Lajmet

Haradinaj-deputetëve opozitarë: Pse s’po keni guxim të dilni e të thoni po votoj mocionin?

Haradinaj u shpreh se Kuvendit të Kosovës i ka humbur vlera.

Published

on

Kryetari i Aleancës për Ardhmërinë e Kosovës, Ramush Haradinaj kërkoi sot të dijë se deputetët opozitarë nga PDK dhe LDK po hezitojnë ta votojnë mocionin e propozuar nga partia e tij për rrëzimin e Qeverisë së Kosovës.

Haradinaj u shpreh se cili është shkaku që nuk po kanë guxim deputetët për të votuar për këtë mocion derisa Kosova me këtë qeverisje po humb besimin e shteteve mike.

“Pse ka hezitime për mocion ku është problemi le të më tregojnë ata që po hezitojnë për mocion ku e keni problemin të gjithë ju që hezitoni për mocion a është e vërtetë që e kemi humbur besimin e institucionet euroatlantike a është e vërtetë që kanë filluar ndëshkime dhe a është e vërtetë që jemi kah dobësohemi? Pse bre nuk po keni guxim me dal me thanë po e votoj mocionin çka është duke ndodhur tek opozita, iu lutem ku e keni problemin kolegë opozitarë PDK e LDK që po mendoni ende se kush përfiton nga mocioni veç një përfitues është Kosova dhe interesi ynë. Unë nuk shoh më detyra të zakonshme për veti në këtë parlament derisa nuk deklarohen si i ka hije pse se keni guximin”, tha ai.

Haradinaj u shpreh se Kuvendit të Kosovës i ka humbur vlera.

“Unë nuk po e kuptoj më këtë parlamenti i ka humbur vlera këtij parlamenti, ne jemi komik këtu nëse vijmë këtu e sillemi sikur nuk ka ndodh kurgjo pra ne nuk jemi serioz më, ne besoni se jemi duke u sjell me tallje ndaj asaj që na kanë besuar njerëzit… Kanë filluar ndëshkimet ndaj Kosovës ndëshkime si politike si ekonomike si në siguri nëse kushdo që nuk e dinë a mund të bisedojmë a është e vërtetë a jo kjo se ka filluar ndëshkimet për Kosovë. Pyetja e tretë është nëse e kemi humb besimin nëse kanë filluar ndëshkimet a forcohet Kosova përballë bandave në veri dhe përballë Serbisë, tregomni iu lutem me besim të humbur dhe ndëshkim që na kanë ndihmuar në kohë të vështira a jemi më të fortë apo të dobët?”, tha ai.

Lajmet

Zyrtare: Felix transferohet nga Chelsea në Al-Nassr

Published

on

Joao Felix është larguar nga Chelsea dhe ka nënshkruar një kontratë të përhershme me Al-Nassr.

Portugezi bëri 20 paraqitje në të gjitha garat për Blues sezonin e kaluar, duke shënuar shtatë gola pas transferimit të tij të verës në Stamford Bridge nga Atletico Madrid.

Ai e kaloi gjysmën e dytë të sezonit 2024/25 si huazim te AC Milan dhe tani është larguar nga “Blutë” në mënyrë të përhershme, duke u bashkuar me skuadrën e Ligës Profesionale Saudite, Al-Nassr.

Continue Reading

Lajmet

Rastet e para të sëmundjes “Gjuha e Kaltër” konfirmohen në Kosovë, AUV merr masa parandaluese

Published

on

By

Agjencia e Ushqimit dhe Veterinarisë (AUV) ka konfirmuar sot, më 29 korrik 2025, rastet e para të sëmundjes virale “Gjuha e Kaltër” në dy ferma: në fshatin Marec (Prishtinë) dhe në fshatin Brus (Lipjan).

Sëmundja, e cila transmetohet nga mushkonjat e llojit Culicoides, prek ruminantët si delet, dhitë dhe gjedhët, por nuk transmetohet te njerëzit.

Për të parandaluar përhapjen e saj, AUV ka ndaluar lëvizjen e kafshëve në të gjithë territorin e Kosovës dhe ka vendosur masa të rrepta biosigurie.

Fermat e prekura janë vendosur në karantinë të plotë, ndërsa fermerët janë urdhëruar të përdorin masa të dezinfektimit dhe të shmangin kontaktin ndërmjet tufave. Po ashtu, është pezulluar puna në të gjitha tregjet e kafshëve, dhe Policia e Kosovës, bashkë me autoritetet komunale, do të mbikëqyrin zbatimin e vendimit.

Continue Reading

Lajmet

FSK konfirmon gjetjen e trupit të pajetë të 33-vjeçarit të zhdukur në liqenin e Ujmanit

Published

on

By

Forca e Sigurisë së Kosovës (FSK) ka konfirmuar gjetjen e trupit të pajetë të 33-vjeçarit që ishte zhdukur ditë më parë në liqenin e Ujmanit.

Në një njoftim zyrtar, FSK bëri të ditur se pas kërkimeve intensive, është lokalizuar trupi i viktimës, i cili më pas i është dorëzuar Policisë së Kosovës dhe ekipit të forenzikës për procedurat e mëtejme ligjore.

Njoftimi:

FSK-ja gjen trupin e pajetë të personit të zhdukur

Pas ftesës së Qendrës së Situatave të Qeverisë së Republikës së Kosovës, dhe koordinimeve me partnerët për angazhimin e Ekipeve të FSK-së, Komandanti i FSK-së Gjenerallejtënant Bashkim Jashari ka urdhëruar ekipet e Kërkim Shpëtimit në Ujëra, për realizimin e operacionit humanitar në kërkim të personit të raportuar si i zhdukur. Me pranimin e urdhërit, ekipet e FSK kanë marrë të gjitha masat dhe në koordinim me partnerët ndërkombëtarë dhe qëndror janë angazhuar në operacion e kërkimit të personit të zhdukur.

Falë intesitetit të lartë të kërkimit dhe profesionalizmit të ekipeve tona në terren, pas disa orësh kërkimi në bashkëpunim me Policinë e Kosovës, AME dhe KFOR, kanë arritur të gjejnë trupin e pajetë në zonën e liqenit të Ujmanit.

Pas evakuimit, trupi i pajetë i viktimës i është dorëzuar Policisë së Kosovës dhe ekipit të forenzikës për procedurat e mëtejme.

Continue Reading

Lajmet

​Presidenti i Milanit thyen heshtjen për Ardon Jasharit

Published

on

Presidenti i Milanit, Paolo Scaroni, këmbëngul se Ardon Jashari dëshiron t’i bashkohet Rossonerëve ‘me çdo kusht’, por gjigantët e Serie A nuk duan të ofrojnë shumë. Milani mbetet në kërkim të talentit zviceran Jashari, por oferta e tyre e fundit me vlerë 33.5 milionë euro plus bonuset u refuzua nga Club Brugge.

“Nuk duam të ofrojmë shumë, por ai dëshiron të vijë me çdo kusht”, tha presidenti i Milanit, Scaroni, të martën, nëpërmjet “Calciomercato”

Scaroni iu përgjigj shpejt një pyetjeje nga një gazetar në Lega Serie A në Milano, përpara një takimi me presidentët e tjerë të Serie A.

Gjatë të njëjtit takim, drejtuesit e Interit dhe Atalantës pritet të vazhdojnë negociatat për Ademola Lookman .

Drejtori i Milanit, Igli Tare, tha të dielën se Milani nuk do të bënte një ofertë tjetër për Jasharin, pavarësisht se e dinte se çmimi i kërkuar nga Club Brugge për 22-vjeçarin është vendosur në 40 milionë euro.

Jashari nuk ishte pjesë e skuadrës së Club Brugge për dy ndeshjet e para garuese këtë sezon.

Milani ka bërë ndryshime të mëdha në mesfushë këtë verë, duke shitur Tijjani Reijnders te Manchester City dhe duke nënshkruar me Samuele Ricci dhe Luka Modric.

Continue Reading

Të kërkuara