Lajmet

Haradinaj: Si president kam me lidhë fort Kosovën me ShBA-të dhe aleatët për anëtarësim në NATO

Published

on

Aleanca për Ardhmërinë e Kosovës(AAK) në tubimin përmbyllës zgjedhor me simpatizantë të kësaj partie në Deçan, ka kërkuar nga qytetarët e kësaj komune që ta votojnë këtë parti për zhvillimin e vendit, për siguri, rend dhe ligj në Kosovë, siç theksuan me presidentin Ramush Haradinaj.

Lideri i AAK-së Ramush Haradinaj tha se Aleanca ka rritje të votës në gjithë vendin, ku sipas të cilit më 14 shkurt do të jetë një referendum për AAK-në. Ish-kryeministri Haradinaj pati edhe një porosi për kundërshtarët politik.

“Këta që po kujtojnë që e dorëzojnë Aleancën duke u munduar me dërgu lajme çfarë po çojnë, po harrojnë kush jemi. Ata janë habitur na kanë përzier më dikë tjetër. Unë si president i Kosovës iu siguroj që kam me iu nderu me punë në Deçan, në Dukagjin dhe në gjithë Kosovën. Iu siguroj që kam me nderu sakrificën për liri brezë pas brezi, por kemi me nderu edhe ndihmën e aleatëve tanë. Kemi me lidhë Kosovën fort me ta. Më 14 është referendumi për Aleancën, referendum për Kosovën në NATO”, theksoi Haradinaj.

Lideri i AAK-së, Ramush Haradinaj nga vendlindja e tij ripërsëriti sërish idenë e bashkimit të Kosovës me Shqipërinë dhe forcimin e miqësisë me ShBA-të dhe aleatët.

“Tash na u kanë shtuar pak punët, sepse ekonominë s’e kemi mirë, pandemia e ka rrëzuar ekonominë dhe na duhet një plan me njerëz që kanë përvojë dhe kanë dije për të ringjallë ekonominë, me fillu rritja ekonomike hapja e vendeve të punës me pako për biznese dhe të gjithë ata që janë aktivë në ekonomi. Çka tjetër kemi nevojë? Me konsolidu sigurinë, shtetin ligjor, me qenë një shtet i sigurt për të gjithë që nuk rrezikohet as nga brenda as nga jashtë dhe që nuk bëhen eksperimente në shtet. Ne Kosovën kemi për ta bërë shtet të sigurt që askush s’do të mund ta rrezikoj. Ne e kemi vetëm një rrugë me u lidhë më fort me Amerikën dhe aleatët tonë perëndimor për me hyrë në NATO. Ushtria jonë e gatshme me operua në bazë të kompetencave dhe mandatit që ka, që i bie se është koha reale që politikisht ne me krye punën tonë për me hy në NATO. Nëse deri në vitin 2024 kur ne i kemi kryer përgatitjet tona dhe nuk janë hequr pengesat tona politike që janë të sponsorizuara prej Serbisë dhe aleatëve të saj, jam i bindur që aleatët tonë do ta shqyrtojnë seriozisht edhe opsionin që e kam propozuar që ne me kalu në rrugën tjetër që është bashkimi në Union me Shqipërinë”, tha ai.

Kryetari i Deçanit, Bashkim Ramosaj tha se takimi i sotëm përmbyllës i fushatës në këtë komunë do të kulumojë me fitoren e madhe të AAK të dielën, më 14 shkurt.

Ai tha se në shtatë komuna ku udhëheq Aleanca, nuk ka asnjë aferë korruptive. Madje, ai foli edhe për turizëm që pritet të bëhet Deçani qendër e Ballkanit.

“E ka thënë vet presidenti Ramush Haradinaj para një javë ditë kur ka qenë në Deçan që Deçani do të shndërrohet në kryeqendrën e turizmit jo vetëm për Kosovën, por edhe për Ballkanin për turizëm. Fitorja jonë do të jetë zhvillim për komunën e Deçanit. Mos të harrojmë 135 është forcë për Kosovën, është dinjitet për atdheun dhe është zhvillim për këtë vend. E është e sigurt që është zhvillim për Komunën e Deçanit”, tha ai.

Aleanca në përmbyllje të fushatës zgjedhore në Deçan, ka prezantuar para simpatizantëve të shumtë kandidatët për deputetë nga Dukagjini. 

Lajmet

Irlanda e Veriut triumfon ndaj Maltës në kualifikuese të Botërorit 2026

Published

on

Një fitore miqësore 3-0 ndaj Maltës erdhi nga Irlanda e Veriut në kualifikuese të Kupës së Botës 2026, ku Jordan Jones, Gavin Whyte dhe Ali McCann shënuan në Austri.

Pjesa më e madhe e ndeshjes u zhvillua në një mënyrë tipike miqësore të fundsezonit dhe nuk pati lojtarë që të spikasnin gjatë gjithë 90 minutave.

Dallasi arriti një fitore si kapiten i Irlandës së Veriut në mungesë të Steven Davis dhe kjo është një përvojë jetësore për lojtarin në formë të mirë të Leeds.

Jones shfrytëzoi mbrojtjen e dobët për të shënuar një gol të hershëm përpara se Josh Magennis të shihte penalltinë e tij të pritej nga portieri i Maltës, Henry Bonello, në një pjesë të parë kryesisht të çrregullt.

Irlanda e Veriut u përmirësua në pjesën e dytë me dy gola në tre minuta.

Fitorja në 90 minuta më në fund erdhi për trajnerin e Irlandës së Veriut, por ishte e pakëndshme ta shikoje në pjesën e parë pavarësisht golit të hershëm.

Pasimi i gabuar i Ferdinando Apap i dha mundësinë Jones dhe anësori i Rangers e shfrytëzoi me një gjuajtje të ulët që e rrëzoi Bonellon përpara se të fluturonte drejt portës.

Bonello u ul për të pritur penalltinë e Magennis në minutën e 21-të – e akorduar për faullin e Kurt Shaw ndaj Whyte – dhe humbja e penalltisë përmblodhi një fillim të vështirë prej 45 minutash nga Irlanda e Veriut.

Malta hyri në ndeshje 127 vende poshtë kundërshtarëve të saj në renditjen botërore, por ata e kaluan pjesën e parë me Joseph Mbong dhe Luke Montebello që u afruan shumë.

Irlanda e Veriut kishte më shumë shpejtësi dhe vendosmëri në rifillimin e ndeshjes dhe Whyte shënoi me shpejtësi nga një pasim i Stuart Dallas për ta bërë rezultatin 2-0 pas 53 minutash.

Pastaj u pasua shpejt nga numri tre, pasi McCann u kap nga Paddy McNair dhe ai dha një gjuajtje të shkathët përtej Bonellos për ta çuar ndeshjen përtej një skuadre të Maltës që po shkatërrohej./S.K/BBC/

Continue Reading

Lajmet

​Sulm në parkingun e kopshtit në Vushtrri dhe arsenal armësh në shtëpi, një muaj paraburgim për dy persona

Published

on

By

Prokuroria Themelore në Mitrovicë ka paraqitur kërkesë për caktimin e masës së paraburgimit në Gjykatën Themelore në Mitrovicë – Dega në Vushtrri, ndaj të dyshuarve K.M. dhe K.M., për shkak të dyshimit të bazuar se kanë kryer disa vepra penale.

Të dyshuarit ngarkohen me veprat penale: “Mbajtja në pronësi, kontroll ose posedim të paautorizuar të armëve”, si dhe “Përdorimi i armës apo mjetit të rrezikshëm”, ndërsa njëri prej tyre, K.M., dyshohet gjithashtu për veprën penale “Lëndimi i rëndë trupor”.

Sipas Prokurorisë, ngjarja ka ndodhur më 20 maj 2025, rreth orës 08:55, në parkingun e një kopshti fëmijësh në Vushtrri, ku i dyshuari K.M., së bashku me persona të tjerë, e kanë sulmuar fizikisht të dëmtuarin L.O., në momentin që ai po zbriste nga automjeti për të shoqëruar vajzën në kopsht.

Sipa sprokurorisë, sulmi është kryer me një shufër metalike, duke i shkaktuar viktimës lëndime të rënda në kokë, këmbë dhe pjesë të tjera të trupit.

Pas sulmit, të dyshuarit janë larguar nga vendi i ngjarjes me motoçikleta.

Gjatë bastisjes së shtëpisë së të dyshuarve në fshatin Ropicë të Vushtrrisë, janë sekuestruar elektroshokë, sprej, telefona mobil, si dhe një sasi e konsiderueshme armësh dhe municioni, përfshirë armë të gjata dhe të shkurtra, snajperë, pistoleta me silenciatorë. Në telefonat e të dyshuarve janë gjetur video dhe fotografi ku ata shihen duke përdorur armë, përfshirë edhe një imazh ku njëri prej tyre shihet duke shënjestruar një automjet të policisë me revole.

Gjykata Themelore në Mitrovicë – Dega në Vushtrri ka aprovuar kërkesën e Prokurorisë dhe ka caktuar masën e paraburgimit prej një muaji ndaj të dyshuarve K.M. dhe K.M./D.B/KP

Continue Reading

Lajmet

​Lautaro tejkalon Maradonën me gola për Argjentinën

Published

on

Kapiteni i Interit, Lautaro Martinez, shënoi si zëvendësues për Argjentinën në fitoren 3-0 ndaj Venezuelës mbrëmë, duke tejkaluar Diego Armando Maradonën dhe duke u bërë golashënuesi i pestë më i mirë me ekipin kombëtar.

Lautaro Martinez kontribuoi në fitoren 3-0 të Argjentinës ndaj Venezuelës mbrëmë, duke shënuar vetëm dy minuta pas futjes së tij nga stoli në pjesën e dytë.

Kapiteni i Nerazzurrëve gjeti rrjetën me një gjuajtje me kokë, duke shënuar golin e tij të 33-të ndërkombëtar dhe duke tejkaluar legjendën e Argjentinës dhe Napolit , Maradonën, i cili kishte shënuar 32 gola.

Siç e vuri në dukje me krenari Interi në faqen e tyre të internetit, vetëm Lionel Messi (114 gola), Gabriel Omar Batistuta (55), Sergio Agüero (41) dhe Hernan Crespo (35) kanë shënuar më shumë gola për Argjentinën sesa Lautaro./S.K/KP/

Continue Reading

Lajmet

Gjykata Kushtetuese vendos masë të përkohshme, s’ka mandatar për Qeverinë deri më 30 shtator

Published

on

By

Gjykata Kushtetuese ka nxjerrur aktgjykimin në lëndën e parashtuar nga deputetës e Listës Serbe për ‘masë të përkoheshme’ rreth veprimeve të mëtejme të Kuvendit të Kosovës.

Gjykata vlerëson se kjo ndërhyrje është e nevojshme për të shmangur “rreziqe ose pasoja të pariparueshme” dhe se miratimi i saj është në “interes publik”.

Po ashtu, Gjykata thekson se kjo masë nuk paragjykon përmbajtjen përfundimtare të çështjes që është ende në shqyrtim.

VENDIMI I GJYKATËS:

Gjykata Kushtetuese e Republikës së Kosovës, në mbështetje të nenit 116 (2) të Kushtetutës, të nenit 27 të Ligjit dhe rregullat 44, 45, 46 (2) dhe 48 (1) (d) të Rregullores së punës, më 4 shtator 2025, njëzëri

VENDOS

I. TË CAKTOJË ex officio dhe sipas kërkesës së parashtruesve masën e përkohshme përmes të cilës ndalohet çdo veprim i deputetëve të zgjedhur të Kuvendit të Republikës së Kosovës, si dhe çdo procedurë për formimin e Qeverisë;

II. TË URDHËROJË që masa e përkohshme hyn në fuqi më 5 shtator 2025, në kohëzgjatje deri më 30 shtator 2025;

III. T’U’A KUMTOJË këtë Vendim palëve;

IV. TË PUBLIKOJË këtë Vendim në Gazetën Zyrtare, në pajtim me paragrafin 4 të nenit 20 të Ligjit;

V. Ky Vendim hyn në fuqi më 5 shtator 2025./D.B/EO

Continue Reading

Të kërkuara