Një çrregullim i zakonshëm që zgjidhet në sajë të të ushqyerit. Thartira në lukth, është një çrregullim i zakonshëm që shkaktohet nga faktorë të ndryshëm. Mund të jetë rezultat i dietës së varfër, stresit të tepruar ose problem për shkak të marrjes së medikamenteve të caktuara.

Kush vuan prej saj, ndjen ndjesi djegieje dhe dhimbje në stomak dhe ka vështirësi në tretje e për të parandaluar shfaqjen e thartirës në lukth rekomandohet të mos bëhen sforcime fizike me stomakun plot. Nevojitet ushqyerje e rregullt dhe ushqimi duhet të përtypet ngadalë.

Në fakt, për të luftuar aciditetin e lukthit duhet të përfshini në ushqimet tuaja dietën anti-aciditet!

Largimi i ushqimeve acidike – Kjo ndoshta nuk do e largojë problemin me aciditetin, por zvogëlon ashpërsinë e simptomeve. Largimi i ushqimeve si kafeina, yndyra, dhjami dhe ushqimet të tjera të pasura me acid, do të largojë pak sikletin në stomakun tuaj.

Qumësht i ftohtë – Përmban sasi të mëdha të kalciumit që ndihmon në uljen e prodhimit të acideve në stomak dhe të absorbojë tepricën e tyre. Kjo gjë do të ulë simptomet e aciditetit të tepërt.

Xhenxhefili – Numri një i ushqimeve anti-acid! Xhenxhefili, i rekomanduar edhe gjatë shtatzënisë, ndihmon për eliminimin e problemit. Ajo merret në formën e çajit bimor, ëmbëlsirat në shtëpi ose të hani një copë të vogël direkt në mëngjes sapo të zgjoheni.

Karrotat – Japin efekt qetësues për trupin, janë të përsosura kundër urthit. E përkryer dhe për thonjtë dhe flokët e shëndetshëm e të fortë.

Banane – Bananja në ditë mund të ndihmojë në eliminimin e acidit të stomakut: ky frut, në fakt, përmirëson tretjen!

Papaja – Një nga pemët më të mira, papaja është e shkëlqyer kundër thartirës, e pasur me vitamina dhe minerale ndihmon në tretjen e lehtë të ushqimit.

Të gjithë drithërat – Të përsosura për t’u ngrënë për drekë, drithërat e pjesshme lejojnë eliminimin e helmeve dhe përmirësimin e shëndetit të barkut.

Lëng Aloe Vera – Aloe Vera ndihmon në uljen e përmbajtjes acidike në lukth e largimin e spazmës së lukthit. Pini 50 gramë, zgjidhni lëngun aloe vera që nuk është i procesuar pasi që lëngu i procesuar ka efekt më të zbehtë në organizëm.

Soda e bukës – Një nga ilaçet që nuk ka shije të hijshme por që është efektiv. Para se të shkoni në shtrat, pini përzierje të ujit me sodë të bukës, kjo gjë balancon nivelet e acidit dhe alkalineve. Përzierja përbëhet nga një lugë çaji me sodë të bukës dhe një gotë me ujë. /UBT News/

Mëngjesi është një prej vakteve më të rëndësishme për të përballuar si duhet ditën, por kjo ndodh duke marrë vlerat e duhura ushqimore përmes asaj që ju konsumoni. Por, diçka që duhet ta shtoni patjetër në rutinën e mëngjesit tuaj është pikërisht kanella.

Si një burim fantastik i anti-oksidantëve dhe përbërësve të tjerë të dobishëm, kanella ka shumë ndikim në shëndetin tuaj.

Është e pasur me anti-oksidantë – Kanella ka vlerat më të larta të anti-oksidantëve në radhët e ushqimeve dhe këto përbërës ndihmojnë në luftimin e radikaleve të lira që dëmtojnë qelizat dhe përshpejtojnë plakjen.

Përmirëson nivelet e sheqerit në gjak – Një nga vetitë më të studiuara të kanellës është aftësia për të ndihmuar në rregullimin e niveleve të sheqerit në gjak. Kanella mund të rrisë ndjeshmërinë ndaj insulinës, hormoni që rregullon metabolizmin e glukozës.

Zvogëlon rrezikun e sëmundjeve të zemrës – Kanella ndikon në shëndetin e zemrës, lidhet me faktorë të reduktuar ndaj rrezikut për  -sëmundjet e zemrës, si ulja e kolesterolit, triglicerideve etj.

Ndihmon në uljen e inflamacionit – Inflamacioni kronik është i lidhur me sëmundje si artriti, diabeti dhe sëmundjet e zemrës. Konsumimi i rregullt i kanellës, i cili ka veti të fuqishme anti-inflamatore, mund të ndihmojë në uljen e inflamacionit në trup.

Përmirëson tretjen – Kanella stimulon prodhimin e enzimave tretëse, përmirëson aftësinë e trupit për të tretur e thithur lëndët ushqyese.

Stimulon funksionin e trurit – Një nga befasitë më të mëdha të përdorimit të kanellës është ndikimi në funksionet e trurit. Aroma rrit përqendrimin, kujtesën dhe aftësitë njohëse. Shtimi i kanellës në dietë ndihmon në mbajtjen e trurit aktiv e të shëndetshëm. /UBT News/

Stuhitë e dimrit mund të prishin oraret ditore dhe planet e udhëtimit, por të ftohtit ekstrem, shiu, era dhe bora mund të ndikojnë në shëndetin tonë. Vitet e fundit, normat e vdekjeve në të gjithë botën kanë qenë 8% deri në 12% më të larta gjatë muajve të dimrit, sipas të dhënave të vdekshmërisë nga Qendrat për Kontrollin dhe Parandalimin e Sëmundjeve.

Kjo rritje lidhet me “ndryshimet sezonale në sjelljen dhe trupin e njeriut” dhe “ekspozimin e shtuar ndaj sëmundjeve të frymëmarrjes”, sipas Agjencisë së Mbrojtjes së Mjedisit të SHBA. Përveç përgatitjes së shtëpisë me të ngrohtë dhe makinës për motin e dimrit, ka disa hapa të tjerë që mund të ndërmerrni për të mbajtur veten dhe të tjerët të shëndetshëm kur është shumë ftohtë.

Kujdesi për fëmijët dhe të moshuarit – Foshnjat e të moshuarit duhet të jenë të parët që duhet të kujdesemi dimrit thotë ,Tyler Barrett, doktor ekzekutiv mjekësor në Spitalin Universitar në Nashville. “Foshnjat dhe të rriturit e moshuar e kanë më të vështirë të ruajnë temperaturën bazë të trupit, sepse e humbasin nxehtësinë më lehtë dhe priren të prodhojnë më pak nxehtësi trupore. Hipotermia ndodh atëherë kur trupi fillon të humbasë nxehtësinë më shpejt sesa mund të prodhohet”, tha ai.

Qëndrimi i sigurt në ambiente të mbyllura – Mos përdorni gjeneratorë, grila me gaz, qymyr ose sobë druri brenda shtëpisë. Tymi nga këto pajisje shkakton grumbullimin e monoksidit të karbonit, shton Barrett, dhe gazi pa erë mund t’ju vrasë. Përdorimi i sobës së kuzhinës për ngrohje është jo i sigurtë, në vend të kësaj, përdorni batanije shtesë ose pallto.

Rreziqet nga ngrirja dhe hipotermia – Nëse keni nevojë të dilni jashtë gjatë dimrit, Barrett rekomandon kufizimin e sasisë së kohës që kaloni për të parandaluar ngrirjen. “Vishuni me rroba të ngrohta sidomos për mbrojtjen e zonave të ndjeshme si veshët, hunda, faqet dhe gishtat e duarve, tha dr.Barrett. Ngrirja ndodhë kur enët e gjakut ngushtohen, temperatura e lëkurës bie e kristale akulli formohen rreth dhe brenda qelizave, duke shkaktuar dëme. Simptomat përfshijnë lëkurë të bardhë a gri në të verdhë që ndihet e fortë. Kujdes nga Hipotermia, është gjendje serioze e kërkon ndihmë mjekësore. Shenja tjera përfshijnë: Konfuzionin, humbjen e kujtesës dhe përgjumjen.

Qëndroni të hidratuar – Në temperatura të ftohta, lëkura bëhet e thatë dhe e plasaritur nëse nuk hidratohet siç duhet. Përdorni ujë të ngrohtë në vend të ujit të nxehtë gjatë dusheve për të parandaluar përkeqësimin e lëkurës së thatë. Akademia Amerikane e Dermatologjisë rekomandon aplikimin e kremit hidratues pas dushit për të bllokuar lagështinë ekzistuese në lëkurë. “Njerëzit që vuajnë nga ekzema mund të kenë shpërthime të shtuara gjatë dimrit,” tha Barrett, duke shtuar se ata me sëmundje të lëkurës të lidhura me dimrin duhet të flasin me ofruesin e tyre të kujdesit parësor për udhëzime dhe trajtim të mëtejshëm. /UBT News/

Kaliumi është një mineral thelbësor për organizmin. Ai është i domosdoshëm për shëndetin e zemrës, veshkave dhe organeve të tjera. Kaliumi i lejon muskujt të lëvizin, nervat të transmetojnë mesazhet e trurit e veshkat të filtrojnë gjak.

Trupi duhet të ketë ekuilibrat e duhur të kaliumit që zemra të jetë e shëndetshme.

Mungesa e kaliumit dhe depresionit – Nivelet e ulëta të kaliumit rrisin rrezikun e depresionit dhe shqetësimeve nervore, një regjim ushqimor i pasur me kalium zbut simptomat e depresionit. Gjetjet konfirmuan se kaliumi është i nevojshëm për trajtimin e luhatjeve të humorit dhe se mungesa e tij lidhet fort me simptomat e depresionit.

Kaliumi kundër dhimbjeve – Mungesa e kaliumit shkakton nervozizëm, lodhje, plogështi të muskujve, kontraktime dhe dhimbje kronike. Dhimbja me depresionin janë të ndërthurura ngushtë dhe intensifikojnë njëra tjetrën, njerëzit që vuajnë nga dhimbjet kronike janë tre herë më të rrezikuar nga problemet psikiatrike.

Kaliumi dhe serotonina – Kaliumi luan rol të rëndësishëm në rregullimin e nivelit të serotoninës, lehtëson përdorimin e serotoninës nga truri. Nëse personi depresiv ka ndjenja negative për veten e botën përreth, kaliumi aktivizon nervat që nxisin ndjenjat pozitive e  të bukura.

Kjo është arsyeja përse edhe një ulje e vogël në nivelin e kaliumit në trup ndez ankthin.

Shkaktarët e mungesës së kaliumit – Një nga shkaktarët më të mëdhenj të mungesës së kaliumit në trup është pirja e tepërt e pijeve të gazuara, prishja e ekuilibrave hormonalë shkakton rënie të nivelit të kaliumit që nga ana tjetër nxit shfaqjen e depresionit.

Njerëzit që pinë shumë kafe, alkool dhe hanë gjëra të kripura të përpunuara janë gjithashtu të rrezikuar nga mungesa e kaliumit.

Burimet më të mira ushqimore të kaliumit – Barishtet, patatet e ëmbla, kungulli i verdhë, kosi, salmoni, avokado, bananet, arrorët, agrumet, qumështi, kumbullat e thata, rrushi i thatë, hurmat e Arabisë, karotat dhe fasulet janë disa prej burimeve më të mira të kaliumit.

Kaliumi është mineral që tretet në ujë, ndaj barishtet, karotat dhe patatet duhen pjekur dhe jo zier për të marrë më shumë kalium, nëse ju do t’i zieni ato, sigurohuni që ujin e përdorni për supë dhe nuk do ta hidhni. /UBT News/