Sport

Henry parashikon fituesin e derbit Bayern-PSG

“Po flasim për PSG-në, me Kylian që është kthyer. Kjo më mjafton”, tha ai.

Published

4 years ago

March 8, 2023

UBT news

Thierry Henry është i bindur se Paris Saint-Germain do të kalojë në çerekfinale të Ligës së Kampionëve duke e eliminuar gjigantin bavarez Bayern Mynich, edhe pse këta të fundit kanë avantazhin e një goli nga ndeshja e parë të cilën e fituan me rezultat 1-0.

Golashënuesi i dytë më i mirë në historinë e Francës me 51 gola merr shkas nga prania e Kylian Mbappé në radhët e parizienëve, ndryshe nga ndeshja e parë, dhe sistemi taktik i vendosur nga trajneri Christophe Galtier.

“Nëse më pyetni mua, unë thjesht dua të shoh se si do të vendoset Bayerni taktikisht, si do ta ndalojë njeriun e madh. Sepse ky 5-3-2 i PSG-së nuk është aspak i keq, kur ata luajnë kështu. Kjo është gjithçka që dua të shoh”, tha Henry.

“Po flasim për PSG-në, me Kylian që është kthyer. Kjo më mjafton. U dëmtua në ndeshjen e parë, u fut dhe bëri diferencën. Sot Kylian do të bëjë diferencën”, tha në fund ai.

Ndeshja ndërmjet Bayernit dhe PSG-së fillon nga ora 21:00.

Related Topics:Paris Saint-Germain Thierry Henry

Up Next

Mbappe: Për momentin po e mendoj vetëm PSG-në

Don't Miss

Lajm fantastik për Arsenalin, Jesus rikthehet në stërvitje

Vendi

Akil Gjakova mbyll garën pa medalje në Abu Dhabi

Published

3 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

3 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

5 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/