Lajmet

Haradinaj: Do ta mbrojë të drejtën e veteranëve, por jo duke shkatërruar shtetin tonë

“Sjellja e Kurtit ndaj kësaj kategorie është jo njerëzore, jo kombëtare dhe jo institucionale”, tha ai.

Published

2 years ago

on

Kryetari i Aleancës për Ardhmërinë e Kosovës, Ramush Haradinaj, ka akuzuar kryeministrin Albin Kurti se u ka ngulur thikë pas shpine dy vlerave sublime të vendit – aleatëve ndërkombëtarë dhe kategorive të dala nga lufta.

Në takim me përfaqësues të shoqatave të dala nga lufta, shoqatat e të burgosurve politikë, shoqatat e të pagjeturve si dhe ish-udhëheqës të UÇK-së, Haradinaj tha se sjellja e Kurtit ndaj këtyre kategorive është jonjerëzore dhe jokombëtare.

“Sot si qeverisje, si politikë dhe institucione jemi duke bërë disa gabime që janë shumë të rrezikshme. Politika e Kosovës, veçanërisht e përfaqësuar prej qeverisë Kurti i ka ngul thikë pas shpine dy vlerave tona më sublime që i kemi. Po e filloj të parën me thikën pas shpine të besimit të krijuar që nga koha e luftës mes shqiptarëve dhe NATO-s të prirë nga ShBA-ja. Një besim që ka lind në sakrificë dhe në kohë të dhimbjes që nuk ka qenë i lehtë me fitu, Kurti dhe kjo qeveri i ka vënë thikë pas shpine. Njëkohësisht, Kurti dhe kjo qeveri i kanë vënë thikë pas shpine edhe sakrificës tonë për liri. Kategorive të lirisë dhe njerëzve që kanë mbajtur mbi supe peshën e luftës, të cilët nuk janë vetëm luftëtarët e UCK-së por edhe të gjithë të tjerët. Sjellja e Kurtit ndaj kësaj kategorie është jo njerëzore, jo kombëtare dhe jo institucionale”, tha ai.

Ai shtoi se përjashtimi i veteranëve të UÇK-së nga rritja e pagës minimale është e pandershme nga kryeministri Kurti.

Haradinaj theksoi se pushteti nuk mund të fyejë veteranët në emër të fryrjes së listave të veteranëve, derisa tha se Kurti nga kafetë me serbë në zyrë të Demaçit, shkoi në burg në Serbi.

“Para jush po flet një veteran i vërtetë. Unë kam emër dhe mbiemër, Ramush Ilmi Haradinaj dhe jam veteran i vërtetë. Nuk jam Albin Kurti, i cili prej kafeve që ka pi me serbët atëherë ka shkuar në zyrë të Adem Demaçit dhe prej aty ka shkuar me duar lidhur në Beograd. Nuk jam Mimoza Kusari që nuk e di se ku ka qëndruar në luftë, por e di se ku kanë qëndruar shumë gjakovarë të zotë, por nuk jam Mimoza Kusari. Albin Kurti dhe ajo me i dhënë vetës të drejtë me t’i ofendojë veteranët e vërtet në emër të fryrjes së listave dhe mos me i përfshi në pagën minimale. Kjo punë ka shkuar shumë lartë dhe kanë kaluar disa kufij”, theksoi Hardinaj.

Kritik ndaj Kurtit u shprehën edhe organizatat e dala nga lufta, sipas të cilave “kjo qeveri ka harruar rrugën e sakrificës së Kosovës për të ardhur tek liria”.

Kryetari i Shoqatës së Familjeve të Dëshmorëve të UÇK-së, Xhavit Jashari tha se mazhoranca ka bërë tradhti kombëtare me miratimin e Ligjit për pagën minimale, duke përjashtuar veteranët.

Ai tha se nuk do të heqin dorë nga veprimet për të kundërshtuar këtë vendim, megjithatë tha se do të presin deri në vendimin e Gjykatës Kushtetuese, pas dërgimit të këtij ligji nga AAK-ja për interpretim.

“Vendimet e fundit të kësaj qeverie përmes deputetëve në Kuvend ka bërë një tradhti të madhe ndaj shtetit dhe institucioneve. Gjithsesi edhe ndaj kësaj kategorie, veteranëve të luftës së Ushtrisë Çlirimtare të Kosovës…Meqenëse është dërguar në Gjykatën Kushtetuese, deri në interpretim të ligjit ne do të presim nuk do të marrim veprime të cilat në këtë kohë ndoshta nuk na duhen. Megjithatë është prek keq, është prek rëndë dhe është thyer dinjiteti i secilit qytetarë dhe jo vetëm kësaj kategorie, ku dalin përgjimet dhe kërkohet nga ata që dje i kemi pas kundërshtuar që me dëmtu një kategori si veteranët e luftës së UÇK-së”, tha ai.

Ndërkaq, Fadil Shurdhaj nga Shoqata e invalidëve të luftës, tha se ekzekutivi nuk po i respekton ata.

“Do të na detyrojnë që ne t’i marrim protezat dhe t’iu qesim para Kuvendit të Kosovës dhe qeverisë. Le t’i shkelin, këta kështu paskan dashur të vdekur ose të strukur dhe me mbet tek shtëpia”, deklaroi ai.

Ndërsa, Emin Lati nga OVL-UÇK, kërkoi nga partitë opozitare, sidomos siç e quajti ai, krahu i luftës, që të bëhen bashkë në Kuvend për të kundërshtuar Qeverinë Kurti.

“Ju bëjë thirrje juve që keni qenë pjesë e luftës të bëhen bashkë në parlament si krah i luftës dhe të mbërrijmë qëllimin dhe vlerat ku na takon. Ne nuk po lypim asgjë më shumë se që na takon, një mirëqenie sociale më të mirë me pas veterani, invalidi dhe familjet e dëshmorëve”, theksoi Lati.

Në anën tjetër, Bajram Qerkini nga Shoqata “Zëri i Prindërve” , tha se kryeministri Kurti s’ka realizuar asgjë nga ajo që ka premtuar.

“Asnjë gjë nuk është realizuar që ka premtuar. Po edhe baba jem të ishte dhe farefisi nëse për 2 vjet e gjysmë më gënjen kam me i thënë boll se nuk mundem më”, tha Qerkini.

Pas përfundimit të diskutimeve, kryetari i AAK-së, Haradinaj iu drejtua mediave, ku tha se do të mbrojë të drejtën e veteranëve, por jo duke shkatërruar shtetin e Kosovës.

“Nuk do të ishte mirë që veteranët me mbrojt vet të drejtën e vet. Pikërisht, kryeministri duhet të mbrojë të drejtën e veteranëve po ashtu edhe deputetët. Unë do të mbrojë të drejtën e veteranëve, por jo duke shkatërruar shtetin tonë”, tha ai.

Krahas këtyre, deputetë të AAK-së kanë paralajmëruar disa iniciativa ligjore që do t’i ndërmarrin në Kuvend, përfshirë edhe plotësim-ndryshimin e Ligjit për veteranët e UÇK-së.

Related Topics:
Continue Reading

Aktualitet

Pse gjithnjë e më shumë studentë zgjedhin UBT-në? Cilësia dhe inovacioni bëjnë diferencën

Published

1 hour ago

on

August 17, 2025

By

UBT, institucion lider i arsimit të lartë dhe më i ranguari në rajon sipas organizatave ndërkombëtare, vazhdon të tërheqë të rinjtë e Kosovës dhe rajonit për t’u regjistruar. Ky interesim i madh vjen si rezultat i cilësisë së lartë të ofruar nga UBT në të gjitha aspektet e veprimtarisë akademike dhe infrastrukturore.

UBT shquhet për programe inovative që i përgatisin studentët për tregun e punës.

UBT ka një staf akademik profesional dhe të përkushtuar, të cilët sjellin përvojë dhe njohuri të gjera nga fusha të ndryshme studimore. Për më tepër, infrastruktura moderne dhe pajisjet teknologjike të sofistikuara krijojnë një ambient të përshtatshëm dhe frymëzues për studim dhe hulumtim.

Përveç cilësisë së lartë të ofruar në aspektin akademik, UBT njihet edhe për mbështetjen e vazhdueshme që i ofron studentëve të tij, duke përfshirë këshillimin akademik dhe profesional, si dhe mundësitë e shumta për angazhim në aktivitete ekstrakurrikulare dhe projekte hulumtuese. Ky përkushtim ndaj zhvillimit gjithëpërfshirës të studentëve e bën UBT-në një destinacion tërheqës për të rinjtë që kërkojnë më të mirën për arsimin e tyre të lartë.

UBT ofron një gamë të gjerë programesh studimi, të cilat përputhen me kërkesat e tregut dhe zhvillimet më të fundit shkencore dhe teknologjike. Kjo përfshirje e gjerë e fushave të ndryshme të studimit siguron që çdo student të gjejë programin që i përshtatet më së miri interesave dhe ambicieve të tij.

Regjistrimet janë ende të hapura dhe bëjmë thirrje të gjithë të rinjtë që të mos humbasin kohë dhe të vijnë të regjistrohen në UBT. Institucioni ynë është i përkushtuar për të siguruar një përvojë të pasur dhe të plotë akademike, e cila do t’i përgatisë studentët për një karrierë të suksesshme dhe për një kontribut pozitiv në shoqëri.

APLIKO TANI ONLINE!

Continue Reading

Aktualitet

ShBA-ja i dhuron Kosovës 50 automjete të blinduara për forcimin e kapaciteteve mbrojtëse

Published

17 hours ago

on

August 16, 2025

By

Ambasada e Shteteve të Bashkuara të Amerikës në Kosovë ka njoftuar se ShBA-ja ka transferuar 50 Automjete të Blinduar të Sigurisë (ASV) për Qeverinë e Kosovës, në kuadër të Programit të Artikujve të Tepërt të Mbrojtjes (Excess Defense Articles Program).

Këto automjete moderne do të përdoren nga Forca e Sigurisë së Kosovës (FSK), ndërsa, sipas njoftimit zyrtar, Kosova do të shfrytëzojë burimet e saj mbrojtëse për t’i sjellë ato në kapacitet të plotë operacional. Ky hap përbën një zhvillim të rëndësishëm në forcimin e aftësive mbrojtëse të FSK-së dhe në rritjen e gatishmërisë për përballjen me sfida të sigurisë.

Ky donacion i ShBA-së shihet si një tjetër dëshmi e partneritetit të ngushtë mes dy vendeve dhe e përkushtimit të përbashkët për të garantuar sigurinë kombëtare të Kosovës dhe forcimin e stabilitetit rajonal.

“Ky është një hap tjetër në përkushtimin tonë të përbashkët për forcimin e kapaciteteve mbrojtëse të FSK-së dhe për forcimin e sigurisë së të dy vendeve tona”, thuhet në njoftimin e Ambasadës Amerikane.

Continue Reading

Aktualitet

UBT përgatit liderët e ardhshëm të fushës paramjekësore

Published

1 day ago

on

August 16, 2025

By

UBT ka hapur regjistrimet për programin Master në Shkenca Paramjekësore, i cili synon të përgatisë profesionistë të domosdoshëm për sektorin shëndetësor, të aftë për të kontribuar në diagnostikim, trajtim dhe parandalim të sëmundjeve, duke vepruar në vijën e parë të kujdesit për jetën.

Ky program është ndërtuar mbi një kurrikulë multidisiplinare, të harmonizuar me modelet më të mira evropiane dhe amerikane, që ndërthur mësimin teorik me përgatitjen praktike. Studentët përfitojnë trajnim të avancuar në fushat e kujdesit emergjent, laboratorëve mjekësorë dhe diagnostikës klinike, duke përdorur pajisje bashkëkohore mjekësore dhe laboratorike.

Përgatitje gjithëpërfshirëse dhe praktike

Gjatë studimeve, studentët do të aftësohen në pesë kategori kyçe të fushës së paramedikëve:

  • Parandalimi i vdekjes së njerëzve
  • Rritja e cilësisë së jetës
  • Ndihma në rikuperimin nga sëmundjet apo dëmtimet
  • Menaxhimi i pranimeve dhe ri-pranimeve urgjente
  • Kujdesi për rastet kronike të ndjeshme (astma, diabeti, epilepsia etj.)

Programi përfshin gjithashtu përdorimin e tele-shëndetit dhe kujdesit tele-komunikues, duke u mundësuar studentëve të ofrojnë kujdes efikas dhe inovativ, sidomos për zonat e largëta apo për pacientët me nevoja të veçanta.

Misioni dhe vizioni

Misioni i Masterit në Shkenca Paramjekësore është të kontribuojë në arsimin e lartë përmes:

  • Kurrikulave bashkëkohore, të bazuara në praktikat më të mira ndërkombëtare
  • Hulumtimit shkencor në bashkëpunim me partnerë vendas e ndërkombëtarë

Programi synon të ofrojë një mjedis mësimor mbështetës, ku studentët zhvillojnë aftësitë klinike, kërkimore dhe menaxheriale që kërkohen në tregun e punës.

Përfshirje aktive në kërkim dhe shërbim

Studentët dhe stafi i programit marrin pjesë në:

  • Projekte kërkimore kombëtare dhe ndërkombëtare
  • Simpoziume dhe forume shkencore
  • Konsulencë dhe asistencë teknike për institucione shëndetësore publike e private
  • Hartimin e politikave shëndetësore në bashkëpunim me Ministrinë e Shëndetësisë

Aftësitë e të diplomuarve

Pas përfundimit të programit, të diplomuarit do të jenë të aftë:

  • Të ofrojnë kujdes shëndetësor holistik në komunitetet urbane, rurale dhe industriale
  • Të marrin vendime komplekse në situata emergjente dhe të udhëheqin ekipe paramjekësore
  • Të zbatojnë standarde të larta ligjore, etike dhe profesionale në praktikë
  • Të përdorin metoda kërkimore për të përmirësuar rezultatet shëndetësore
  • Të integrojnë njohuritë ndërdisiplinore në menaxhimin e shërbimeve shëndetësore

Masteri në Shkenca Paramjekësore në UBT është më shumë sesa një diplomë – është një përgatitje për jetë, duke formuar profesionistë që jo vetëm reagojnë ndaj emergjencave, por punojnë për t’i parandaluar ato, duke i dhënë shoqërisë ekspertë të gatshëm për të mbrojtur dhe përmirësuar jetën.

APLIKO TANI ONLINE!

Continue Reading

Aktualitet

A janë sëmundjet e zemrës trashëgimore dhe si ndikon diabeti? Flet kardiologu Edis Demiri

Published

1 day ago

on

August 16, 2025

By

Historia familjare dhe diabeti janë faktorët më të fortë rreziku për sëmundjet kardiovaskulare. Kështu thekson kardiologu invaziv nga United Hospital, Edis Demiri në episodin e podcastit “Shëndeti në rend të parë” në Telegrafi, ku flet si për shkaqet kryesore ashtu edhe për një rast të pazakontë klinik që i shpëtoi jetën një pacienti.

“Faktori më i rëndësishëm është historia familjare për sëmundjet e zemrës”, thotë Demiri, duke shtuar se nëse prindërit ose vëllezërit/motrat kanë pësuar infarkt apo ndërhyrje kardiake në moshë të re, “edhe ai person është i rrezikuar”.

Sipas tij, “diabeti është pothuajse po aq i rëndësishëm sa historia familjare”, ndërsa më pas vijnë faktorë të tjerë si duhani, hipertensioni dhe yndyrnat e larta në gjak.

Mesazhi i mjekut është i qartë: kontrolloni rregullisht shëndetin e zemrës, veçanërisht nëse keni histori familjare apo diabet; ndaloni duhanin, mbani tensionin dhe lipidet nën kontroll dhe kërkoni ndihmë mjekësore urgjentisht në shenja si dhimbje gjoksi, djersitje të ftohta, marramendje ose vështirësi në frymëmarrje.

Për bisedën e plotë me këshilla praktike dhe sqarime të mëtejshme, ndiqni episodin e ri të podcastit “Shëndeti në rend të parë” në Telegrafi.

Continue Reading

Të kërkuara