Lajmet

Haxhiu skeptike për ekstradimin e shqiptarëve të arrestuar nga Serbia

Published

2 years ago

on

Ministrja e Drejtësisë, Albulena Haxhiu, ka thënë se i ka kërkuar përmes një letre javën e kaluar homologes së vet serbe transferimin e shtetasve të Kosovës, të cilët po mbahen në paraburgime në Serbi. Sfidë për Republikën e Kosovës e konsideron mosbashkëpunimin juridik me shtetin serb.

Haxhiu ka thënë se këtë çështje e ka ngritur edhe me partnerët ndërkombëtarët, pasi konsiderojnë që është e qëllimshme, politike dhe e padrejtë.

“Ju e dini që në vazhdimësi e kam përmendur sfidën që Republika e Kosovës ka në kuptim të bashkëpunimit juridik ndërkombëtar në këtë rast të bashkëpunimit juridik me Serbinë sepse Serbia është ajo e cila i mban kriminelët e luftës në territorin e saj e po ashtu kriminelët të cilët kryejnë krime në kohë të paqes. Në këtë drejtim në vazhdimësi është sfidë bashkëpunimi juridik me Serbinë, por duke qenë që ka qindra raste që padrejtësisht arrestohen në Serbi të qytetarëve tanë pra qytetarëve shqiptarë të cilët për nevojat e tyre kalojnë kufirin andej kinse mbi pretendimet për krime të luftës por edhe për vepra të tjera, ne kemi ngritur këtë çështje edhe me partnerët tanë sepse konsiderojmë që është e qëllimshme, është politike dhe është e padrejtë”, ka thënë Haxhiu.

Ajo u shpreh se nga lista që kanë marrë nga shteti serb, ka parë që shqiptarët janë arrestuar me pretendime për krime lufte. Andaj, kanë kërkuar të njëjtit të transferohen në Kosovë dhe të ballafaqohen me sistemin e drejtësisë.

“Megjithatë kur kemi pranuar listën të qytetarëve tanë të cilët arrestohen padrejtësisht atje ne kemi parë që disa prej tyre janë mbi pretendimet për krimet e luftës. Në këtë drejtim duke pasur parasysh sfidën që në vazhdimësi e kemi për bashkëpunimin juridik, për transferim të rasteve për ekstradim, ne kemi vlerësuar që është e rëndësishme që t’i drejtohemi Ministres së Drejtësisë së Serbisë, me qëllim që ata qytetarë tanë të transferohen në Republikën e Kosovës dhe të ballafaqohen me sistemin tonë të drejtësisë mbi pretendimet të cilët ata i konsiderojnë. Këtë letër e kam dërguar fundjavën e kaluar, ne ende nuk kemi marrë përgjigje nuk mund të them që do të kemi apo jo përgjigje por duke pasur parasysh që në vazhdimësi ka pasur refuzim për bashkëpunim juridik dhe duke pasur parasysh që Serbia nuk i dorëzon në Kosovë as kriminelët që kanë kryer krime lufte në Kosovë dhe të ballafaqohen me sistemin tonë të drejtësisë mbi pretendimet të cilët ata i konsiderojnë”, u shpreh Haxhiu, teksa ka thënë se ende nuk ka pranuar përgjigje pozitive e as negative.

Haxhiu ka thënë se Serbia nuk i ekstradon as terroristët e sulmit të 24 shtatorit në Banjskë.

“Këtë letër e kam dërguar fundjavën e kaluar, ne ende nuk kemi marrë përgjigje nuk mund të them që do të kemi apo jo përgjigje por duke pasur parasysh që në vazhdimësi ka pasur refuzim për bashkëpunim juridik dhe duke pasur parasysh që Serbia nuk i dorëzon në Kosovë as kriminelët që kanë kryer krime lufte në Kosovë pra kriminelët serb që kanë kryer krime lufte në Kosovë në kohë të luftës dhe nuk i dorëzon as kriminelët apo terroristët që kanë kryer sulme terroriste, referuar sulmit terrorist në Banjskë. Natyrisht që është goxha e vështirë që mund të kemi përgjigje apo jo, por megjithatë në momentin që ne do të kemi sinjale për këtë çështje ne do të ju njoftojmë, ne kemi njoftuar edhe dje në Bruksel përmes zëvendëskryeministrit dhe përfaqësueseve tanë atje për letrën që kemi dërguar dhe në vazhdimësi por edhe dje kemi bërë thirrje që Serbia ti përgjigjet pozitivisht kësaj letre dhe kësaj kërkese sikurse edhe në prej garancioneve që kryeministri Kurti e ka adresuar në procesin e dialogut në takimin që kishte është që Serbia të dorëzoj kryeterroristin  Milan Radojiçiq dhe bandën e tij terroriste”, u shpreh tutje Haxhiu.

“Sipas legjislacionit në fuqi kjo tashmë nuk është e rregulluar pra nuk ka një ligj që qeverisë së Republikës së Kosovës i jep të drejtën që të mbështes financiarisht mbrojtësit e personave të cilët mbahen në burgjet e Serbisë. Ne kemi pasur kërkesa nga familjarët e këtyre personave si Ministri e Drejtësisë po e trajtojmë por nuk mund të them me siguri se cili do të jetë vendimi i qeverisë së Republikës së Kosovës apo në këtë rast Ministrisë së Drejtësisë duke pasur parasysh mungesën e bazës ligjore për njoftimin tuaj në secilën prej kërkesave që na vijnë në këtë drejtim ndërlidhen me fondin apo buxhetin dhe mbështetjen financiare që MD-ja jep për personat që po mbahen në Hagë”, u shpreh tutje Haxhiu.

Related Topics:
Continue Reading

Lajmet

Përfundon rregullimi i rrugës “Gjergj Balsha” në Prishtinë

Published

3 minutes ago

on

September 9, 2026

By

Kryetari i Komunës së Prishtinës, Përparim Rama, ka njoftuar se ka përfunduar projekti për rregullimin e rrugës “Gjergj Balsha” në kryeqytet.

Sipas Ramës, përfundimi i punimeve në këtë rrugë synon përmirësimin e infrastrukturës dhe lehtësimin e qarkullimit për banorët dhe qytetarët që e përdorin këtë aks rrugor.

“Mirëmëngjes nga rruga Gjergj Balsha”, ka shkruar Rama.

Investimet në infrastrukturën rrugore në Prishtinë po vazhdojnë me synimin për krijimin e kushteve më të mira për qytetarët./A.K/

Continue Reading

Lajmet

Sot vazhdon seanca konstituive e Kuvendit

Published

4 minutes ago

on

September 9, 2026

By

Seanca konstituive e Kuvendit të Kosovës do të vazhdojë sot, më 9 shtator, ndërkaq në rend dite janë zgjedhja e kryetarit të Kuvendit dhe nënkryetarëve.

Seanca do t’i vazhdojë punimet nga ora 11:00.

Seanca konstituive e Legjislaturës XI nisi më 6 gusht 2026, por nuk u përmbyll.

Deputetët ka dhënë betimin, ndërsa procesi mbeti pa përfunduar pasi Lëvizja Vetëvendosje, si partia që ka fituar zgjedhjet nuk prezantoi kandidatin për kryeparlamentar./A.K/

Continue Reading

Lajmet

Moti sot: Temperaturat deri në 32°C, ditë kryesisht me diell

Published

6 minutes ago

on

September 9, 2026

By

Sot në Kosovë pritet mot kryesisht me diell dhe i ngrohtë. Në Prishtinë, temperaturat do të lëvizin nga 15°C në mëngjes deri në rreth 32°C gjatë ditës, ndërsa mundësia për reshje mbetet e ulët.

Ditët në vijim pritet të mbeten të ngrohta, ndërsa gjatë fundjavës parashikohet ndryshim i motit, me vranësira dhe mundësi për reshje e bubullima./A.K/

Continue Reading

Lajmet

United Hospital sjell ekspertizën e avancuar në ERCP – diagnostikim dhe trajtim modern për sëmundjet biliare dhe pankreatike

Published

14 hours ago

on

September 8, 2026

By

Prishtinë – Në fushën e gastroenterologjisë dhe endoskopisë moderne, United Hospital ofron procedurën ERCP (Endoscopic Retrograde Cholangiopancreatography), një teknikë e specializuar që mundëson vlerësimin dhe trajtimin e problemeve të rrugëve biliare dhe pankreasit, në raste të përzgjedhura klinikisht.

Në United Hospital, teknologjia moderne endoskopike dhe përvoja e specialistëve bashkohen për t’u ofruar pacientëve një qasje bashkëkohore ndaj patologjive komplekse të sistemit biliar dhe pankreatik. ERCP përdoret kryesisht në raste të gurëve në rrugët biliare, ngushtimeve të kanaleve biliare ose pankreatike, kolangitit, disa komplikimeve pankreatike, tumoreve të rrugëve biliare apo pankreasit dhe rrjedhjeve biliare pas ndërhyrjeve kirurgjikale.

Sëmundjet e rrugëve biliare dhe pankreasit kërkojnë diagnostikim të saktë, vlerësim të specializuar dhe ndërhyrje të realizuar me precizion të lartë. Në këtë dimension të mjekësisë moderne, ERCP (Endoscopic Retrograde Cholangiopancreatography) përfaqëson një procedurë të avancuar të endoskopisë terapeutike, e cila u mundëson specialistëve të identifikojnë dhe trajtojnë një sërë patologjish komplekse të sistemit biliar dhe pankreatik.

Në United Hospital, kjo fushë e gastroenterologjisë ndërthur ekspertizën e mjekëve specialistë, teknologjinë bashkëkohore endoskopike dhe qasjen multidisiplinare ndaj pacientit, duke krijuar kushte për trajtim të personalizuar dhe të orientuar drejt sigurisë. ERCP ka një rol veçanërisht të rëndësishëm në trajtimin e obstruksioneve të rrugëve biliare, gurëve të kanalit biliar, strikturave, rrjedhjeve biliare dhe patologjive të tjera që kërkojnë ndërhyrje terapeutike të drejtpërdrejtë.

Në duart e një ekipi të specializuar, teknologjia nuk është vetëm mjet diagnostikues – ajo shndërrohet në mundësi për ndërhyrje precize, minimalisht invazive dhe të përshtatur me nevojat konkrete të pacientit. Kjo është qasja që synon të ofrojë United Hospital në kujdesin modern gastroenterologjik dhe endoskopik.

Një nga karakteristikat kryesore të ERCP është mundësia që, krahas vlerësimit endoskopik dhe imazherik, të kryhen edhe ndërhyrje terapeutike në të njëjtën procedurë, kur kjo është e indikuar. Në varësi të gjendjes së pacientit, mund të realizohen procedura si heqja e gurëve nga kanalet biliare ose vendosja e stentëve për të përmirësuar drenimin e tyre.

Teknologji moderne, ndërhyrje e specializuar dhe kujdes profesional
Në United Hospital, ERCP zhvillohet në një mjedis të pajisur për procedura të avancuara endoskopike, me synim sigurinë, saktësinë dhe kujdesin ndaj pacientit. Duke qenë procedurë e specializuar dhe me rreziqe të mundshme, indikacioni përcaktohet individualisht nga mjeku specialist pas vlerësimit të plotë klinik.

Për pacientët e përzgjedhur, kjo qasje minimalisht invazive mund të shmangë nevojën për disa ndërhyrje kirurgjikale më të mëdha dhe të mundësojë rikthim më të shpejtë në aktivitetet e përditshme.

United Hospital – aty ku teknologjia moderne, ekspertiza mjekësore dhe kujdesi profesional ndërthuren për një qasje bashkëkohore ndaj shëndetit tuaj digjestiv.

📞 Caktoni terminin: 046 60 70 70
📍 United Hospital, M2 Prishtinë–Ferizaj, Km 7, Prishtinë, Kosovë/rajonipress/

Continue Reading

Të kërkuara