Lajmet

Haxhiu paralajmëron KPK-në dhe KGjK-në: S’ka mbështetje nëse i mbyllni sytë para skandaleve

Published

4 years ago

on

Ministrja e Drejtësisë, Albulena Haxhiu ka thënë se ende nuk kanë vendosur se cilin skenar do ta përdorin për vetingun në drejtësi. Ajo tha se e kanë mundësinë për ndryshime kushtetuese, por do të punojnë edhe për ndryshimet ligjore, si alternativa tjetër nëse ka ngecje për të parën. Sipas saj, ditëve në vijim do ta qartësojnë pozicionin e tyre.

Në konferencën për medie, pas mbledhjes së qeverisë, Haxhiu paralajmëroi edhe Këshillin Gjyqësor dhe Këshillin Prokurorial të Kosovës se nuk do ta kenë mbështetjen e Ministrisë së Drejtësisë në rast se nuk punojnë bashkërisht për të kthyer besimin e qytetarëve në institucionet e drejtësisë.

“Sa i përket skenarëve është çështja se a do të shkojmë me ndryshime kushtetuese, duke pas parasysh se nene të kushtetutës lidhen me përbërjen e KGJK-së, ndërsa me KPK lihet me ligj sa i përket përbërjes. Megjithatë ende nuk kemi vendosur për cilin skenar do të ndjekim, pro nëse shkojmë me ndryshime kushtetuese do të kemi edhe planin b, në mënyrë se nëse dështojnë ndryshimet kushtetuese në Kuvend, të shkojmë përmes ndryshimeve ligjore”, tha ajo.

Sipas saj, relacionet ndërmjet ministrisë që udhëheq me dy institucionet tjera të pavarura të drejtësisë do të jenë të mira në momentin kur duan të bëjnë punë të tilla.

“Relacionet ndërmjet Ministrisë së Drejtësisë dhe Këshillit Prokurorial dhe anën tjetër Këshillit Gjyqësor do të jenë të mira në momentin kur duam të bëjmë punë të mira. Unë nuk mund t’i mbështetës as KPK-në dhe as KGJK-në nëse ata iu mbyllin sytë përballë shkeljeve dhe skandaleve me të cilat jemi përballë gjatë kësaj jave dhe ditëve të fundit. Në momentin kur nuk ka reagime nga skandalet e incizimeve që u publikuan, padyshim se do të kritikohen nga Ministria e Drejtësisë. Pasi ne jemi zotuar se do të kthejmë besimin e qytetarëve në institucionet e drejtësisë…Paralajmëroj KPK-në dhe KGJK-në se ata nuk do të kenë mbështetjen e Ministrisë së Drejtësisë në rast se nuk duan të punojmë bashkërisht për të kthyer besimin e qytetarëve në institucionet e drejtësisë”, u shpreh Haxhiu.

Pjesë e kësaj konference ishte edhe ministri i Financave, Punës dhe Transfereve, Hekuran Murati i cili sqaroi masat e miratuara për ringjallje ekonomike. Ai tha se me vendimin për mbështetje të pensionistëve dhe familjeve për skema sociale, asnjë pensionist nuk do të mbetet nën shumën 100 euro.

Ndërsa për mbulimin e policës kufitare, Murati tha se ajo është një simbolik për mërgimtarët se shteti iu largon gjitha barrierat për të ardhur në vendlindje.

“Skemat e asistencës sociale kanë shtesa prej 30 përqind mbi nivelin e të hyrave që marrin, kurse pensionistët asnjë nuk mbeten nën shumën 100 euro. Ky subvencionim e heq një barrë, apo lehtëson mërgatën tonë, jo domosdo nga aspekti ndërkombëtar, por është një shenj simbolike për të treguar se janë të mirëseardhur në vendin e tyre dhe se shteti i largon barrierat që për ta janë të panevojshme”, deklaroi Murati.

Related Topics:
Continue Reading

Lajmet

KQZ hap periudhën për ndërrimin e Qendrës së Votimit për zgjedhjet lokale

Published

2 days ago

on

June 28, 2025

By

Komisioni Qendror i Zgjedhjeve (KQZ) ka njoftuar se më 28 qershor ka nisur periudha për ndërrimin e Qendrës së Votimit brenda komunës për Zgjedhjet Lokale, e cila do të zgjasë deri më 29 gusht 2025.

Gjatë kësaj periudhe 63-ditore, të gjithë qytetarët me të drejtë vote kanë mundësi të kontrollojnë qendrën e tyre aktuale të votimit dhe, nëse dëshirojnë, të kërkojnë ndërrimin e saj, duke zgjedhur një lokacion më të afërt me vendbanimin e tyre brenda të njëjtës komunë.

Ndërrimi i Qendrës së Votimit mund të bëhet në dy mënyra:

  • përmes platformës elektronike të KQZ-së në https://qv.kqz-ks.org

  • ose duke paraqitur kërkesën në Komisionin Komunal të Zgjedhjeve të komunës ku është i regjistruar votuesi.

Continue Reading

Lajmet

Serbët festojnë Vidovdanin mes masave të shtuara të Policisë së Kosovës

Published

2 days ago

on

June 28, 2025

By

Grupe serbësh janë drejtuar për në Graçanicë për të nisur festimet e atij që njihet si Vidovdan.  Festimet nisën në mëngjes në Manastirin e Graçanicës dhe po vazhdojnë në Gazimestan, ku janë paralajmëruar edhe ardhje të tjera gjatë ditës.

Për të siguruar mbarëvajtjen e aktivitetit, Policia e Kosovës ka ndërmarrë masa të rrepta sigurie. Në hyrje të Gazimestanit, po zhvillohen kontrolle për të gjithë të pranishmit, ndërkohë që njësi të shumta policore janë të vendosura në terren, bashkë me forcat e KFOR-it.

Policia ka njoftuar se masat planifikuese dhe operative janë ndërmarrë për ruajtjen e rendit publik, menaxhimin e trafikut dhe sigurinë kufitare. PK ka apeluar për një manifestim të qetë, duke kërkuar nga qytetarët të shmangin provokimet dhe të respektojnë ligjet dhe udhëzimet e organeve të sigurisë.

Në fillim të këtij muaji, Gjykata Themelore në Prishtinë anuloi vendimin e mëparshëm të komunës së Graçanicës që lejonte shfaqjen e flamurit serb për këtë rast, duke vlerësuar se një veprim i tillë ishte në kundërshtim me legjislacionin në fuqi, pasi Vidovdani nuk është festë zyrtare në Kosovë.

Vidovdani lidhet me Betejën e Kosovës të vitit 1389, ku princi serb Lazar humbi jetën. Në diskursin historik serb, kjo betejë përshkruhet si një humbje ushtarake por një fitore shpirtërore.

Gazimestani është gjithashtu një vend me ngarkesë historike dhe politike, pasi aty presidenti i atëhershëm i Serbisë, Slobodan Millosheviq, mbajti një fjalim të njohur në vitin 1989, i cili shpesh shihet si paralajmërim i konflikteve që pasuan në Ballkan.

Continue Reading

Lajmet

​PDK me kërkesë të qartë, zhbllokimi i Kuvendit sipas Kushtetueses

Published

2 days ago

on

June 28, 2025

By

Deputeti i Partisë Demokratike të Kosovës, Përparim Gruda tha se në takimin e sotëm të partive politike me kryeministrin në detyrë, Albin Kurti do të diskutohet dalja nga situata e krijuar në Kuvendin e Kosovës.

Gruda tha se kryetari i PDK-së, Memli Krasniqi do të shpreh qëndrimet e kësaj partie se si të zhbllokohet Kuvendi i Kosovës, bazuar në aktgjykimin e Gjykatës Kushtetuese.

Ndërkaq, se a do të arrihet ndonjë marrëveshje apo çështje të tjera siç tha Gruda, do të përgjigjet vetë Krasniqi.

Këtë deklarim Gruda e bëri pas pyetjeve të gazetarëve në konferencën e thirrur nga PDK.

Continue Reading

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

2 days ago

on

June 28, 2025

By

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.

Continue Reading

Të kërkuara