Lajmet

Hajdari thotë se eksporti u rrit gati për 63%, agjenda evropiane u përmbush 75%

Ajo në konferencën e fundit për këtë vit shtoi se edhe investimet janë rritur për 52.9% krahasuar me vitin 2020.

Published

on

Ministrja e Industrisë, Ndërmarrësisë dhe Tregtisë, Rozeta Hajdari tha se vlera e eksportit për vitin 2021 është rritur për 62.7% dhe se ShBA-ja dhe Shqipëria janë vendete e para ku eksporton Kosova. Ajo në konferencën e fundit për këtë vit shtoi se edhe investimet janë rritur për 52.9% krahasuar me vitin 2020.

“Të dhënat nga Banka Qendrore e Kosovës është se viti 2021 është për 52.9% më shumë investime se viti 2020 apo 79.7% më i lartë se viti 2019. Në bazë të raporti të BQK-së vlera e eksportit janar-gusht 2020 ka qenë 290.1 milionë euro ndërsa vlera e eksportit janar-gusht 471.9 milionë euro, d.m.th. kemi rritje për 62.7% të eksportit në vitin 2021. ShBA-ja dhe Shqipëria janë vendet e para ku Kosova eksporton dhe Shqipëria është vendi i 5 që importon në Kosovë”, deklaroi ajo.

Sipas saj, plani i Ministrisë ka përfshirë gjashtë prioritetet, ku shumica prej tyre janë realizuar gati tërësisht.

75% e masave për agjendën evropiane, janë përmbushur nga kjo ministri thotë ministrja, përderisa shtoi se kanë miratuar edhe një varg projektligjesh e shumë të tjera janë në procedurë sa i përket përafrimit më ligjet e BE-së.

“Plani i Ministrisë ka përfshirë gjashtë prioritetet. Janë përmbushur rekomandimet e MSA-së. Kemi arritur 75% e masave për agjendën evropiane. Kemi miratuar disa ligji që lidhen me zotimet e BE-së, për cilësinë e naftës, për tregti me jashtë, për mbrojtjen e konkurrencës etj. Kemi në procedurë edhe një numër të madh projektligjesh në shqyrtim”, deklaroi Hajdari.

Hajdari ka sqaruar se falë punës kanë arritur që të ketë 54% më shumë inspektime. Ajo ka folur edhe për kërkesën që kanë bërë në CEFTA që Kosova mos të përfaqësohet më si UNMIK, por që tha se nuk është miratuar si e tillë.

“Përmirësimi i të bërit biznes janë miratuar lidhe e udhëzime në këtë drejtim. Kemi 54% më shumë inspektimi. Programi i tregut të përbashkët me financim nga BE-ja, ku mund të aplikohet dhe do të mbështet me 4.2 miliardë euro deri në vitin 2027. Zhvillimi i politikave tregtare dhe industriale: Kemi organizuar numër të madh seminaresh dhe kemi marrë pjesë në shumë forume. Kemi miratuar edhe programin për eliminimin e barrierave tregtare. Është dërguar në CEFTA kërkesa për heqjen e përfaqësimit me UNMIK, por që nuk është miratuar në mungesë të konsensusit”, tha Hajdari.

Turizmi tha ajo mbretet prioritete, duke bërë të ditur se 142 kompani me potencial eksporti do të përkrahen me 9.8 milionë euro kredi të butë.

Lajmet

PSG e detyron Skriniarin të stërvitet me ekipin U21

Published

on

Milan Skriniar aktualisht është duke pritur të shohë nëse Paris Saint-Germain dhe Fenerbahçe do të finalizojnë më në fund një marrëveshje për transferimin e tij të përhershëm në Turqi, ku ai luajti si huazim në gjysmën e dytë të sezonit të kaluar.

Sipas “Équipe”, palët janë afër arritjes së një marrëveshjeje me vlerë 10 milionë euro, me PSG-në që ka publikuar raportime se ajo mund të arrihet deri në fund të kësaj jave.

Ndërkohë, siç raporton gazeta franceze në edicionin e saj online, ish-mbrojtësi i Interit po stërvitet me ekipin parizien U-21, duke arritur në qendrën stërvitore me taksi nga hoteli i tij, ku po qëndron përkohësisht me shpresën se marrëveshja do të materializohet shpejt.

Continue Reading

Lajmet

​Objektivi i madh i Chelseat mungon në miqësoren e klubit aktual

Published

on

Chelsea është afër blerjes së Jorrel Hatos mbi 40 milionë euro, pasi ylli i Ajaxit mungon në miqësoren kundër Comos duke nxitur spekulimet për transferimin e tij.

Pasi mungoi në miqësoren kundër Celtic, Jorrel Hato u la përsëri jashtë skuadrës së Ajaxit për ndeshjen e tyre kundër Comos, mes spekulimeve se mbrojtësi holandez mund të bashkohet me Chelsean këtë verë. “Blutë” kanë qenë në bisedime me skuadrën e Eridivisie që nga fillimi i korrikut dhe tani thuhet se janë afër sigurimit të transferimit të 19-vjeçarit.

Sipas “The Athletic”, “Blutë” janë afër arritjes së një marrëveshjeje me Ajaxin për transferimin e Hatos. Bisedimet janë ende duke vazhduar midis dy klubeve, ndërsa mbrojtësi holandez ka rënë dakord për kushtet personale me gjigantët e Premier Ligës .

Raporti shton se Chelsea po negocion me Ajaxin për të ulur çmimin e kërkuar prej 40 milionë eurosh. “Blutë” ishin të lidhur me një transferim të mbrojtësit që nga fillimi i korrikut. Hato u kërkua gjithashtu nga Arsenali në janar 2024, megjithatë, i riu më vonë nënshkroi një kontratë të re pesëvjeçare me klubin.

Hato debutoi me ekipin e parë për Ajaxin në vitin 2023 dhe është paraqitur në 111 ndeshje në të gjitha garat. Në sezonin 2024-25, adoleshenti luajti kryesisht në pozicionin e mbrojtësit të majtë, megjithëse është i aftë të luajë edhe si mbrojtës qendror.

Fituesit e Kupës së Botës për Klube do të luajnë dy ndeshje miqësore kundër Bayer Leverkusen dhe AC Milan në shtëpi, përpara se të nisin sezonin e ri kundër Crystal Palace më 17 gusht.

Continue Reading

Lajmet

​Trump sërish përmend Kosovën e Serbinë

Published

on

By

Presidenti i Shteteve të Bashkuara të Amerikës, Donald Trump, ka përmendur sërish Kosovën dhe Serbinë.

Donald Trump gjatë një vizite disaditore në Skoci u takua sot me kryeministrin britanik Keir Starmer.

Ai para mediave ka folur për tema ndryshme aktuale në botë. Ai tha se ka shumë armëpushime në botë dhe sikur ai nuk do të ishte në detyrë, do të zhvilloheshin gjashtë luftëra.

Nëse nuk do të isha unë këtejpari, do të ishin tani gjashtë luftëra të mëdha. India do të luftonte me Pakistanin. Serbia dhe Kosova janë një tjetër. Ne kemi shumë pika të nxehta që ishin në luftë”, ka thënë Trump.

Ai tha se ndërhyrja e tij çoi në një armëpushim mes Tajlandës dhe Kamboxhias, teksa përmendi edhe marrëveshjen e paqes mes Ruandës dhe Kongos pas shumë viteve luftë dhe miliona të vdekur.

Trump tha se është i zhgënjyer me presidentin rus Vladimir Putin dhe po e shkurton afatin 50-ditor që i dha Rusisë për luftën në Ukrainë.

Jam i zhgënjyer nga presidenti Putin, shumë i zhgënjyer prej tij. Po e shkurtoj afatin 50-ditor që i dhashë,” tha Trump.

Presidenti amerikan njoftoi dy javë më parë se i kishte dhënë Putin 50 ditë për të arritur një marrëveshje me Ukrainën përpara se të përballej me pasojat.

Do të vendosim tarifa shumë të ashpra nëse nuk arrijmë një marrëveshje brenda 50 ditëve,” tha Trump në atë kohë.

Continue Reading

Lajmet

Sekuestrohen 73 motoçikleta nё Prishtinë

Published

on

By

Drejtoria e Policisë së Prishtinë ka njoftuar se po zbaton planin “Siguria në trafik”, me fokus të veçantë te motoçikletat dhe prishja e rendit dhe qetësisë publike.

Në kuadër të këtij plani, nga data 09.07.2025 e deri më datë 27.07.2025 janë sekuestruar 73 motoçikleta, për mungesë të dokumentacionit të nevojshëm, skadim të afatit të regjistrimit dhe pa kategori përkatëse.

Po ashtu, janë shqiptuar 358 gjoba ndaj drejtuesve të motoçikletave.

Drejtoria e Policisë së Kryeqytetit ka apeluar tek të gjithë pjesëmarrësit në komunikacion, e veçanërisht tek ngasësit e motoçikletave, tё respektojnë rregullat e komunikacionit.

Continue Reading

Të kërkuara