Modë

Halima Aden: Industria e modës mund të jetë shumë shfrytëzuese

Published

5 years ago

on

Halima Aden, modelja myslimane e cila u bë e njohur për veshjen e shamisë të saj në pasarelë dhe në fotosesione, ka goditur industrinë e modës për shfrytëzimin e modeleve të reja nga kjo industri.

Aden u largua nga industria në nëntor të vitit 2020, duke përmendur komprometimin e besimit të saj dhe duke u ndjerë si një “pakicë brenda një pakice”.

Në një intervistë të re për BBC-në, Aden thotë se në fund të karrierës së saj si model ndjeu se kishte humbur kontrollin për identitetin e saj. “Dy vitet e fundit, unë i besova ekipit në set për t’u kujdesur për dukjen e ferexhesë sime dhe kjo është kur hasa në probleme,” thotë ajo, “si xhinse që vendoseshin në kokën time në vend të një shalli të rregullt. Mënyra sesi e stiluan, unë isha aq larg nga imazhi im. Ferexheja ime vazhdoi të zvogëlohej dhe bëhej gjithnjë e më e vogël në çdo fotosesion”.

Në vitin 2016, Aden ishte garuesja e parë myslimane e mbuluar plotësisht që garoi në konkursin “Miss Minnesota SHBA”. Ajo më vonë nënshkroi me “IMG Models”.

“Kur fillova mendova: ‘Kjo do të hap derën për kaq shumë vajza të komunitetit tim”, thotë ajo. “Asnjëherë nuk kam arritur të shfletoj një revistë dhe të shoh dikë me ferexhe, kështu që të jesh ai person për vajzat e tjera ishte një ëndërr e vërtetë. Por dy vitet e fundit [të karrierës sime], kam pasur kaq shumë konflikte të brendshme”.

Në reagim ndaj ngjarjeve të modeleve të tjera që shfrytëzohen në sheshxhirim, Aden thotë se njerëzit në industri mendojnë se modelet janë “të lehta për t’u shfrytëzuar. Moda mund të jetë një industri shumë shfrytëzuese”.

Më 2019, Aden bëri historinë duke u bërë modelja e parë me shami, të dizajnuar nga Tommy Hilfiger.

Related Topics:
Continue Reading

Modë

Ndahen Kendall Jenner dhe Bad Bunny 

Published

2 years ago

on

December 19, 2023

By

Modelja Kendall Jenner dhe këngëtari Bad Bunny thuhet se janë ndarë, kjo pas 10-muajsh.

Një tjetër burim i tha Entertainment Tonight se “Kendall dhe Bad Bunny janë marrë me punët e tyre kohët e fundit dhe lidhja filloi që gradualisht të përfundojë”.

As Kendall, 28, as Ocasio, 29, nuk kanë bërë ndonjë koment publik në lidhje me ndarjen e tyre.

Çifti fillimisht ndezi thashethemet për romancë në shkurt, kur ata u panë me Hailey Bieber dhe Justin Bieber në një takim të dyfishtë.

Kendall dhe Ocasio bënë debutimin e tyre si çift në shfaqjen Gucci në Milano në shtator, përpara se të bashkëpunonin në një kampanjë më vonë atë muaj./UBTNews/
​

Continue Reading

Lajmet

Pas bojkotit masiv, Zara tërheq reklamën ku u akuzua se tallej me luftën në Gaza

Published

2 years ago

on

December 12, 2023

By

Kompania spanjolle Zara ndryshoi imazhet e diskutueshme në faqen e saj mes thirrjeve nga aktivistët për të bojkotuar markën.

Më herët, Zara kishte shfaqur imazhe në faqen e saj që disa aktivistë pro-palestinezë thonë se duken sikur ishin të frymëzuar nga shkatërrimi i Rripit të Gazës që nga 7 tetori ku janë vrarë mbi 18,000 njerëz, shumica gra dhe fëmijë.

Në një imazh në veçanti, një modele mban një figurë njerëzore të mbështjellë me të bardhë mbi supin e saj, që ngjason me qefinet që përdoren për të mbuluar të vdekurit. Pas saj, shihen copa muri të shkatërruara.

Imazhet e tjera tregojnë manekinëve që u mungojnë gjymtyrët.

Aktivistët, të goditur nga ngjashmëria e fotove me situatën kaotike në Gaza, ku njerëzit shihen teksa mbajnë kufoma, vërshuan burimet e mediave sociale të Zarës me mijëra mesazhe që bënin thirrje për bojkot. Përfundimisht, #BoycottZara ishte në trend në platformën X.

“Unë kam qenë një klient besnik prej kohësh për veshje dhe parfume. Jo më. Fushatë shumë e pakëndshme. Nuk mund të bashkohem me një kompani që nuk ka busull morale”, kishte shkruar një përdoruese e X.

“Qëllimisht festoni një gjenocid”, shkroi një tjetër përdorues i Instagramit.

Disa media të tjera raportojnë se Zara pretendon se e ka konceptuar dhe realizuar sesionin fotografik përpara datës 7 tetor.

Në rrjetet sociale, disa nga imazhet e fushatës mbeten, të shkrepura në studion e një artisti. Sipas Zarës, ata festojnë “angazhimin e markës ndaj mjeshtërisë dhe pasionin për shprehjen artistike”.

Kjo nuk është hera e parë që Zara kritikohet për çështjen e Palestinës./UBTNews/

Continue Reading

Modë

Kylie Jenner nderohet me çmimin “Brand Innovator of the Year”

Published

3 years ago

on

November 2, 2023

By

Revista e emëroi manjatën e bukurisë muajin e kaluar pasi ajo debutoi linjën e saj të re të veshjeve Khy në  nëntor.

Ylli i Kardashians, 26 vjeç, u nderua me këtë arritje nga WSJ në ceremoninë mbajtur të mërkurën në Muzeun e Artit Modern në New York City. Ajo kishte veshur një fustan të zi Ferragamo.

Asaj iu dorëzua çmimin nga stilisti Haider Ackermann, i cili ka punuar me manjatën e Kylie Cosmetics për pamjen e saj në Met Gala të vitit 2023.

Në fjalimin e saj të shkurtër, Jenner falënderoi revistën WSJ. “Gjithmonë e kam dashur bukurinë dhe modën dhe jam njohur për suksesin e markave të mia që kam ndërtuar dhe [brendi] Khy u lansua sot”, tha ajo. “Është kaq e veçantë për mua”.

Jenner tha se koleksioni ishte “me të vërtetë i frymëzuar nga veshjet e mia personale dhe disponimet e ndryshme në të cilat jam”.

“Në mënyrë kreative kam një vizion të fortë se si dua të dukem dhe çfarë dua të bëj dhe çfarë dua të vesh”, tha ajo për WSJ. “Askush nuk më thotë se çfarë të bëj”./UBTNews/

Continue Reading

Kulturë

Kendall Jenner dhe Bad Bunny së bashku në reklamën e Gucci

Ata janë fytyrat e reja të linjës së udhëtimit Gucci Valigeria.

Published

3 years ago

on

October 2, 2023

By

Kendall Jenner dhe Bad Bunny janë fytyrat e reja të linjës së udhëtimit Gucci Valigeria.

Në reklamat e publikuara më 30 shtator, Kendall dhe Bad Bunny mbajnë valixhe të ndryshme dhe çanta nga koleksioni i firmës Gucci Savoy. Reklamat u publikuan një javë pasi Kendall dhe Bad Bunny u fotografuan, të ulur në rreshtin e parë së bashku në shfaqjen Gucci Ancora gjatë Javës së Modës në Milano në Itali.

Dyshja ndezën për herë të parë thashethemet për romancë në shkurt, kur u panë në darkë me Justin Bieber dhe gruan Hailey Bieber. Që atëherë, Bad Bunny dhe Kendall janë parë në më shumë dalje dhe gjithashtu kanë pushuar me miqtë. Në fillim të këtij muaji, ata  shijuannjë natë takimi në restorantin Carbone në New York City.

Pavarësisht paraqitjeve të shumta të përbashkëta këtë vit, çifti nuk e kanë adresuar publikisht statusin e tyre të marrëdhënies.

“Njerëzit dinë gjithçka për mua, kështu që çfarë më mbetet për të mbrojtur? Jetën time private, jetën time personale. Kjo është e vetmja përgjigje”, tha reperi për Rolling Stone në qershor. “Në fund të fundit, e vetmja gjë që kam është privatësia ime”./Lapsi.al

Continue Reading

Të kërkuara