Lajmet

Hilary Duff rikthehet me “How I Met Your Father”

Pam Fryman do ta drejtojë serinë.

Published

5 years ago

December 18, 2021

UBT news

“How I Met Your Mother” përfundoi më shumë se shtatë vjet më parë, por fansave që u mungojnë Robin, Barney, Ted, Lily dhe Ted janë me fat!

Hilary Duff do të luajë në “How I Met Your Father”, një serial komedi me 10 episode në Hulu. Kjo është shfaqja e parë që Duff bën pas përfundimit të serialit “Younger”, i cili u shfaq për shtatë sezone.

Episodi i parë do të drejtohet nga regjisorja e serialit origjinal “How I Met Your Mother”, Pam Fryman, e cila drejtoi 196 nga 208 gjithsej.

Ndonëse shumë fansa kishin probleme me finalen e shfaqjes, ata me siguri do të jenë të lumtur të shohin të njëjtën fuqi krijuese në këtë projekt. Krijuesit e serisë origjinale Carter Bays dhe Craig Thomas janë rikthyer gjithashtu.

Ndërsa spekulimet janë të shumta, ja gjithçka që dimë deri më tani për HIMYF.

*Më 17 nëntor, Hulu publikoi një video të kastit duke njoftuar se shfaqja do të jepet premierë në platformën e transmetimit më 18 janar 2022.

*Një trailer zyrtar pasoi më 16 dhjetor, ku Duff do të luajë personazhin Sophie, protagonisten e serialit, duke i treguar djalit të saj historinë se si ajo u takua me babanë e tij. Komploti fillon në vitin 2021 dhe përshkruan Sophie-n me miqtë e saj të ngushtë në New York City.

*Hilary Duff është gjithashtu një producente në serial.

*Në seri është edhe Francia Raisa e cila do të luajë shoqen e dhomës së Sophie-t, Valentina, një mikeshë dhe stiliste e cila është kthyer së fundmi në Nju Jork nga Java e Modës në Londër, e shoqëruar me të dashurin e ri britanik të quajtur Charlie./UBTNews/

Për më shumë, shikoni trailer-in e serisë:

Vendi

Mbi 100 gramë kokainë dhe marihuanë kapen në Vërmicë

Published

17 hours ago

June 19, 2026

UBT News

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Vendi

Mbyten dy vajza të mitura në Tale

Published

18 hours ago

June 19, 2026

UBTNews

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë. /E.A/

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

19 hours ago

June 19, 2026

UBTNews

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

21 hours ago

June 19, 2026

UBTNews

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/