Pas një viti të vështirë për të, princesha e Uellsit, Kate Middleton ka ndarë përditësim të rëndësishëm për betejën me kancerin. Ajo tregoi se ka kuruar sëmundjen në spitalin ku u trajtua vitin e kaluar, megjithatë kjo nuk do të thotë se është zhdukur përgjithmonë.

Si është tani Kate Middleton?

“Është një lehtësim që tani jam e kuruar dhe mbetem e fokusuar në rikuperimin tim,” ndau Kate në Instagram së bashku me një imazh të vizitës së saj me një pacient në Spitalin Royal Marsden në Londër më 14 janar.

“Siç mund ta dijë kushdo që ka përjetuar një diagnostikim me kancer, duhet kohë për t’u përshtatur me një normalitet të ri. Megjithatë, pres me padurim një vit të ri përpara. Ka shumë për të pritur.”

Gjatë vizitës emocionale, Kate u takua me stafin e përfshirë në trajtimin e saj për t’i falenderuar ata për kujdesin ndaj saj dhe pacientëve tjerë me kancer. Vizita erdhi ndërsa Kate po vazhdon ngadalë kthimin në detyrat publike pasi mori pjesën më të madhe të vitit 2024 për t’u fokusuar tek shëndeti dhe familja e saj.

Hera e fundit që ajo u pa në publik ishte në ditën e Krishtlindjeve teksa iu bashkua familjes mbretërore për festime në Sandringham.

Pjesa më e madhe e fokusit të saj në prapaskenë që nga mbarimi i trajtimeve të kimios është rikthyer në gjendjen e duhur, me një biograf mbretëror që zbuloi se ajo po shkonte dhe në palestër.

“Me sa kuptoj, Catherine po ecën shumë mirë. Ajo po stërvitet në palestër dhe po bën të gjitha gjërat që donte të bënte”, tha Robert Jobson për revistën “Hello” në fund të vitit 2024.

A është rikthyer Kate Middleton në detyrë?

Lajmi i mirë vjen pasi Kate ka nisur një rikthim gradual në detyrë pasi zbuloi se ka përfunduar trajtimin e kimioterapisë. Pjesëmarrja e saj në vizitën spitalore shënon fillimin e kthimit të planifikuar të princeshës në punë dhe angazhimet publike gjatë muajve të ardhshëm.

Pas gati një viti spekulimesh, ndërsa ajo merrej me probleme serioze shëndetësore, Princesha e Uellsit më në fund ndau disa lajme pozitive me fansat anembanë globit më 9 shtator.

“Vera po mbaron, nuk mund t’ju them se çfarë lehtësimi është që më në fund përfundova trajtimin tim të kimioterapisë,” tha Kate shoqëruar me një video të ëmbël duke dhënë një vështrim të sinqertë dhe të paprecedentë në jetën e saj private në shtëpi.

Kate njoftoi se ishte diagnostikuar me një formë të pazbuluar të kancerit në mars të vitit 2024 pas një operacioni të mëparshëm serioz në bark dhe do t’i nënshtrohej disa seancash “kimioterapie parandaluese”.

Ajo është mbështetur shumë gjatë betejës së saj me sëmundjen nga princi William, 41 vjeç, i cili e vuri familjen në vend të parë pasi ata u përballën me këtë kohë të vështirë. Princi ndërpreu detyrat e tij për të qenë aty për gruan dhe fëmijët e tyre.

Kate shpjegoi se udhëtimi kishte qenë “kompleks, i frikshëm dhe i paparashikueshëm”, i kishte lënë çiftit “perspektivë të re për gjithçka”.

Burimi: Who Magazine

Dua Lipa është ndër yjet britanikë që ka qenë e detyruar të largohet nga Los Angeles për shkak të zjarreve që kanë përfshirë zonat e Pacific Palisades dhe Hollywood Hills.

Këngëtarja shqiptaro-britanike, 29 vjeç, bashkë me artistë të tjerë si James Bourne nga grupi Busted, Mark Owen nga Take That dhe Liam ‘Gatsby’ Blackwell nga TOWIE, janë evakuuar ndërkohë që zjarret vazhdojnë të shkatërrojnë pjesë të mëdha të qytetit, shkruan DailyMail.

Bilanci tragjik i viktimave ka arritur në 10, ndërsa rreth 10,000 ndërtesa janë shkatërruar. Ndër të prekurit nga zjarret janë edhe emra të njohur si Paris Hilton, Denise Crosby dhe Milo Ventimiglia, të cilëve u janë djegur shtëpitë.

Dua Lipa, në një postim të fundit në Instagram, shprehu shqetësimin e saj për situatën, duke e përshkruar këtë periudhë si “ditë të frikshme”, por siguroi fansat se ajo është e sigurt dhe ka arritur të largohet nga qyteti.

“Absolutisht shkatërruese dhe të frikshme këto ditë në LA. Po mendoj për të gjithë miqtë dhe njerëzit që u detyruan të evakuohen nga shtëpitë e tyre”, shkroi Dua.

Demi Moore ka bërë një rikthim triumfues në Golden Globes, duke fituar çmimin për aktoren më të mirë për një rol që ka rigjallëruar karrierën e saj.

62-vjeçarja mbajti një fjalim të pasionuar teksa merrte çmimin e saj, duke i thënë audiencës se ishte “në një pikë të ulët” përpara se të merrte pjesë në The Substance.

Moore tha se çmimi ishte një festë e “dhuratës për të bërë diçka që dua dhe për t’u kujtuar se i përkas”.

Fituesit e tjerë të filmave përfshinin Emilia Pérez, The Brutalist dhe Wicked, ndërsa Baby Reindeer dhe Shōgun fituan çmimet e mëdha televizive. Golden Globes, ceremonia e parë e madhe e sezonit të çmimeve, konsiderohet si një tregues i fortë se kush do të fitojë në Oscar.

Një nga surprizat e mëdha të natës ishte aktorja braziliane Fernanda Torres që fitoi aktoren më të mirë të dramës për interpretimin e saj të jashtëzakonshëm në “I’m Still Here”, i cili rezultoi jashtë konkurrencës së aktorëve të Hollivudit Angelina Jolie dhe Nicole Kidman.

Ndryshe nga Oscars, Golden Globes ndanë shumicën e kategorive të tyre në dy, me një çmim për drama dhe një çmim të veçantë për muzikalë/komedi.

Moore fitoi aktoren më të mirë në një muzikal/komedi.

Nga muaji janar Radio Campus pasurohet me skemë të re programore. Nga e hëna në të premte do të keni mundësi të informoheni me lajmet aktuale dhe të argëtoheni nën ritmin e muzikës së zgjedhur shqipe.

Lajme nga arti, kultura dhe showbizi, në këtë format do të zbulohen ekskluzivitetet e po ashtu nuk do të mungojnë as intervistat e ditës me personalitete dhe personazhet më të njohura të fushave të ndryshme.

Pjesë e programit do të jenë dhe lidhjet telefonike që do të realizohen për tematikat e fundit nga bota e yjeve, ky projekt do të sjell energji të reja, rrëfime frymëzuese dhe biseda të thelluara me artistë e ekspertë nga fusha të ndryshme. Mbajeni në mend datën dhe bëhuni pjesë e këtij udhëtimi të veçantë në botën e artit dhe ekspertizës!

n’Ritëm– Vendi ku thuhen të pathënat, ky emision i cili do të jetë nën moderimin e Albina Zeneli vjen tek dëgjuesit e Radio Campus, nga ora 13:00 deri në ora 15:00.

Mos e humbisni promon në linkun e mëposhtëm. /UBT News/

https://fb.watch/wXl_ADLNE_/