Kulturë

Hapet Rolling Film Festival

Published

on

Jeta e komunitetit Rom – përrallë apo realitet?

Edicioni i 6-të i festivalit Rolling Film Festivalit zyrtarisht është hapur dhe do të realizohet nga data 16-20 Prill 2021. Rreth 30 filma të zhanreve të ndryshme, 2 sesione me tregime për fëmijë, punëtori për animacion me të ri, panel diskutimi dhe shumë aktivitete tjera.

Rolling Film Festival është festivali i vetëm në nivel europian, i cili promovon artin dhe kulturën rome nëpërmjet filmave dhe veprave tjera artistike të prodhuar nga komuniteti rom ose që trajtojnë tema rreth këtij komuniteti.

Edicioni i 6-të si tematikë ka “Gojdhënat – Realiteti i ri” nëpërmjet filmave dhe aktiviteteve të ndryshme në kuadër të festivalit, do të trajtohet tema e jetës së komunitetit rom duke adresuar gojdhënat të cilat kanë ndërtuar një realitet të hidhur për komunitetin duke shtresuar paragjykimet, stereotipet ndaj këtij komuniteti. Por në anën tjetër poashtu, do të prezantoj edhe realitetin në të cilin jeton komuniteti i cili për shumë njerëz mund të tingëlloj si përrallë.

Edicioni i këtij viti, do të realizohet në formatin hibrid – online dhe fizikisht, gjithëmonë duke respektuar masat mbrojtëse ndaj virusit COVID-19.


Hapja e festivalit do të realizohet me datë 16 Prill 2021, nga ora 17:30 në Kino Armata ndërsa mbyllja e festivalit do të realizohet me datë 20 Prill 2021, nga ora 16:30 tek Teatri Kombëtar, me 20% të kapacitetit të ulëseve. Pjesa tjetër e audiencës mund ta ndjek festivalin në formatin online nëpërmjet platformes: http://online.rollingfilm.org/ ndërsa aktivitetet tjera nëpërmjet facebook: https://www.facebook.com/rollingfilmfestival


Të gjithë filmat do të kenë përkthim në Gjuhën Shqipe, Angleze dhe Serbe, ndërsa përvec në Kosovë do të mund të shihen nga shtetet tjera si Serbia, Maqedonia e Veriut dhe Shqipëria.

“Festivali ynë i mban si vlera të larta luftën kundër antigjipsizëm, vet-përfaqësimit, gjithëpërfshirja, mirëkuptimi ndërsjellë, shprehja aktivizmit dhe aktivizmi politik.” U shpreh Sami Mustafa – Drejtor Artistik I Festivalit. “Edukimi, shëndeti, punësimi, arti dhe kultura ër të gjithë duhet të shtyhen përpara, ndërsa mendësia e shoqërisë në këtë aspekt duhet të ndryshohet. Kjo mund të arrihet nëpërmjet artit, e cila është pika kryesore në nxitjen e debatit dhe interaksionit nëpërmjet shprehjes artistike” përfundoi ai.

Ndryshe, festivali është projekt i OJQ Roma Versitas Kosova dhe Romawood.//UBTNEWS

Continue Reading

Kulturë

U nda dje nga jeta, sot i jepet lamtumira e fundit aktorit të madh Enver Petrovci

Published

on

Dje, në moshën 71-vjeçare, u nda nga jeta një prej figurave më të mëdha të artit dhe kulturës shqiptare, aktori, regjisori dhe profesori Enver Petrovci.

Lajmi i ndarjes së tij nga jeta ka sjellë dhimbje dhe pikëllim të madh jo vetëm për komunitetin artistik, por edhe për publikun e gjerë që e ka ndjekur në teatër, film dhe televizion për dekada me radhë.

Ceremonia e varrimit do të zhvillohet sot, duke filluar nga ora 17:00, në varrezat e qytetit të Prishtinës, ku familja, miqtë, kolegët dhe dashamirët e artit do t’i japin lamtumirën e fundit.

Në një njoftim zyrtar të publikuar nga Teatri Kombëtar i Kosovës, është bërë e ditur se homazhet për Petrovcin do të mbahen nga ora 13:30 deri në 15:30, ku qytetarët dhe figura të njohura të artit do të kenë mundësinë të shprehin respektin dhe mirënjohjen e tyre.

Pas homazheve, në orën 15:30, zhvillohet mbledhja komemorative, e cila pritet të jetë një përkujtim solemn i jetës dhe veprës së tij të pasur.

Enver Petrovci ka lënë gjurmë të pashlyeshme në kulturën shqiptare. Ai ishte ndër themeluesit e Teatrit Kombëtar të Kosovës dhe një personalitet që kontribuoi fuqishëm në zhvillimin e artit dramatik.

Përveç roleve të paharrueshme, Petrovci ka ndikuar edhe në breza të tërë aktorësh përmes punës si pedagog dhe regjisor. Ikja e tij la një boshllëk në kulturën shqiptare, por trashëgimia artistike e tij do të mbetet gjithmonë frymëzim për brezat që vijnë. /A.Z/UBT News/

Continue Reading

Aktualitet

​MKRS për Enver Petrovcin: Ai ishte më shumë se një emër i skenës sonë

Published

on

Ministria e Kulturës ka reaguar me rastin e vdekjes së aktorit dhe regjisorit, Enver Petrovci duke e vlerësuar figurën se Petrovcit si një emër të madh të skenës sonë.

“Me dhimbje të thellë morëm lajmin për ndarjen nga jeta të aktorit dhe regjisorit të shquar, Enver Petrovci. Ai ishte më shumë se një emër i madh i skenës sonë: ishte zëri, fytyra dhe shpirti i shumë roleve që shënjuan teatrin, filmin dhe kujtesën kulturore të vendit tonë. Jeta e tij ishte e lidhur ngushtë me artin dhe publikun. Përmes talentit të pashtershëm, ai i dhuroi gjeneratave të tëra emocione, reflektim dhe dashuri për kulturën”, thuhet në telegram ngushëllimin e MKRS-së.

Sipas kësaj ministrie, aktori Enver Petrovci ka lënë pas një trashëgimi që do të frymëzojë përherë.

“Në emër të Ministrisë së Kulturës, dhe në emrin tim personal, shpreh ngushëllimet më të sinqerta për familjen Petrovci, miqtë, kolegët dhe gjithë komunitetin artistik. Kujtimi për të dhe vepra e tij do të mbeten të gjalla përjetësisht. Qoftë i përjetshëm kujtimi të”, thuhet në telegram.

Enver Petrovci ka ndërruar jetë në moshën 71 vjeçare./S.K/KP/

Continue Reading

Kulturë

Tradita shqiptare në zemër të Gjermanisë, veshjet kombëtare në Oktoberfest

Published

on

Për herë të parë, veshjet tradicionale shqiptare u prezantuan në Oktoberfest të Mynihut, duke i dhënë një ngjyrë të veçantë festivalit më të madh të birrës në botë.

Ky parakalim historik u bë të dielën, më 21 shtator 2025, dhe u shoqërua me entuziazmin e shqiptarëve që jetojnë në Gjermani, si dhe me kureshtjen e mijëra vizitorëve nga e gjithë bota që marrin pjesë çdo vit në këtë festë.

Në kuadër të parakalimit të Oktoberfest, i cili njihet për shfaqjen e kostumeve popullore nga vende të ndryshme, përfaqësues të komunitetit shqipfolës parakaluan krenarë me veshje tradicionale, kostume të burrave dhe grave nga treva të Shqipërisë, Kosovës dhe viseve shqiptare.

Flamuri kuqezi dhe motivet kombëtare e bënë edhe më të dukshme dhe mbresëlënëse pjesëmarrjen shqiptare në këtë ngjarje prestigjioze.

Ky prezantim nuk ishte i rastësishëm, u mundësua falë përkushtimit të “Iliria München”, e cila prej vitesh punon në ruajtjen dhe promovimin e kulturës shqiptare në Gjermani. Përmes këtij organizimi, shoqata jo vetëm që arriti të vendosë shqiptarët në skenën ndërkombëtare të kulturës popullore, por edhe të krijojë ura miqësie mes komunitetit shqiptar dhe atij gjerman.

Sipas raportimit të Deutsche Welle, pjesëmarrja e shqiptarëve në këtë parakalim u prit me shumë interes nga publiku, duke e kthyer momentin në një festë të vërtetë të identitetit dhe krenarisë kombëtare.

Për shqiptarët që jetojnë në diasporë, ky ishte një rast i veçantë për të treguar se traditat dhe kultura shqiptare janë të gjalla dhe të denja për t’u prezantuar në skenat më të mëdha botërore.

Me këtë pjesëmarrje, shqiptarët shkruan një kapitull të ri në historinë e prezantimit të kulturës së tyre, duke e bërë Oktoberfest-in e këtij viti një ngjarje që do të mbahet mend gjatë.

Veshjet tradicionale, muzika dhe simbolet kombëtare sollën një aromë Ballkani në zemër të Gjermanisë, duke dëshmuar se kultura shqiptare është pjesë e mozaikut të pasur kulturor evropian. /A.Z/UBT News/

Continue Reading

Kulturë

Baleti Kombëtar i Kosovës hap sezonin e vjeshtës me premierë të re

Published

on

Baleti Kombëtar i Kosovës është duke hyrë në një kapitull të ri artistik me premierën e katërt të vitit 2025, të titulluar “Bach Alaturka & Bolero”, e cila do të prezantohet më 23 tetor 2025.

Ky projekt shënon një tjetër hap të rëndësishëm për ansamblin, duke sjellë një kombinim unik të muzikës klasike dhe moderne përmes një qasjeje koreografike të freskët dhe dinamike.

Shfaqja është e strukturuar në dy pjesë, ku muzika e Johann Sebastian Bach-ut interpretohet në frymë orientale përmes pjesës “Bach Alaturka”, ndërsa pjesa e dytë, “Bolero”, mbështetet mbi ritmin hipnotizues të kompozitorit francez Maurice Ravel.

Ky ndërthurim synon të krijojë një përvojë estetike të pazakontë për publikun, duke sjellë kontraste, energji dhe emocione të forta në skenë.

Në qendër të krijimit qëndron koreografi Mehmet Balkan, një emër i lidhur ngushtë me Baletin Kombëtar të Kosovës për më shumë se 15 vjet.  Përkrah tij, në procesin e provave dhe realizimit artistik, është edhe Lale Balkan, asistente dhe bashkëpunëtore e rregullt, e cila po ndihmon trupën e baletit të arrijë nivelin e lartë të interpretimit që kërkon ky projekt.

Ky bashkëpunim i ri pason sukseset e mëparshme të BKK-së, duke e vendosur trupën në një rrugëtim artistik gjithnjë në rritje.

Produksionet si “Lidhja”, “Dasma”, “Ngjyrat e Vallëzimit”, “Rite of Spring” e “Sisters” kanë dëshmuar profesionalizmin dhe përkushtimin e balerinëve, duke fituar vlerësime nga publiku dhe kritika.

Me premierën “Bach Alaturka & Bolero”, Baleti jo vetëm që vazhdon traditën për të sjellë krijime me standard të lartë, por forcon rolin si institucion kulturor i rëndësishëm, që ndërthur trashëgiminë muzikore botërore me vizionin e tij modern dhe inovativ. /A.Z/UBT News/

Continue Reading

Të kërkuara