Lajmet

Haziri: Asnjëherë s’më ishte komunikuar se Agon Musliu kishte probleme shëndetësore

Published

6 years ago

on

Kryetari i Gjilanit, Lutfi Haziri po raporton në Komisionin Hetimor Parlamentar për rastin e të ndjerit Agon Musliu, i cili vdiq në karantinë në Qendrën e Studentëve.

Haziri theksoi se në fund të muajit prill e ka kontaktuar babai i të ndjerit Musliu, i cili i ka kërkuar kryetarit të Gjilanit të angazhohet për kthimin e djalit të tij.

“Në fund të muajit prill më ka kontaktuar drejtpërdrejt babai i tij dhe më vonë edhe me telefon, duke më njoftuar lidhur me rastin e djalit të tij, i cili ka qenë në Gjermani. Ai ka kërkuar të angazhohem në kthimin e djalit të tij, meqë ka mbetur totalisht i mbyllur në banesë. E kam telefonuar amabsadorin e Kosovës në Gjermani, Beqë Cufaj, për ta njoftuar me kërkesën e babait të Agonit, që të mundësohet riatdhesimi i tij. Më 1 maj prapë më ka telefonuar zoti Naim Musliu, dhe ka kërkuar qe t’i mundësohet të shkojë në aeroportin “Adem Jashari”, ta marrë djalin e tj. Qendra Operative e Gjilanit i ka shkruar letër zyrtare Qendrës Operative të Ministrisë së Punëve të Brendshme, e cila ka kthyer pergjigje se i jepet leja të shkojë në aeroport. Ai prapë ka kërkuar që të bëhet kërkesë në Qendrën Operative të Ministrisë së Punëve të Brendshme, sepse djali i tij nuk ndjehej mirë.”, deklaroi Haziri mes tjerash.

Kryetari i Gjilanit potencoi se Qendra Operative e Gjilanit ka reaguar menjëherë me kërkesë zyrtare ndaj Qendrës Operative të MPB-së, për të dërguar një psikiatër tek i ndjeri.

“Kërkoj nga organet e drejtësisë të zbardhet kjo njollë e zezë”, përfundoi Haziri.

I pyetur se a i është komunikuar ndonjëherë se i ndjeri Agon Musliu mund të ketë probleme të shëndetit mendor.

“Asnjë problem shëndetësor nuk është paraqitur tek unë, dhe si i tillë nuk kam mundur ta prezantojë në asnjë rast. Te unë është kërkuar vetëm riatdhesimi për shkak të izolimit dhe mbetjes si i vetëm në Gjermani. Sa i përket kritereve, Ministria e Punëve të Jashtme e ka listën me kritere. Na është thënë se edhe studentët janë në mesin e atyre me prioritet për tu kthyer në vend, dhe këtu ka përfunduar komunikimi jem me ambasadorin. Për mua ka qenë përtej se falënderuese angazhimi i ambasadës për kthimin e tij në Kosovë. Në anën tjetër problemet shëndetësore të Agonit, asnjëherë s’janë përmendur në raportin e prindit me mua.”, tha Haziri./UBTNews

Related Topics:
Continue Reading

Vendi

Accident tragjik në Vragoli: Humb jetën këmbësori, lëndohen dy të tjerë

Published

22 minutes ago

on

July 24, 2026

By

Një person ka humbur jetën dhe dy të tjerë kanë mbetur të lënduar si pasojë e një aksidenti të rëndë trafiku që ka ndodhur në orët e para të mëngjesit të sotëm në rrugën nacionale Prishtinë–Pejë, përkatësisht në fshatin Vragoli.

Siç raporton Ekonomia Online, ngjarja ka ndodhur rreth orës 03:00, kur një veturë ka goditur për morto një këmbësor.

Rastin e ka konfirmuar zëdhënësja e Policisë së Kosovës, Luljeta Mehmeti, e cila bëri të ditur se në vendngjarje kanë dalë menjëherë njësitë relevante dhe ekipe mjekësore, të cilat kanë konfirmuar vdekjen e viktimës.

“Si pasojë e aksidentit, lëndime po ashtu kanë marrë i dyshuari, vozitësi i veturës, si dhe një pasagjer”, ka deklaruar Mehmeti.

Lidhur me rastin është njoftuar prokurori kompetent, me urdhër të të cilit trupi i pajetë i viktimës është dërguar në Institutin e Mjekësisë Ligjore për obduksion. Ndërkohë, njësitet policore kanë nisur hetimet për zbardhjen e plotë të rrethanave të këtij aksidenti tragjik. /Ekonomia online/

Continue Reading

Lajmet

Koncert i veçantë i Yll Limanit në Prishtina Mall, sonte dhe nesër

Published

22 minutes ago

on

July 24, 2026

By

Prishtina bëhet sonte dhe nesër epiqendra e muzikës dhe argëtimit, pasi në Prishtina Mall mbahet koncerti i shumëpritur i këngëtarit Yll Limani.

Dy net me radhë, publiku do të ketë mundësinë të shijojë performancat e një prej artistëve më të dashur të skenës shqiptare, me këngët e tij më të njohura dhe atmosferë të veçantë muzikore.

Koncerti pritet të mbledhë një numër të madh fansash nga Kosova dhe më gjerë, ndërsa organizatorët kanë marrë masa të veçanta për menaxhimin e qarkullimit dhe lehtësimin e trafikut për shkak të fluksit të madh të vizitorëve.

Për pjesëmarrësit janë organizuar edhe autobusë falas të Trafikut Urban, me nisje nga Prishtina drejt Prishtina Mall dhe anasjelltas.

Të gjithë adhuruesit e muzikës ftohen të bëhen pjesë e këtyre dy mbrëmjeve festive, ku Yll Limani pritet të sjellë hitet e tij dhe një atmosferë të paharrueshme në zemër të Prishtinës./A.K/

Continue Reading

Lajmet

Njoftim për qytetarët: Masa të veçanta të trafikut për koncertin e Yll Limanit në Prishtina Mall

Published

24 minutes ago

on

July 24, 2026

By

Ju njoftojmë se, më datat 24 dhe 25 korrik 2026, për shkak të koncertit të paralajmëruar të Yll Limanit në Prishtina Mall, nga ora 16:00 deri në përfundim të aktivitetit, do të zbatohen masa të veçanta për menaxhimin e trafikut.

Me qëllim të lehtësimit të qarkullimit dhe shmangies së ngarkesave në trafik:

• Qytetarët që udhëtojnë në relacionin Prishtinë – Shkup dhe anasjelltas, gjatë kësaj periudhe luten të përdorin Autostradën “Arbën Xhaferi”, për të shmangur vonesat dhe ngarkesën në trafik.

• Për vizitorët e koncertit janë organizuar autobusë falas të Trafikut Urban, me nisje nga Prishtina drejt Prishtina Mall dhe anasjelltas.

• Për automjetet që lëvizin nga Prishtina në drejtim të Prishtina Mall, pas rrethit të Marigonës do të vendosen kona në shiritin e majtë të qarkullimit, i cili do të rezervohet për vizitorët e koncertit.

• Për automjetet që vijnë nga Ferizaj në drejtim të Prishtina Mall, do të vendosen kona në shiritin e djathtë, ndërsa hyrja për vizitorët do të realizohet përmes rrugicës në të djathtë, para se të arrihet te rrethi i Prishtina Mall.

Kërkohet mirëkuptimi dhe bashkëpunimi i të gjithë qytetarëve, si dhe respektimi i udhëzimeve të zyrtarëve policorë dhe sinjalizimit të përkohshëm rrugor, me qëllim të garantimit të sigurisë dhe mbarëvajtjes së trafikut gjatë koncertit të Yll Limanit./A.K/

Continue Reading

Vendi

Rriten çmimet e derivateve në Kosovë: Nafta arrin nivelin më të lartë që nga muaji maj

Published

29 minutes ago

on

July 24, 2026

By

Çmimi i naftës në Kosovë ka arritur nivelin më të lartë që nga fillimi i majit.

Sipas njoftimit të fundit nga Ministria e Industrisë, Ndërmarrësisë, Tregtisë dhe Inovacionit (MINT), të premten një litër naftë tregtohet me 1.69 euro, një litër benzinë me 1.50 euro, ndërsa gazi me 0.60 euro për litër.

Kjo shënon vlerën më të lartë të naftës që nga 5 maji, kur një litër kushtonte 1.67 euro. Në atë periudhë, benzina tregtohej me 1.52 euro/litër, ndërsa gazi me 0.81 euro/litër.

Rritja e çmimeve lidhet drejtpërdrejt me zhvillimet gjeopolitike ndërkombëtare. Prej muajit maj e deri javën e kaluar, në fuqi ishte një armëpushim i ndërmjetësuar nga Shtetet e Bashkuara të Amerikës me Iranin, i cili mbajti stabilizimin e çmimeve të naftës në bursë.

Mirëpo, rikthimi i sulmeve ditët e fundit dhe ri-mbyllja e Ngushticës së Hormuzit — pikë strategjike përmes së cilës kalon rreth 20 për qind e furnizimit global me naftë — ka nxitur menjëherë ngritjen e çmimeve në tregjet ndërkombëtare, efekt që po reflektohet edhe në tregun vendor.

Continue Reading

Të kërkuara