Sport

Henry: Vinicius Jr anësori më i mirë në botë

Kjo sipas tij, pas transformimit të pabesueshëm të lojtarit brazilian në Real Madrid.

Published

4 years ago

April 13, 2023

UBT news

Thierry Henry e ka cilësuar si anësorin e Real Madridit, Vinicius Jr, si më të mirin në botë pas transformimit të pabesueshëm të lojtarit brazilian në Real Madrid.

Sulmuesi brazilian ishte vendimtar duke dhënë dy asistime në fitoren e “Los Blancos” ndaj Chelseat me rezultat 2-0 në ndeshjen e parë çerekfinale të Ligës së Kampionëve.

Gjatë emisionit “CBS Sports”, duke folur për brazilianin, legjenda franceze tha:

“Po. Për momentin, po. Por, mos të harrojmë që ka edhe një talent të madh te Arsenali, ai është Martinelli”.

Nën drejtimin e Carlo Ancelottit, Vinicius ka ndezur fuqishëm motorët dhe përfundoi në vendin e tetë në renditjen për Topin Artë 2022, falë 22 golave dhe 20 asistimeve të tij në 52 paraqitje duke përfshirë një gol. në finalen e Ligës së Kampionëve.

Vendi

Akil Gjakova mbyll garën pa medalje në Abu Dhabi

Published

2 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

4 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/