Aktualitet
Hapet pikë e re kufitare mes Shqipërisë dhe Malit të Zi
Të martën, më 3 gusht, është hapur pikëkalimi i ri kufitar mes Shqipërisë dhe Malit të Zi, Cemi i Trieshit- Grabon.
Kjo pikë kufitare do të shkurtojë rrugën nga Podgorica në komunat veriore të Plavës dhe Gucisë, nga 190 në 90 kilometra.
Vendkalimi i ri është hapur nga kryeministrat e Shqipërisë dhe Malit të Zi, Edi Rama dhe Zdravko Krivokapiq.
Kryeministri Rama ka thënë se kjo pikë rrëzon edhe një tjetër mur mes këtyre dy vendeve.
“Por, nuk mjafton vetëm të ndërtojmë infrastrukturë nëse nuk heqim të gjitha barrierat në mesin e qytetarëve tanë, tarifore dhe jotarifore,” ka deklaruar Rama.
Krivokapiq, në anën tjetër, ka thënë se hapja e një pikëkalimi të ri, është një konfirmim i forcimit të marrëdhënieve të mira fqinjësore, si dhe forcimit të lidhjeve.
“Mali i Zi është përcaktuar për një zhvillim të qëndrueshëm dhe gjithëpërfshirës, dhe kjo është dëshmi se së bashku ne mund të bëjmë shumë, nuk mund të bëjmë pa njëri -tjetrin, ne duhet ta ndryshojmë botën me njëri -tjetrin,” ka deklaraur Krivokapiq.
Zëvendëskryeministri malazias Dritan Abazoviq ka thënë përmes një postimi në Twitter se pika e re kufitare përbën një mundësi të re për zhvillimin e veriut të Malit të Zi dhe lidhje më të mira njerëzore.
Amela Çekiq, kryetare e Komunës së Gucisë, ka thënë se pika e re kufitare do të thotë përmbushje e ëndrrës dekadëshe të banorëve të Gucisë, sepse do të kontribuojë në zhvillimin të komunës.
Projekti për ndërtimin e rrugës Dinoshë-Cemi i Trieshit ishte planifikuar me buxhetin kapital për vitin 2019 të Qeverisë së mëparshme të Dushko Markoviqit.
Ndërtimi ka kushtuar rreth 720,000 euro, nga të cilat Bashkimi Evropian ka siguruar gati gjysmë milioni euro.
Partitë opozitare në Mal të Zi kanë thënë të martën se, pika e re kufitare ka qenë projekt i qeverisë së mëparshme, dhe kanë akuzuar qeverisjen e re se po i merr meritat e qeverisë së kaluar.
Mali i Zi tani ka tri pikëkalime të përbashkëta kufitare, dy me Shqipërinë dhe një me Bosnje-Hercegovinën.
Në sheshin “Skënderbeu” në Prishtinë kanë përfunduar përgatitjet e fundit për “Marshin për Liri”, i cili nis sot në orën 14:00 në mbështetje të ish-krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi, raporton Ekonomia Online.
Nga platforma “Liria Ka Emër” kanë bërë thirrje për pjesëmarrje masive të qytetarëve, ndërsa marshi zhvillohet para shpalljes së aktgjykimit të Gjykatës Speciale, të paralajmëruar për 16 shtator.
Ismail Tasholli nga kjo platformë ka thënë se bazuar në interesimin dhe gatishmërinë e qytetarëve, pritet që marshi të jetë masiv.
“Marshi me siguri do të jetë shumë masiv, edhe në bazë të asaj se çka kemi parë në terren edhe entuziazmit edhe gatishmërisë së njerëzve, në thirrjen tonë qytetare që të marshojnë për liri nën moton ‘Kosova po pret’”, tha ai.
Tasholli ka bërë të ditur se në sheshin “Skënderbeu” janë duke u përfunduar detajet e fundit të përgatitjeve, ndërsa bina tashmë është gati për nisjen e aktivitetit.
“Tashmë e shihni, bina është gati, në përfundim janë do të thotë detajet e fundit, që e rrumbullakësojnë edhe nisjen e këtij marshi qytetar, që ka për qëllim të përçojë një mesazh shumë të rëndësishëm, që Kosova me të vërtetë po pret, po i pret çlirimtarët në shtëpinë e tyre”, tha Tasholli.
Ai u ka bërë thirrje qytetarëve që të nisen më herët drejt Prishtinës, në mënyrë që në orën 14:00 të përcillet mesazhi i organizatorëve.
“Po, i ftoj le të vijnë sa më herët, Prishtina e ka zemrën e madhe, po i uron mirëseardhje të gjithë qytetarëve të saj, edhe le të nisen sa më herët sepse është shumë e rëndësishme që sot të përçojmë një mesazh bashkë në ora 14:00, që Kosova po pret. Jemi duke i pritur të gjithë”, tha ai.
lajme
Profesorët e UBT-së, Marigona Bekteshi Ferati dhe Mirsad Ferati publikojnë artikull shkencor në revistën e indeksuar në Scopus dhe Web of Science
Ditari: Lajmet kryesore që shënuan datën 12 shtator 1993-1998
Gjithçka gati për “Marshin për Liri”
Fundjava e shqiptarëve në Evropë, këto janë ndeshjet
Kurti i bën thirrje Hamzës për takim, do ta votojmë një deputet të PDK-së për nënkryetar të Kuvendit
Avokati: Kërkojmë shpalljen të pafajshëm të Fazliut, të akuzuarit s’u intervistuan nga ZPS-ja
Avokati i Kuçit: ZPS-ja ndërtoi teorinë e saj mbi gabime në përkthim
Fundjavë e zjarrtë në futboll, këto janë sfidat kryesore
“Liria ka Emër” fton qytetarët në “Marshin për Liri” më 12 shtator
Dita e parë pa sukses për xhudistët e Kosovës në Budapest
-
Lajmet1 month agoInfantino kërkon falje për gabimet, por ruan mbështetjen e drejtuesve të FIFA-s
-
Sport1 month agoUellsi tërheq mbështetjen për Infantinon, kërkon ndryshim në krye të FIFA-s
-
Aktualitet1 month agoRusia sulmon Ukrainën me raketa balistike dhe dronë: Të paktën 14 të vrarë në Kjiv
-
Lajmet1 month ago“Spider-Man: Brand New Day” thyen rekorde, i afrohet miliardit në vetëm pak ditë