Lajmet

Haziri për mundësinë e përfshirjes së PDK në Qeverinë Hoti, Haradinajn president dhe anashkalimin nga LDK

Published

on

Nënkryetari i LDK-së, Lutfi Haziri, deklaroi se nuk është e domosdoshme që PDK të bëhet pjesë e Qeverisë Hoti për të krijuar stabilitet politik, stabilitet që ai e pranon se i mungon ekzekutivit aktual e cila nuk i jep as siguri në punë.Në “Debat Plus” në RTV Dukagjini, Haziri tha se LDK nuk i ka dërguar as ftesa dhe nuk ka zhvilluar asnjë takim me PDK për ta bërë pjesë të qeverisë aktuale.“S’kemi, as takime, as ftesa, as komunikime për formulë të re qeverisëse.

Pritjet janë të ndërtohet një qeverisje me stabilitet, për mua jo domosdoshmërish duhesh me qenë në qeveri për të krijuar stabilitet. Tek e fundit, stabiliteti politik është përgjegjësi e të gjitha partive”, deklaroi Haziri.

I pyetur nëse është anashkaluar nga LDK gjatë proceseve të fundit në lidhje me zgjedhjen e kryeministrit dhe koordinatorit për dialog, Haziri tha se është i përqendruar në detyrën e tij si kryetar i Gjilanit dhe se kontributin tij si nënkryetar i partisë e ka dhënë gjatë zgjedhjeve të brendshme dhe në kandidaturën e Vjosa Osmanit për kryeministre.Po ashtu, Lutfi Haziri është pyetur nëse do të pranonin një president të propozuar nga PDK, por kreu i Gjilanit deklaroi se “Një president të pranuar për të gjithë nuk kemi pse të refuzojmë”.Në lidhje me kandidaturën e Ramush Haradinajt për postin e presidentit, Haziri u shpreh se “AAK ka bërë një hap përpara të gjithë në lidhje me këtë çështje dhe se kjo mbetet e hapur dhe nëse Haradinaj dikur ka qenë një kryeministër i pranueshëm për LDK do të thotë se mbetet një partner i qëndrueshëm politik”.

Lajmet

Sulmohet një person zyrtar në Prizren, i dyshuari dërgohet në mbajtje

Published

on

Një rast i sulmit ndaj personit zyrtar është raportuar në Prizren, ku një person është arrestuar nga Policia e Kosovës.

Sipas raportit të fundit të Policisë, ngjarja ka ndodhur më 26 prill 2026 rreth orës 10:10 në fshatin Nashec, ku i dyshuari mashkull kosovar dyshohet se ka sulmuar fizikisht një person zyrtar teksa ai ishte duke ushtruar detyrën e tij.

Me vendim të prokurorit, i dyshuari është dërguar në mbajtje, ndërsa rasti po trajtohet nga organet kompetente.

Continue Reading

Lajmet

Të shtëna me armë dhe armëmbajtje pa leje, dy raste të raportuara në Kaçanik dhe Mitrovicë

Published

on

Dy raste që lidhen me përdorimin dhe posedimin e armëve janë raportuar në Kaçanik dhe Mitrovicë, ku janë përfshirë persona të dyshuar meshkuj kosovarë.

Në fshatin Bajnic të Kaçanikut, më 26 prill, policia ka arrestuar një të dyshuar pasi dyshohet se nga vetura kishte shtënë në ajër me armë zjarri. Në vendin e ngjarjes janë gjetur dhe sekuestruar disa gëzhoja, ndërsa nga i dyshuari është konfiskuar një armë e tipit AK-47 me 35 fishekë. Sipas raportit të fundit të Policisë së Kosovës, me vendim të prokurorit i dyshuari është liruar në procedurë të rregullt.

Ndërkohë, një rast tjetër është shënuar në fshatin Vidimriq të Mitrovicës së Jugut, ,ku gjatë kontrollit të një veture është gjetur dhe sekuestruar një pushkë ajrore me 15 diabolla. Edhe në këtë rast, i dyshuari është arrestuar, por më pas është liruar me vendim të prokurorit, ndërsa rasti vazhdon në procedurë të rregullt.

 

Continue Reading

Lajmet

Kuvendi nderon akademikun Rexhep Qosja, familja kërkon privatësi dhe refuzon ceremonitë zyrtare

Published

on

By

Kuvendi i Kosovës ka mbajtur një seancë të veçantë duke nderuar me një minutë heshtje figurën e akademikut, shkrimtarit dhe kritikut të shquar letrar, Rexhep Qosja, i cili u nda nga jeta në moshën 90-vjeçare.

Ndonëse shteti i Kosovës e shpalli 24 prillin ditë zie kombëtare në nderim të kontributit të tij kolosal, përcjellja e fundit e akademikut është bërë në rreth të ngushtë.

Nipi i të ndjerit, Valjet Rexhepi, njoftoi se me dëshirën e vetë Qosjes, varrimi është kryer të enjten përmes një ceremonie private familjare.

Për më tepër, familja ka bërë të ditur se nuk do të organizojë pritje për ngushëllime dhe nuk do të marrë pjesë në asnjë organizim institucional, duke kërkuar publikisht që t’u respektohet privatësia për të mbajtur zi në qetësi.

Continue Reading

Lajmet

Hapet zyra e Ministrisë së Bujqësisë në Mitrovicën e Veriut; Kurti: Diskriminimit i erdhi fundi

Published

on

By

Të hënën është hapur zyrtarisht në Mitrovicën e Veriut zyra e Ministrisë për Bujqësi, Pylltari dhe Zhvillim Rural, në një ceremoni ku morën pjesë kryeministri Albin Kurti dhe ministrat Peci, Sveçla e Krasniqi.

Gjatë kësaj ngjarjeje, vëmendja e mediave u përqendrua te mungesa e kryetarit të Mitrovicës së Veriut, për të cilin Kurti u shpreh se institucionet duhet të fokusohen më shumë te qytetarët e thjeshtë sesa te shtresa e lartë e zyrtarëve, duke sugjeruar që mediat të mos shqetësohen për figurat politike.

Kryeministri theksoi se hapja e kësaj zyre simbolizon fundin e diskriminimit dhe ofrimin e shërbimeve gjithëpërfshirëse për të gjithë, duke falënderuar kontribuuesit që mundësuan shtrirjen e këtyre funksioneve administrative në veri të vendit.

Continue Reading

Të kërkuara