentët koreano-veriorë pasi shijoi një performancë vallëzimi dhe këndimi në vitin 1978.

Kim Jong Nam

Kim Jong Il me djalin e tij, Kim Jong Nam, gjysmëvëllai më i madh i Kim Jong Un, në Phenian në 1981.

Pasi ndoqi shkollat elitare në vitet 1990 u tha se Kim Jong Nam ishte zgjedhja e babait të tij për të qenë pasardhësi i tij. Por ai fitoi një reputacion për pirjen dhe lojërat e fatit dhe ra në disfavor pasi u kap duke u përpjekur të hynte në Japoni me një pasaportë false në 2001.

Udhëheqësi i Koresë së Veriut, Kim Il Sung, majtas, dhe djali i tij Kim Jong Il vizitojnë një stadium futbolli në Phenian në 1992.

Vdekja e Kim Il Sung: 1994

Qytetarët duke vajtuar para arkivolit të Kim Il Sung pas vdekjes së tij në korrik 1994. Pas vdekjes së babait të tij, Kim Jong Il konsolidoi pushtetin e tij dhe sundoi në mënyrën më të ashpër.

Kim Jong Un

Fotografitë e Kim Jong Un në rininë e tij janë të rralla, por këto fotografi u shfaqën në gazetën koreano-jugore Munhwa Ilbo në 2009.

Rinia e Kim Jong Un ka qenë e fshehtë, por ai dihet se ka ndjekur një shkollë ndërkombëtare të gjuhës angleze në Zvicër me një emër të rremë. Ish-shokët e klasës thonë se ai ishte një fans i Michael Jordan, Jackie Chan dhe Jean-Claude Van Damme.

Udhëheqësi i Koresë së Veriut, Kim Jong Il, majtas, ecën përpara pasardhësit të tij të zgjedhur, Kim Jong Un, ndërsa ata shikojnë një paradë që përkujton përvjetorin e themelimit të Partisë së Punëtorëve të Koresë në Phenian më 10 tetor 2010.

Kim Jong Chol

Një ekran kompjuteri tregon një burrë që besohet të jetë djali i dytë i Kim Jong Il, Kim Jong Chol, në një koncert të Eric Clapton në Singapor më 14 shkurt të vitit 2011. Pamjet televizive treguan njeriun që i ngjan Jong Chol, i njohur si një fans i zjarrtë i Clapton, duke hyrë në stadium i shoqëruar nga rreth 20 persona, mes të cilëve truproja dhe gra që mbanin buqeta.

Vdekja e Kim Jong Il: 2011

Një makinë mban një portret të liderit të ndjerë të Koresë së Veriut, Kim Jong Il gjatë procesionit të tij funeral nëpër rrugët e Phenianit më 28 dhjetor 2011.

Miliona njerëz të pikëlluar dolën për të vajtuar Kim Jong-Il në Phenian më 28 dhjetor 2011.

Ri Sol Ju

Udhëheqësi i Koresë së Veriut, Kim Jong Un është i martuar mr Ri Sol Ju. Këtu ata të dy shihen teksa vizitojnë terrenin argëtues së popullit Rungna në Phenian më 25 korrik 2012.

Jang Song Thaek

Udhëheqësi i Koresë së Veriut, Kim Jong Un kalon pranë xhaxhait të tij, Jang Song Thaek, gjatë një parade ushtarake në Phenian më 16 shkurt 2012.

I shpallur tradhtar, Jang u ekzekutua në vitin 2013. Ishte një fund befasues për ish-mentorin e liderit, i cili ishte konsideruar numri 2 i vendit për një kohë të gjatë. Ishte një përmbysje e mprehtë e imazhit popullor të Jang Song Thaek si një xhaxha i sjellshëm i cili udhëzonte liderin e ri, Kim Jong.

Kim Yo Jong

Kim Yo Jong shoqëron vëllain e saj më të madh, Kim Jong Un, gjatë një turneu në një njësi ushtarake pranë kufirit detar me Korenë e Jugut në Detin Lindor në 2015.

Ajo u bë anëtare alternative e Byrosë Politike – organi më i lartë vendimmarrës mbi të cilin kryeson Kim Jong Un, në tetor 2017.

Promovimi i saj tregoi se ajo është bërë një zëvendësuese e hallës së Kim Jong Un, Kim Kyong Hee, e cila kishte qenë një vendimmarrëse kyçe kur ish-udhëheqësi Kim Jong Il ishte gjallë./UBTNews/

Lajmet

Presidentja Osmani pret në takim të ngarkuarën me punë të SHBA-së në Kosovë

Published

9 hours ago

March 12, 2026

UBTNEWS

Vjosa Osmani ka pritur në takim të ngarkuarën me punë të Shtetet e Bashkuara të Amerikës në Kosovë, Anu Prattipati, me të cilën ka diskutuar për zhvillimet aktuale në vend dhe çështje të bashkëpunimit bilateral.

Sipas njoftimit të Presidencës, gjatë takimit u trajtuan zhvillimet e fundit politike në vend, si dhe tema të tjera me interes të përbashkët ndërmjet Kosovës dhe Shteteve të Bashkuara të Amerikës.

Në fokus të bisedës ishte edhe rëndësia e ruajtjes së një mjedisi demokratik, ku respektohen mendimet e ndryshme dhe debati publik zhvillohet në mënyrë të përgjegjshme.

Presidentja Osmani theksoi përkushtimin e vazhdueshëm të Kosova për thellimin e bashkëpunimit me SHBA-në, duke ritheksuar se aleanca ndërmjet dy vendeve mbetet jetike dhe e pazëvendësueshme për Kosovën.

Lajmet

Gjykata Evropiane: Ndalimi i ndryshimit të gjinisë në dokumente shkel ligjet e BE-së

Published

11 hours ago

March 12, 2026

UBTNews

Gjykata më e lartë e Bashkimit Evropian mori vendim të enjten se ligjet kombëtare që ndalojnë ndryshimin e të dhënave gjinore në dokumentet e identifikimit janë në kundërshtim me ligjin e BE-së. Gjykata theksoi sfidat e mëdha me të cilat ballafaqohen personat kur identiteti i tyre gjinor nuk përputhet me dokumentet zyrtare.

Rasti në fjalë rrodhi nga një shtetase bullgare, e regjistruar si mashkull në lindje, e cila kishte filluar trajtimin hormonal dhe identifikohej si grua. Ajo ishte zhvendosur në Itali dhe u kishte kërkuar autoriteteve bullgare të ndryshonin gjininë ligjore, emrin dhe numrin personal në dokumente.

Gjykatat në Bullgari e kishin refuzuar kërkesën, duke u thirrur në rregullat kombëtare që e përkufizojnë seksin vetëm në aspektin biologjik dhe që ndalojnë ndryshimin e të dhënave gjinore.

Megjithatë, Gjykata Evropiane e Drejtësisë konstatoi se megjithëse shtetet anëtare janë përgjegjëse për lëshimin e dokumenteve, mosmarrëveshja mes identitetit gjinor dhe letërnjoftimit mund të shkaktojë dyshime gjatë kontrolleve rutinë, udhëtimeve apo ndërveprimeve profesionale. Sipas Gjykatës, këto “paparashikueshmëri të konsiderueshme” pengojnë të drejtën e personit për lëvizje të lirë brenda Bashkimit Evropian. /Reuters/

Lajmet

KQZ pezullon AKR-në e Behgjet Pacollit

Published

11 hours ago

March 12, 2026

UBTNews

Komisioni Qendror i Zgjedhjeve ka marrë vendim për pezullimin e partisë Aleanca Kosova e Re (AKR), pasi subjekti dështoi të organizojë zgjedhjet e brendshme deri në afatin e paraparë (25 shkurt 2026). Edhe pse partia ishte njoftuar paraprakisht, ajo nuk e ka përmbushur këtë obligim ligjor.

KQZ i ka dhënë AKR-së një afat shtesë prej 45 ditësh për ta mbajtur Kuvendin Zgjedhor. Nëse ky kusht nuk plotësohet as brenda kësaj periudhe, partia do të çregjistrohet përfundimisht nga regjistri zyrtar.

AKR, e cila ishte pjesë e Kuvendit që nga viti 2007, aktualisht udhëhiqet nga ushtruesi i detyrës, Vesel Makolli, pas dorëheqjes së Behgjet Pacollit në tetor 2025. Në zgjedhjet e fundit, kjo parti mbeti jashtë Kuvendit pasi nuk arriti ta kalojë pragun zgjedhor.

Lajmet

IKSHPK: Ndotja e ajrit shkakton mbi 1,150 vdekje në vit në Kosovë

Published

11 hours ago

March 12, 2026

UBTNews

Raporti i fundit i Institutit Kombëtar të Shëndetësisë Publike (IKSHPK) për vitin 2025 ka alarmuar se ndotja e ajrit mbetet një rrezik madhor, duke shkaktuar rreth 12.1% të vdekshmërisë totale në vend.

“Rezultatet tregojnë se 1 150 raste të vdekjeve në vit (121/100 000 banorë) i atribuohen nivelit aktual të PM2.5 në Kosovë i cili paraqet 12.1% të vdekshmërisë totale, nga të gjitha shkaqet (natyrore)”, thuhet në raport.

Sipas të dhënave, gjendja më kritike është regjistruar në Prishtinë (veçanërisht në Kodrën e Trimave), Obiliq, Gjilan, Fushë Kosovë (Palaj) dhe Mitrovicë, ku nivelet e grimcave helmuese PM2.5 gjatë dimrit kanë arritur deri në 272 µg/m3, shifër kjo shumë herë mbi limitet e lejuara.

Shkaktarët kryesorë mbeten djegia e thëngjillit për ngrohje, termocentralet dhe makinat e vjetra, të cilat po rëndojnë shëndetin e grupeve më të ndjeshme si të moshuarit, gratë shtatzëna dhe fëmijët.

IKSHPK thekson se kjo ndotje lidhet drejtpërdrejt me rritjen e rasteve të sulmeve në zemër, goditjeve në tru dhe problemeve të rënda respiratore, duke kërkuar masa urgjente për zgjerimin e ngrohjes qendrore dhe reduktimin e përdorimit të lëndëve djegëse fosile.