

Lajmet
Hamasi do të shqyrtojë propozimin e armëpushimit për lirimin e pengjeve
Published
12 months agoon
By
Betim GashiHamasi po shqyrton një kornizë të re të propozuar nga Egjipti që kërkon që grupi të lirojë deri në 33 pengje të rrëmbyer nga Izraeli në këmbim të një pauze në armiqësitë në Gaza, tha një burim izraelit i njohur me negociatat dhe një burim i huaj diplomatik për CNN.
Propozimi i fundit, për të cilin Izraeli ndihmoi në hartimin, por nuk ka rënë dakord plotësisht, është paraqitur në dy faza, e para prej të cilave kërkon që 20 deri në 33 pengje të lirohen gjatë disa javësh në këmbim të pauzës dhe lirimit të të burgosurve palestinezë. Faza e dytë është ajo që burimet e përshkruan si “rivendosje e qetësisë së qëndrueshme”, gjatë së cilës pengjet e mbetura, ushtarët izraelitë të robëruar dhe trupat e pengjeve do të shkëmbeheshin me më shumë të burgosur palestinezë.
Burimi diplomatik i njohur me bisedimet tha se referenca për qetësinë e qëndrueshme ishte “një mënyrë për të rënë dakord për një armëpushim të përhershëm pa e quajtur kështu”.
Pas muajsh bllokimi, marrëveshja nga të dyja palët do të ishte një hap i madh drejt përfundimit të luftës. Por një dështim për të rënë dakord mund të thellojë praninë e Izraelit në Gaza – nëse nuk arrihet marrëveshje, Izraeli ka të ngjarë të nisë një pushtim tokësor në shkallë të gjerë në qytetin jugor të Gazës, Rafah, ku janë strehuar më shumë se 1 milion palestinezë. Aleatët e Izraelit, përfshirë Shtetet e Bashkuara, kanë paralajmëruar kundër operacionit për shkak të potencialit për viktima civile në shkallë të gjerë.
Izraeli po pret një përgjigje nga Hamasi, i cili pritet të takohet me ndërmjetësuesit egjiptianë dhe katar në Kajro të hënën, thanë burimet. Një delegacion izraelit i nivelit të punës i Mossad, Shin Bet dhe zyrtarëve ushtarakë izraelitë pritet të udhëtojë në Kajro të martën, tha burimi izraelit dhe një zyrtar tjetër izraelit.
Një përgjigje nga Yahya Sinwar, lideri i Hamasit në Gaza, pritet brenda ditëve – ndoshta brenda 24 orëve të ardhshme.
Kohëzgjatja e fazës së parë të pauzës së armiqësisë do të lidhet me numrin e pengjeve të liruara, me kornizën e fundit që kërkon një pauzë njëditore për çdo peng, tha burimi izraelit, megjithëse ky numër pritet të ndryshojë gjatë negociatave më të thelluara.
Lirimi i 40 pengjeve për një armëpushim gjashtë-javor kishte qenë baza e negociatave për muaj të tërë, por Izraeli ka rënë dakord të pranojë më pak pengje në fazën e parë pasi Hamasi hodhi ofertën e tij për më pak se 20 persona në fillim të këtij muaji.

Disa prej përvojave trauamtike të fëmijërisë, siç janë neglizhenca, abuzimi fizik e emocional, apo edhe ndarja nga prindërit mund të rezultojë në vetëbesim të ulët
Te personat e rritur, vetëbesimi mund të ulet si pasojë e ndonjë sëmundje, humbja e punës, divorci, etj. Mungesa e saj i bën njerëzit ta shohin botën në mënyrë më ndryshe.
Për këta persona, bota bëhet vend më “armiqësor” dhe ata e shohin veten si viktima. Kështu, ata dështojnë ta shprehin vetveten dhe nuk i shfrytëzojnë mundësitë të cilat iu ofrohen në jetë.
Nëse jeni në mesin e këtyre personave që kanë vetëbesim të ulët, atëherë më poshtë ju sjellim disa mënyra si mund ta rritni vetëbesimin.
Largohuni nga negativiteti
Duhet t’ia rikujtoni vetes pavarësisht çfarë probleme keni, keni shumë dhurata. Jeni unik e nuk ka ndonjë njeri tjetër në botë si ju. Duhet ta konsideroni veten të vlefshëm, pastaj t’i identifikoni të gjitha mendimet negative dhe t’i sfidoni ato.
Kushtoni vëmendje pamjes tuaj
Kur është fjala për vetëbesimin, pamja luan rol të rëndësishëm. Mënyra si qëndroni, buzëqeshja, kontakti me sy e mënyra si flisni janë elemente që ndihmojnë të paraqiteni si person me vetëbesim. Një kontakt i qëndrueshëm me sy, ngrehja e shpatullave, buzëqeshja e veshja e mirë janë bonus për pamjen.
Qëndroni të përgatitur
Ndonjëherë vetëbesimi mund të ulet kur përjetoni ngjarje të papritura, siç mund të jetë humbja e punës. Ju duhet të përgatiteni për gjërat e pacaktuara dhe të mësoni çdo gjë në fushën tuaj. Kur jeni gjithmonë të përgatitur dhe keni sasi adekuate të njohurive, atëherë niveli juaj i vetëbesimit rritet.
Asnjëherë mos u dorëzoni
Dështimet janë pjesë e jetës – krejt çfarë duhet të bëni është të mos hiqni dorë. Rikujtojani vetes se ka zgjidhje për çdo problem.
Lajmet
Përmes muralit “7 të rënët” kërkohet të jetë prioritet shëndeti dhe siguria në punë
Published
11 hours agoon
April 28, 2025By
UBTnews
Në Ditën Ndërkombëtare të Sigurisë dhe Shëndetit në Punë në Prishtinë afër hapësirave të stacionit të trenit është shpalosur murali “7 të rënët”. Ky mural është përpjekje për të nderuar shtatë punëtorët e rënë në vendin e punës vitin e kaluar, dhe për të ngritur vetëdijen për rëndësinë e kushteve të sigurta dhe të shëndetshme në punë.
Murali është realizuar në kuadër të projektit “përtej punësimit” nga Qendra për Politika dhe Avokim (QPA) dhe mbështetur nga Ambasada e Suedisë në Kosovë dhe Frederich Elbert Stiftung.
Ambasadori i Suedisë në Kosovë, Jonas Westerlund tha se ky mural është rikujtim për institucionet, punëdhënësit dhe punëtorët se shëndeti në punë është prioritet. Ai tha se edhe shteti suedez ka dhënë kontributin e tij për sigurinë në punë në Kosovë.
Drejtori i Qendrës për Politika dhe Avokim (QPA), Milaim Morina tha se referuar shifrave të këtij fillim viti gjendja është shqetësuese.
Sipas tij vetëm në tre muajt e parë të vitit 2025 në vendin e punës kanë vdekur 3 punëtorë, ndërsa janë lënduar afër 90.
Menaxheri i programit në Frederich Elbert Stiftung, Egzon Osmani theksoi se ky mural është thirrje për reagim dhe ofrim të sigurisë në vendin e punës.
Dita Botërore për Sigurinë dhe Shëndetin në Punë mbahet çdo vit më 28 prill.
Kjo ditë u iniciua për të promovuar dhe diskutuar rëndësinë e të pasurit një mjedis pune të sigurt dhe të shëndetshëm. Të dhënat tregojnë se vdekjet që kanë ndodhur si pasojë e aksidenteve në punë janë 19% globalisht.
Lajmet
Kosova lëshon urdhërarrest ndaj Milan Radoçiqit dhe 19 tjerëve për krime lufte
Published
11 hours agoon
April 28, 2025By
UBTnews
Gjykata Themelore në Prishtinë ka lëshuar urdhërarrest ndaj Millan Radoiçiqit dhe 19 serbëve të tjerë për veprën penale “Krime lufte kundër popullatës civile”.
Ata dyshohen se kanë vrarë rreth 106 civilë shqiptarë në Gjakovë, raporton “Betimi për Drejtësi“.
Këtë e ka konfirmuar për “Betimi për Drejtësi” prokurori special, Ilir Morina.
Ndryshe, Milan Radoiçiq akuzohet edhe për sulmin terrorist në Banjskë të Zveçanit, sulm për të cilin edhe e ka pranuar përgjegjësinë. Për këtë rast, Gjykata ka lëshuar letërreshtime ndërkombëtar për sigurimin e prezencës së Radoiçiqit dhe të pandehurve tjerë në procedurë.
Prokuroria Speciale e Republikës së Kosovës (PSRK) më 11 shtator 2024 ka ngritur aktakuzë kundër Milan Radoiçiqit dhe 44 të tjerëve për sulmin terrorist të 24 shtatorit 2023 në Banjskë të Zveçanit. Të akuzuarit ngarkohen se përmes përdorimit të dhunës me armatim të rëndë, tentuan ta shkëpusin pjesën veriore të territorit të Republikës së Kosovës e t’ia bashkojnë Republikës së Serbisë, me ç’rast si rezultat i dhunës së përdorur ka mbetur i vdekur zyrtari policor Afrim Bunjaku e u rrezikua jeta e zyrtarëve tjerë policorë dhe popullatës civile.
Aktakuza e Prokurorisë Speciale ngarkon 44 persona fizikë dhe një person juridik “RAD D.O.O”. Listës së të akuzuarve i prin Milan Radoiçiq. /BetimipërDrejtësi
Lajmet
Punimet në sheshin “Xhorxh Bush”, reagon Policia
Published
12 hours agoon
April 28, 2025By
UBTnews
Drejtoria Rajonale e Policisë së Kosovës në Prishtinë bëri të ditur se prezenca e zyrtarëve policorë në sheshin “Xhorxh Bush” sot ishte në asistim të Drejtorisë së Inspektoratit të Komunës së Prishtinës, për aktivitete të planifikuara në kuadër të punës sekondare, aktivitete këto që nuk ndërlidhen me asistimin e kryerjes se punimeve në atë zonë.
“Zyrtarët policorë veprojnë në bazë të parimeve të ligjshmërisë, proporcionalitetit dhe neutralitetit, duke respektuar në çdo rast ndarjen e pushteteve dhe kompetencat e institucioneve të tjera.
Çdo pretendim që sugjeron tejkalim të kompetencave nga Policia e Kosovës është i pabazuar dhe bie ndesh me misionin tonë për të vepruar në mënyrë të paanshme dhe në përputhje me ligjin.
Policia e Kosovës mbetet e përkushtuar për të ofruar mbështetje institucionale në përputhje me ligjin dhe për të garantuar sigurinë publike, duke respektuar gjithmonë kufijtë e kompetencave të saj”, thuhet në reagimin e Policisë.

Rriteni vetëbesimin përmes këtyre teknikave

Irani akuzon Netanyahun se po tenton t’i pengojë bisedimet me SHBA-në

Dubois vs Usyk më 19 korrik për unifikimin e katër titujve në peshën e rëndë

Gazetaria e sotshme dhe ajo hulumtuese, e skajshme, periferike dhe larg problemeve akute që po na rrethojnë

Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”

Meta përballet me një tjetër padi në Afrikë “për trajtimin e moderatorëve të përmbajtjes”

Von der Leyen dhe Trump do të takohen kur marrëveshja tregtare BE-SHBA të jetë gati

Shtëpia e Bardhë reagon pas shpalljes së armëpushimit nga Putin

Cilat janë shkaqet më të zakonshme të mungesës së hekurit?
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet2 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë1 month ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur