Lajmet

Hipoglicemia – A mund të vuani nga sheqeri i ulët në gjak pa patur diabet?

Sheqeri i ulët në gjak është diçka serioze.

Published

on

Hipoglicemia ose sheqeri i ulët në gjak është diçka serioze, sepse truri dhe trupi juaj, varen nga sheqeri në gjak për të prodhuar energjinë që i duhet për të funksionuar rregullisht.

Injorimi i simptomave të hipoglicemisë për një kohë të gjatë gjithashtu mund të rezultojë në kriza, humbje të vetëdijes, lëndime dhe ndoshta vdekje.

Ju mund të keni hipoglicemi edhe nëse nuk keni diabet, kjo ndodh kur trupi juaj nuk mund të stabilizojë sheqerin në gjak.

Por hipoglicemia mund të lidhet gjithashtu edhe me prediabetin, një gjendje në të cilën sheqeri fillon të grumbullohet në qarkullimin tuaj të gjakut dhe prodhimi i insulinës bëhet më i dobët, duke luhatur dhe ulur nivelin e sheqerit në gjak.

Historia familjare, mungesa e ushtrimeve fizike dhe yndyra e tepërt në trupin tuaj, veçanërisht në zonën e barkut, mund të rrisin shanset tuaja për prediabet.

Simptomat e sheqerit të ulët në gjak, ndryshojnë nga personi në person.

Ato mund të jenë:

-dridhje

-uri

-dhimbje koke

-shikim i turbullt

-përgjumje

-marrje mendsh

-konfuzion ose çorientim

Episodet hipoglicemike mund të ndodhin edhe natën, duke ju dhënë makthe ose djersitje natën.

Çfarë mund të bëni:
Mbani Shënime

Nëse përjetoni episode të përsëritura të hipoglicemisë atëherë mund të jetë diçka më e madhe. Prandaj është mirë t’i regjistroni të gjitha këto raste.

Kur keni një episod hipoglicemik, regjistroni kohën kur ndodh, simptomat, çfarë keni ngrënë ose pirë, ilaçet që po merrni dhe nivelin e stresit.

Ndajini këto shënime me mjekun tuaj sepse ky informacion mund t’i ndihmojë ata të bëjnë një diagnozë më të shpejtë.

Bëni një vizitë tek mjeku

Për të parë nëse hipoglicemina juaj lidhet ose jo me diabetin, duhet të kryeni testet e nevojshme tek mjeku.

Mjeku juaj do të rishikojë simptomat tuaja, do të studiojë faktorët e rrezikut dhe më pas do të urdhërojë një test të glukozës për të kontrolluar nivelin e sheqerit në gjak.

Ky test përfshin marrjen e një mostre gjaku dhe mund të përfshijë një agjërim 8-orësh brenda natës ose një agjërim më të gjatë të mbikëqyrur (48 deri në 72 orë).

Ku do të kontrollohen nivelet e glukozës në gjak çdo disa orë.

Gjithashtu mjeku juaj mund të urdhërojë një tjetër test, i cili përfshin konsumimin e një vakti të përzier.

Gjatë këtij testi, ju do të konsumoni pije ose ushqime që përmbajnë proteina, yndyrna dhe sheqerna, të cilat rrisin sheqerin në gjak dhe, nga ana tjetër, bën që trupi juaj të prodhojë më shumë insulinë.

Në këtë mënyrë do të kontrollohen nivelet e sheqerit në gjak dhe mjeku do të mund të përcaktojë gjëndjen tuaj shëndetësore.

Kujdesuni të konsumoni ushqimet e duhura

Në rast se diagnostikoheni me hipoglikemi, atëherë duhet të merrni parasysh shpeshtimin e vakteve tuaja për të menaxhuar nivelet e sheqerit në gjak.

1- Ushqimet duhet të përfshijnë proteina (mish, bishtajore, arra dhe fara), karbohidrate komplekse (makarona gruri, drithëra dhe patate), ushqime me shumë fibra (bukë me drithëra, perime dhe fruta të freskëta) për të balancuar thithjen e sheqerit.

2- Reduktoni sasitë e sheqerit të përpunuar.

3- Mbani me vete diçka të ëmbël si rrush të thatë, arra ose edhe një portokall, në tast se përjetoni një krizë.

4- Konsumoni diçka të lehtë para dhe pas aktivitetit fizik.

5- Ju gjithashtu duhet të kufizoni alkoolin dhe ndoshta edhe kafeinën.

Por nëse vendosni t’i konsumoni këto pije shoqërojini me diçka të lehtë për të ekuilibruar sheqerin në gjak./AgroWeb.org

Lajmet

KQZ vendos për numrin e fletëvotimeve për zgjedhjet lokale

Published

on

By

Komisioni Qendror i Zgjedhjeve mori vendim për numrin e fletëvotimeve dhe broshurave që do të shtypen për zgjedhjet lokale që do të mbahen më 12 tetor.

Sipas vendimit të KQZ-së, për raundin e parë të zgjedhjeve për kryetar të komunave do të shtypen 1.800.000 fletëvotime, ndërkaq për raundin e dytë, planifikohen të shtypen 1.250.000 sosh.

Në zgjedhjet për Kuvende Komunale do të shtypen 1.800.000 fletëvotime. Bazuar në të dhënat e raportit të Listës Preliminare të Votuesve, numri i qytetarëve me të drejtë për Zgjedhjet Lokale të 12 tetorit është: 2.075.868 votues.

Ky është numri i fletëvotimeve që KQZ-ja planifikon t’i shtypë për zgjedhjet lokale të 12 tetorit.

Në mbledhjen e KQZ-së, më 2 korrik, anëtarët u njoftuan se nga shpallja e datës së zgjedhjeve lokale 2025 dhe deri më 1 korrik, janë realizuar në tërësi 33 aktivitete nga 269 sa janë planifikuar në përgjithësi, ndërkaq një pjesë tjetër është në zhvillim e sipër.

Po ashtu, anëtarët u informuan se është duke u zhvilluar periudha për ndërrimin e Qendrës së Votimit brenda komunës dhe që nga fillimi i saj më 28 qershor dhe deri më 1 korrik janë pranuar 246 kërkesa – prej të cilave 212 janë aprovuar, ndërkaq 34 të tjera janë refuzuar për shkak të dokumentacionit të paplotësuar.

Në këtë mbledhje u bë e ditur se ka filluar programi orientues për trajnimin e anëtarëve të Komisioneve Komunale të Zgjedhjeve, i cili fillimisht është mbajtur për anëtarët e disa komunave dhe do të vazhdojë edhe gjatë javës.

Continue Reading

Lajmet

Memli Krasniqi mbërrin për takim me presidenten Osmani

Published

on

By

Kryetari i Partisë Demokratike të Kosovës, Memli Krasniqi ka mbërritur për të zhvilluar takimin me presidenten, Vjosa Osmani.

Krasniqi i është përgjigjur pozitivisht ftesës së Osmanit për takime me liderët e partive politike për të tejkaluar ngërçin politik të krijuar në Kuvendin e Kosovës, shkruan KosovaPress.

Osmani para pak orësh zhvilloi takim edhe me liderin e LVV-së, Albin Kurti.

Kurti e cilësoi pozitiv takimin me Osmanin teksa tha se pret rezultatet edhe nga takimet e tjera të liderëve të partive politike shqiptare me presidenten.

Continue Reading

Lajmet

Kurti: Do të bëjmë çmos për konstituimin e Kuvendit

Published

on

By

Kryeministri në detyrë i Kosovës, Albin Kurti, tha se do të bëjë çmos për konstituimin e Kuvendit të Kosovës në frymën e bashkëpunimit, për të vazhduar më pas me formimin e Qeverisë së re.

Kurti i bëri komentet pas një takimi të thirrur nga presidentja Vjosa Osmani, për të diskutuar mundësitë për dalje nga kriza institucionale.

Ai nuk tregoi nëse ka dalë me ndonjë propozim të ri, apo ndonjë detaj tjetër nga biseda me Osmanin.

Diskutuam gjerë e gjatë, i përmendëm të gjitha elementet përbërëse… Zonja presidente do të ketë takime edhe me përfaqësues të partive të tjera politike. Mbase në fund do të mund të shohim nëse kemi bërë përparim”, tha Kurti, njëherësh udhëheqës i Lëvizjes Vetëvendosje.

Besoj se duhet t’u japim shans edhe takimeve të tjera, e më pas të shohim se cili është progresi”, shtoi ai para gazetarëve.

Përkundër plot 40 përpjekjeve, deputetët e zgjedhur të Kuvendit të Kosovës nuk kanë arritur ende ta konstituojnë institucionin ligjvënës.

Zgjedhjet parlamentare janë mbajtur më 9 shkurt.

Me një vendim të lëshuar javën e kaluar, Gjykata Kushtetuese e Kosovës ka urdhëruar konstituimin e Kuvendit brenda 30 ditësh.

Që nga aktgjykimi janë mbajtur edhe dy seanca në Kuvend, por pa rezultat.

Përfaqësuesit e partive politike fajësojnë njëri-tjetrin për mungesë përgjegjësie.

Lëvizja Vetëvendosje, e cila ka fituar më së shumti vota në zgjedhjet e 9 shkurtit, këmbëngul në emrin e Albulena Haxhiut për kryeparlamentare.

Por Haxhiu, për disa herë me radhë, nuk ka arritur t’i sigurojë 61 votat e domosdoshme për këtë pozitë.

Vetëvendosje insiston në votim të feshehtë, por partitë e tjera janë kundër, ndaj edhe refuzojnë kërkesën e kryesuesit të seancës konstituive, Avni Dehari, për të propozuar përfaqësues për komisionin që do të mbikëqyrte votimin e fshehtë.

Këshilltari i presidentes Osmani, Bekim Kupina, tha më 30 qershor se ajo pret që partitë e përfaqësuara në Kuvend të zbatojnë aktgjykimin e Kushtetueses dhe të përfundojnë seancën konstituive brenda afatit prej 30 ditësh.

“Nëse paraqitet nevoja, presidentja mbetet e gatshme t’i drejtohet Gjykatës Kushtetuese për sqarime shtesë”, tha Kupina.

Ekspertët e çështjeve ligjore-kushtetuese thonë se aktgjykimi i Kushtetueses duket se nuk solli zgjidhje për krizën institucionale në Kosovë, ndaj, sipas tyre, zgjidhja mund të vijë vetëm përmes një marrëveshjeje politike, ose me ndërhyrjen e presidentes./REL

Continue Reading

Lajmet

Presidentja Osmani takohet me Kurtin, përpjekje për tejkalimin e ngërçit

Published

on

By

Presidentja e Republikës së Kosovës, Vjosa Osmani, priti në takim kryetarin e Lëvizjes Vetëvendosje, Albin Kurti, në kuadër të përpjekjeve për tejkalimin e ngërçit politik që ka bllokuar konstituimin e Kuvendit të ri të Kosovës.

Ky është takimi i dytë që presidentja po zhvillon me subjektet politike, pas konsultimeve të para që ishin mbajtur në një format të përbashkët me të gjithë liderët partiakë. Ndryshe nga hera e kaluar, kësaj radhe takimet po mbahen ndaras me secilin lider.

Pas takimit me kryetarin Kurti, presidentja Osmani pritet të zhvillojë takime të ndara edhe me kryetarin e Partisë Demokratike të Kosovës, Memli Krasniqi, kryetarin e Lidhjes Demokratike të Kosovës, Lumir Abdixhiku, si dhe me kryetarin e Aleancës për Ardhmërinë e Kosovës, Ramush Haradinaj.

Continue Reading

Të kërkuara