Sport

Hazardi luante Mario në zhveshtore, pesë minuta para ndeshjeve të mëdha

Published

6 years ago

February 22, 2021

Betim Gashi

Eden Hazard i zotëron aftësitë natyrale të Lionel Messit por i mungon ambicia për t’i bërë më i miri në botë, thotë Filipe Luis.

Ish-mbrojtësi i Chelseat Luis zbulon se sulmuesi belg luante lojën “Mario Kart” pesë minutave para një ndeshjeje të madhe, transmeton Gazeta Express.

Luis beson se Hazardi është shumë i shkujdesur dhe thotë se 30-vjeçarit – i cili po përballet me lëndime të shumta tani në Real Madrid – i nevojitet pasion më i madh për të qenë përkrah elitës globale.

“Eden, bashkë me Neymarin, janë dy lojtarët më të mirë me të cilët kam luajtur – baras me Messin”, tha Luis, i cili ka luajtur përkrah Hazardit në Chelsea.

“Ai nuk stërviste mirë, pesë minutat para ndeshjes luante Mario Kart në zhveshtore. Ai i bënte ngrohjet pa i lidhur tojat e këpucëve. Por askush nuk mund t’ia merrte topin. Ai i driblonte tre apo katër lojtarë dhe i fitonte ndeshjet i vetëm”, shtoi ai.

“Hazardi ka shumë talent. Atij mbase i mungon pak ambicie për të thënë: ‘Unë do të bëhem lojtari më i mirë në botë’. Sepse ai mund të bëhet”, nënvizoi ai.

Up Next

Real Madridi pa Benzeman dhe 8 lojtarë të tjerë kundër Atalantës në Champions

Don't Miss

Juventus dhe Bayern Munich në garë për De Gean

Sport

KV Ulpiana triumfon ndaj KV Forcës

Published

10 hours ago

October 14, 2026

UBTNews

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

11 hours ago

October 14, 2026

UBTNews

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Sport

Baton Zabërgja në formacionin më të mirë të javës në Ukrainë

Published

15 hours ago

October 14, 2026

UBTNews

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Sport

Albian Hajdari pëson një tjetër lëndim, jashtë fushës për disa javë

Published

16 hours ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L