Sport

Haaland futet në histori të Premier Ligës

22-vjeçari ka edhe pesë ndeshje të tjera për të shtuar numrin e tij të golave.

Published

3 years ago

May 4, 2023

UBT news

Sulmuesi i Manchester Cityt, Erling Haaland ka thyer rekordin për më shumë gola të shënuar në një sezon në Premier Ligë.

Norvegjezi shënoi golin e tij të 35-të në kampionat kundër West Hamit për të kaluar para Alan Shearer dhe Andreë Cole që kishin shënuar nga 34 brenda një sezoni.

Haaland kishte vendosur tashmë një rekord për një sezon me 38 ndeshje, duke kaluar 32 golat e Mohamed Salah për Liverpoolin në sezonin 2017-18.

“Është një natë e veçantë dhe një moment i veçantë. Jam shumë i lumtur dhe krenar”, tha Haaland për “Sky Sports”.

22-vjeçari ka edhe pesë ndeshje të tjera për të shtuar numrin e tij të golave.

“Ndjenjë e mahnitshme dhe jam vërtet i lumtur dhe jam gjithashtu i lumtur për tre pikët”, tha ai për BBC. “Në fund kjo është ajo që ka rëndësi dhe jam i lumtur”.

“Po shkon mirë dhe tani është koha për t’u fokusuar në ndeshjen tjetër. Unë e kam thënë këtë për një kohë të gjatë dhe kjo është ajo që skuadra po bën. Ekipi është shumë i mirë dhe unë jam i lumtur”, shtoi më tutje Haaland.

Goli i 35-të i sezonit të Haaland-it erdhi përmes një aksioni të shkathët në pjesën e dytë të një fitoreje 3-0 kundër “Hammers” që e ktheu Cityn në krye të tabelës.

Atij iu krijuar një koridor nderi nga shokët e tij të skuadrës, trajneri Pep Guardiola dhe stafi i klubit pas përfundimit të ndeshjes.

Sport

Hendboll: Kosova publikon listën për ndeshjet me Finlandën në Euro 2026

Published

41 minutes ago

February 25, 2026

UBTNews

Përzgjedhësi i Kombëtares së Kosovës në hendboll, Agron Shabani, ka shpallur listën e lojtareve të ftuara për dy ndeshjet ndaj Finlandës në kuadër të fazës së dytë kualifikuese për Euro 2026.

Ndeshja e parë zhvillohet më 5 mars nga ora 17:30 në Vantaa, Finlandë, ndërsa ndeshja e dytë më 8 mars nga ora 17:15 në Pallatin e Rinisë dhe Sportit në Prishtinë.

Lojtaret e ftuara janë:

Albina Pllana

Tina Hetemi

Elisa Mulaj

Melisa Mulaj

Yllka Shatri

Elvina Qorraj

Venera Kafexholli

Aulona Maloku

Vanesa Kastrati

Diona Dresh

Mirjeta Bytyqi

Merlinda Qorraj

Arjeta Imeraj

Aurora Kryeziu

Orgesa Gola

Dafina Mustafa.

Sport

Sot ndeshje interesante në Ligën e Kampionëve, a do të mbijetojë Juventusi?

Published

1 hour ago

February 25, 2026

UBTNews

Sot zhvillohet rundi i dytë i ndeshjeve të fazës së eliminimeve në Ligën e Kampionëve. Katër skuadra do të vazhdojnë garat në rangun tjetër, ndërsa katra të tjera do të përshëndeten për këtë vit nga gara prestigjioze.

Nga ora 18:45 takohen Atalanta – Borusia Dortmund. Në ndeshjen e parë, gjermanët fituan 2:0.

Juventus pret turqit e Gallatasarajit, të cilët në ndeshjen e parë arritën rezultat historik, duke mundur gjigantët italianë më rezultat 5”2.

Takohen edhe Paris Saint Germain me Monakon. Në ndeshjen e parë parisienët fituan 3:2.

Ndeshja e fundit është ajo mes Real Madridit e Benfikës. Në ndeshjen e parë, Reali fitoi me rezultat të ngushtë 1:0.

Tri ndeshjet e fundit zhvillohen nga ora 21:00.

Sport

Bodø/Glimt trondit Interin 2-1 në “San Siro”

Published

1 hour ago

February 25, 2026

UBTNews

Mbrëmja evropiane në “San Siro” solli një nga surprizat më të mëdha të viteve të fundit në UEFA Champions League. Kampionët e Norvegjisë, Bodo/Glimt, mposhtën Interin me rezultat 2-1 në Milano, duke vulosur kualifikimin me shifrat e përgjithshme 5-2 dhe duke siguruar një vend në fazën e 1/8-tave.

Skuadra italiane e nisi ndeshjen me pritshmëri të larta, por mysafirët treguan qetësi dhe organizim të admirueshëm. Në minutën e 58-të, Jens Petter Hauge përfitoi nga një gabim në mbrojtjen zikaltër dhe kaloi norvegjezët në epërsi. Vetëm 14 minuta më pas, Hauge u shndërrua në asistues, duke shërbyer për Hakon Evjen, i cili dyfishoi avantazhin dhe heshti tribunat italiane.

Interi reagoi në minutën e 76-të me golin e Alessandro Bastonit, por kjo mjaftoi vetëm për të zbutur humbjen, jo për të shmangur eliminimin.

Me këtë sukses, Bodo/Glimt hyn në histori si skuadra e parë norvegjeze që fiton dy ndeshje në fazën eliminatore të Champions League. Jo vetëm kaq, ata u bënë edhe ekipi i parë jashtë pesë ligave më të forta evropiane që regjistron katër fitore radhazi ndaj skuadrave nga këto kampionate, një arritje që nuk ishte parë që nga epoka e artë e Ajaxit në sezonin 1971/72, i udhëhequr nga legjenda Johan Cruyff.

Seria mbresëlënëse e norvegjezëve kishte nisur më herët me fitore ndaj gjigantëve evropianë si Manchester City dhe Atlético Madrid, përpara se të konfirmohej kulmi me dy triumfe ndaj Interit.

Tashmë, sytë janë drejt shortit të radhës, ku Bodo/Glimt mund të përballet me Sporting CP ose sërish me Manchester Cityn. Mbetet për t’u parë nëse aventura e tyre do të vazhdojë si një përrallë moderne e futbollit evropian, apo nëse surpriza do të ndalet këtu.

Në Ligën e Kampionëve mbrëmë janë zhvilluar edhe tri ndeshje. Në raundin tjetër ka kalur Atletiko Mardid, pasi mundi Bryzhin e Beligjikës me rezultat të përgjithshëm 7:4 (3:3 ndeshja e parë, 4:1 dje). Leverkuzeni eliminoi Olympiakosin me rezultat të përgjithshëm 2:0, që ishte rezultat i ndeshje së parë. Dje dy skuadrat luajtën barazim. Tutje kaloi edhe Njukastëll. Dje mundi Karabahun me rezultat 3:2, derisa në ndeshjen e parë kishte fituar 6:1.

Sport

Vajzat e Kosovës përballë Gjibraltarit dhe Kroacisë

Published

2 hours ago

February 25, 2026

UBTNews

Përfaqësuesja e vajzave të Kosovës në futboll do të zbresë në fushë në fillim të marsit për dy ndeshje të rëndësishme ndërkombëtare.

Takimi i parë do të zhvillohet më 3 mars 2026, me fillim nga ora 17:00, në Stadiumin “Fadil Vokrri” në Prishtinë, ku Kosova do të përballet me Kombëtaren e Gjibraltarit. Dardanet synojnë ta nisin me fitore këtë cikël ndeshjesh para publikut vendas.

Katër ditë më vonë, më 7 mars 2026 në ora 17:00, Kosova do të luajë në transfertë ndaj Kombëtares së Kroacisë. Ndeshja do të zhvillohet në stadiumin “Branko Čavlović-Čavlek” në Karlovac.

Këto përballje pritet të jenë një test i rëndësishëm për vajzat e Kosovës, të cilat synojnë paraqitje sa më të mira dhe vazhdim të ngritjes në arenën ndërkombëtare.