Shëndet

Hipoglicemia – Shkaktari kryesor i marramendjes

Kjo mund të lidhet ngushtë me atë çfarë konsumoni.

Published

3 years ago

March 29, 2023

UBT news

Sheqeri i ulët në gjak, i njohur si hipoglicemia, mund të shkaktojë nervozizëm, djersitje, hutim, përgjumje dhe marramendje.

Edhe pse më së shumti prek njerëzit me diabet, kjo mund të lidhet ngushtë me atë çfarë konsumoni.

Më poshtë AgroWeb.org ju njeh me shkaqet dhe se çfarë mund të bëni.

Pse ndodh rënia e sheqerit në gjak?

Rënia e sheqerit në gjak ndodh kur nivelet e glukozës (sheqerit) bien nën nivelet normale.

Nëse keni diabet dhe jeni duke përjetuar marramendje, shkaku mund të jetë insulina ose medikamente të tjera për diabetin.

Po për disa, kjo ka të bëjë me ushqimin ose kohën kur konsumojnë një ushqim të caktuar.

Gjithashtu shmangia ose vonimi i një vakti, konsumi i alkoolit me stomakun bosh mund të jenë një nga shkaqet.

Sidoqoftë, në çdo rast, zgjidhja është të hani ose të pini diçka.

Me pak fjalë, hipoglicemia korrigjohet më shpejt me rreth 15 gram karbohidrate.

Por nëse marramendja ndodh nga alkooli, sigurohuni që të merrni pak ushqim përpara se të konsumoni gotën tjetër.

Rënia e sheqerit pas vaktit

Nëse nuk keni diabet dhe keni marramendje pasi keni ngrënë, mund të jeni duke përjetuar hipoglicemi reaktive.

Sipas të dhënave të AgroWeb.org, kjo ndodh kur sheqeri në gjak bie menjëherë pas një vakti ose brenda katër orëve nga vakti.

Dhe mund të shkaktojë dridhje, djersitje, konfuzion dhe marramendje. Nuk është gjithmonë e qartë pse ndodh kjo.

Gjendja mund të ketë të bëjë me ushqimin që hani apo kohën.

Në të njëjtën kohë, rreziku rritet nëse kohët e fundit keni kryer disa operacione si bypass-i i stomakut ose nëse jeni gjenetikisht të prirur ndaj çrregullimeve metabolike.

Lajmi i mirë është se zakonisht nuk zgjat shumë dhe trajtimi mjekësor kërkohet rrallë.

Si të ulni rrezikun tuaj?

Në përgjithësi, konsumimi i ushqimeve me proteina dhe me fibra të tilla si drithërat, perimet, frutat, bishtajoret dhe arrat me vakte dhe ushqime të lehta mund të ndihmojë në uljen e efekteve të hipoglikemisë reactive.

Shmangni vaktet ose ushqimet që janë kryesisht karbohidrate lehtësisht të tretshme, të tilla si patatet e skuqura, biskotat, lëngjet, karamelet etj.

Këto lloj vaktesh mund të shkaktojnë një rritje, e ndjekur nga një rënie e sheqerit në gjak, e cila mund të shkaktojë simptoma të hipoglicemisë.

Kushdo që mendon se hipoglikemia reaktive është një problem i vazhdueshëm dhe i përsëritur duhet të vizitojë mjekun e tij për të përcaktuar shkakun./AgroWeb.org

Shëndet

Varianti K: Mutacioni më infektues që po përhapet shpejt në botë

Published

4 hours ago

December 10, 2025

UBT News

Virusi i gripit AH3N2 ka pësuar mutacion dhe transmetueshmëria e tij është më e lartë.

Varianti K i këtij virusi ka rritur numrin e të shtruarve në spitale në vende të tjera të botës.

Në Shqipëri nuk ka vend për panik, thonë ekspertët, pasi ky virus ka qarkulluar në vendin tonë edhe më parë, dhe edhe pse ka një ndryshim, mbetet brenda të njëjtës familje.

Viruset e gripit pësojnë ndryshime për variantin e ri K nuk duhet të ketë panik, dhe pse nuk është në përbërjen e vaksinës për 2025–2026.

Vaksina na mbron gjithsesi duke rritur imunitetin. Në vende të ndryshme, varianti K i AH3N2 ka rritur numrin e të shtruarve në spitale dhe të atyre që rendin për t’u vaksinuar. /A.Z/UBT News/

Shëndet

Kombinimet e rrezikshme të suplementeve! Çfarë nuk duhet marrë kurrë bashkë?

Published

4 hours ago

December 10, 2025

UBT News

Përdorimi i pakontrolluar i suplementeve mund të sjellë më shumë dëm sesa përfitim, paralajmërojnë mjekët.

Ata theksojnë se suplementet duhet të merren vetëm kur vërtetohet mungesa e një vitamine apo minerali dhe nën këshillim profesional.

Kombinimet e gabuara mund të zvogëlojnë efektin e njëri-tjetrit ose të shkaktojnë mungesa të rëndësishme ushqyese.

P.sh., konsumimi i kafesë me suplemente hekuri ul ndjeshëm përthithjen. Dr. Karan Rajan shpjegon se edhe marrja e sasive të mëdha të kalciumit ndikon negativisht në përthithjen e hekurit. Po ashtu, disa kombinime të suplementeve mund të shkaktojnë komplikime.

Kombinimet që duhet shmangur:

Kalcium dhe hekur – Nuk rekomandohet të merren njëkohësisht; duhet një interval prej së paku dy orësh. Hekuri përthithet më mirë me vitaminë C, ndërsa kalciumi nuk duhet marrë me ushqime të pasura me hekur.

Zink dhe kalcium – Konkurojnë për përthithje në zorrë, ndaj duhet të merren të ndara me të paktën dy orë diferencë.

Zink dhe hekur – Dozat e larta të hekurit (mbi 25 mg) ulin përthithjen e zinkut. Zinku duhet marrë pas disa orësh.

Çaji jeshil dhe hekuri – Ulin përthithjen e hekurit. Konsumimi i tepruar i çajit jeshil mund të çojë në mungesë hekuri.

Vitamina C dhe vitamina B12 – Vitamina C në doza të larta zvogëlon përthithjen e B12. Duhet të merren të ndara me disa orë.

Zink dhe magnez – Zinku në doza të larta pengon përthithjen e magnezit, prandaj rekomandohet marrja në kohë të ndryshme të ditës.

Mjekët këshillojnë që suplementet të përdoren me kujdes dhe vetëm kur janë të nevojshme, për të shmangur probleme shëndetësore të panevojshme. /A.Z/UBT News/

Shëndet

Uleni temperaturën pa ilaçe, këshilla të thjeshta dhe efektive

Published

21 hours ago

December 9, 2025

UBT News

Virozat e ndryshme shkaktojnë temperaturë të lartë trupore, e cila mund të shkaktojë lodhje dhe ndjesi jo komode.

Ekzistojnë disa mënyra për të ulur temperaturën pa përdorur ilaçe, por është e rëndësishme të mbani mend se nëse zgjat për disa ditë, duhet të konsultoheni me mjekun.

Kjo sepse trupi mund të jetë duke luftuar ndonjë infeksion më serioz.

Ja dy metoda të thjeshta dhe efektive që mund t’ju ndihmojnë:

1. Patate:

Merrni një patate dhe pritini në rrathë të hollë. Vendosini rrathët brenda çorapeve dhe vishni, duke i mbajtur derisa të ndjeni se temperatura ka rënë. Patatja ndihmon në ftohjen e trupit në mënyrë natyrale. Kujdes: mos e mbani shumë gjatë, pasi mund të ulë temperaturën në nivele të tepërta.

2. Dush me ujë të vakët:

Kur keni temperaturë, dush me ujë të vakët ndihmon në uljen e saj. Mos përdorni ujë të ftohtë, sepse kjo shkakton të dridhura dhe të përkeqësojë gjendjen tuaj. Një dush i vakët ndihmon trupin të freskohet pa stres dhe rrit komoditetin gjatë shërimit.

Përveç këtyre, është e rëndësishme të qëndroni të hidratuar, të pushoni, të hani ushqime të lehta.

Kujdesi natyral dhe pushimi janë çelësi për rikuperim më të shpejtë. /A.Z/UBT News/

Shëndet

Keni ngrënë aksidentalisht disa fara molle? Ja çfarë duhet të dini

Published

1 day ago

December 9, 2025

UBT News

Nëse keni ngrënë disa fara molle pa dashje, zakonisht nuk ka arsye për shqetësim.

Lëvozhga e fortë e jashtme i mbron substancat e tyre të dëmshme, prandaj shumica e njerëzve nuk përjetojnë efekte anësore.

Por, nëse farat përtypen, shtypen ose konsumohen në sasi të mëdha, ato mund të bëhen toksike.

Rreziqet kryesore:

Mbytja: Farat e vogla mund të bllokojnë rrugët e frymëmarrjes, veçanërisht tek fëmijët ose personat me vështirësi në gëlltitje. Për këtë arsye, është më e sigurt të hiqni bërthamën para se të hani.

Helmimi: Farat përmbajnë amigdalinë, që në trup mund të shndërrohet në cianur hidrogjeni, një substancë toksike. Gëlltitja e farave të plota zakonisht nuk është e rrezikshme, por përtypja rrit rrezikun. Simptomat mund të përfshijnë dhimbje koke, të përziera, marramendje, rrahje të shpejta të zemrës dhe në raste të rënda humbje të vetëdijes.

Probleme tretjeje: Përtypja e një numri të madh farash shkakton fryrje ose dhimbje barku, sidomos tek personat me probleme të tretjes.

Alergjitë: Rrallë, disa persona mund të kenë reaksione alergjike ndaj farave, duke përfshirë skuqje, ënjtje ose vështirësi në frymëmarrje. Në këtë rast, kërkoni menjëherë ndihmë mjekësore.

Sa është e rrezikshme?

Ekspertët vlerësojnë se një dozë toksike për një të rritur është rreth 150–200 fara të përtypura, varësisht nga pesha dhe lloji i mollës. Pra, ngrënia aksidentale e disa farave nuk paraqet rrezik.

Hiqni gjithmonë bërthamën dhe farat para konsumimit, veçanërisht për fëmijët.

Mos përtypni farat e mëdha ose të shumta rregullisht. /A.Z/UBT News/