Platforma “Liria ka Emër” njofton organizimin e një marshi me motoçikleta drejt Hagës, i cili do të nisë nga Kompleksi Memorial “Adem Jashari” në Prekaz, me fillim në orën 08:00.

Ky marsh simbolik ka për qëllim mbështetjen e drejtësisë dhe nderimin e sakrificave të dëshmorëve të kombit.

Pjesëmarrësit do të bashkohen në këtë rrugëtim me motoçikleta, duke shprehur solidaritetin dhe përkushtimin për lirinë dhe drejtësinë./S.K/EO/

Presidentja e Komisionit Evropian, Ursula von der Leyen gjatë vizitës që po zhvillon në Ballkan, sot do të jetë e pranishme edhe në Kosovë për vizitë.

Zyra e Presidentes ka njoftuar se Von der Leyen do të takohet me të paren e shtetit, Vjosa Osmani.

Po ashtu, është bërë e ditur se gjatë vizitës së saj, ajo pritet të mbajë takim edhe me kryeministrin në detyrë, Albin Kurti.

Sipas komunikatës për media, ky takim pritet të zhvillohet me fillim nga ora 13:00./S.K/EO/

Në Gjykatën Themelore të Gjakovës do të mbahet seanca e radhës gjyqësore lidhur me rastin e vrasjes së dy vëllezërve, Blerim dhe Haxhi Islamaj, që ndodhi në qershor të vitit 2023.

Seanca do të nisë në orën 09:30.

Dy të akuzuarit për këtë vrasje, Gjergj Gjokaj dhe Zef Ademaj, tashmë janë paraqitur para gjykatës në një seancë të mëhershme, por të dy e kanë mohuar fajësinë për akuzat që rëndojnë mbi ta.

Gjergj Gjokaj, i cili po gjykohet si i pandehur, e ka pranuar pjesërisht fajësinë vetëm për mbajtjen pa leje të armës, mirëpo ka mohuar përfshirjen në vrasjen e dy vëllezërve Islamaj./S.K/EO/

Sot parashikohet të mbajë mot me vranësira dhe intervale me diell në Kosovë.

Temperaturat minimale pritet të lëvizin nga 5 deri 8 gradë Celcius, kurse ato maksimale prej 15 deri 18 gradë Celcius ka njoftuar IHMK.

Era pritet të jetë me shpejtësi 11-26km/h./S.K/KP