

Sport
Gundogan duke e pritur interesimin nga Barcelona
Mesfushori do të pezullojë bisedimet për një kontratë të re te Manchester City.
Published
4 years agoon
By
Betim GashiMesfushori do të pezullojë bisedimet për një kontratë të re te Manchester City.
Ilkay Gundogan do të pres që Barcelona të tregojë interesim serioz në të, para se të marrë ndonjë vendim mbi të ardhmen e tij te Manchester City, raporton “Sun”.
Gundogan ka edhe dy vite të tjera të mbetura në kontratën e tij aktuale dhe City dëshiron që t’ia vazhdojë qëndrimin në klub duke i ofruar një kontratë të re, përcjell KosovaPress.
Nëse mesfushori gjerman refuzon që të fillojë bisedimet, atëherë kampioni i Premier Ligës angleze pritet ta shes atë këtë verë, ku edhe mund të përfitojnë një shumë të mirë për shërbimet e tij, për të krijuar fonde për transferimin e Kane dhe Grealish.
Ish-lojtari i Borussia Dortmundit është i lumtur në stadiumin “Etihad”, por dëshiron që të transferohet te “Blaugranët”, dhe është i gatshëm që të pres para se të merr vendimin për të nënshkruar kontratën e re me Cityn.
Sezonin 2020/21, Gundogan ishte ndër lojtarët kyç për skuadrën e Pep Guardiolas në rrugëtimin drejt titullit të Premier Ligës angleze, ku ka bërë 28 paraqitje duke regjistruar 13 gola dhe tre asistime mbi emrin e tij.
Sport
Shënon supergol nga goditja e dënimit, 15-vjeçari shqiptar shkruan histori në Zvicër
Published
24 minutes agoon
April 1, 2025By
UBT NEWS
Altin Azemi, një mesfushor i talentuar shqiptar, ka bërë debutimin e tij në kategorinë e dytë të Zvicrës me një performancë që do ta bëjë të njohur për çdo tifoz futbolli. Në moshën vetëm 15 vjeçare, Azemi shkroi një kapitull të ri në historinë e futbollit zviceran, duke shënuar një supergol nga goditja e dënimit që i siguroi fitoren ekipit të tij, Neuchatel Xamaxi, me rezultatin 6-2 kundër Schaffhausenit.
Ndeshja e së hënës e mbajti të gjithë në tension deri në momentin e fundit. Në minutën e 88-të, Altin Azemi hyri në fushë për herë të parë si zëvendësues, dhe vetëm gjashtë minuta më vonë, ai mori përgjegjësinë për një goditje dënimi që do ta ndryshonte përjetësisht karrierën e tij. Me shumë qetësi dhe pasion, ai dërgoi topin në rrjetë, duke e bërë një goditje të bukur dhe duke festuar me emocion, duke hequr fanellën dhe duke e mbajtur lart, si një nderim për idhullin e tij, Lionel Messin. Kjo festë e zjarrtë do të çonte në kartonin e parë të tij në debutim, por nuk mund të hidhte hi kurrë mbi këtë moment historik.
Me këtë gol, Azemi bëhet lojtari më i ri i cili ka shënuar në Challenge League, me vetëm 15 vjet, 11 muaj dhe 2 ditë. Ai kaloi rekordin që mbahej nga Valon Duzhmani, i cili kishte shënuar në vitin 2006 për Kriensin kur ishte 16 vjeç, 5 muaj e 2 ditë. Ky moment nuk është vetëm një arritje personale për Azemin, por një moment i rëndësishëm për futbollin shqiptar, duke treguar potencialin e madh që ka ky djalosh i ri.
Altin Azemi nuk është vetëm një lojtar i zakonshëm. Ai ka treguar aftësi të jashtëzakonshme edhe në nivele të tjera. Ai ka dy paraqitje për përfaqësuesen e Zvicrës U15 dhe nëntë të tjera për Zvicrën U16, ku ka shënuar dy gola. Po ashtu, ai ka katër gola në 13 paraqitje këtë sezon në ligën e 17-vjeçarëve, dhe ka marrë pjesë në dy ndeshje edhe për ligën e 19-vjeçarëve në Zvicër.
Me një talent të jashtëzakonshëm dhe një qëndrim të ftohtë përballë presionit, Azemi është një lojtar që do të mbajë sytë e të gjithëve të drejtuar nga të ardhmen e tij. Padyshim, ai ka të gjitha mundësitë për të ndjekur pas gjurmët e idhujve të tij dhe për të bërë emër në futbollin ndërkombëtar. Historia e tij është vetëm fillimi, dhe të ardhmen e tij të ndritur vetëm koha do ta vërtetojë./UBTNews/
Sport
Ronaldo zbulon emrat që mund të marrin drejtimin e Brazilit
Published
2 hours agoon
April 1, 2025
Ronaldo “fenomeni” ka zbuluar se cilët janë të preferuarit e tij për të marrë detyrën e trajnerit të Kombëtares së Brazilit.
Në një intervistë për programin “Galvão e Amigos”, ish-lojtari renditi emrat që do të dëshironte të shihte në krye të Brazilit, me Pep Guardiolën, Jorge Jesus, Abel Ferreira dhe Renato Gaúcho në listën e tij.
“Do të përpiqesha, por me të vërtetë duhet të bëhet shumë më shpejt sesa po bën federata, natyrisht. Por do të provoja sipas radhës Guardiola, Jorge Jesus, Abel dhe nëse asnjëri nuk do të kishte sukses, do të kisha një plan me Renato Gaúcho, të cilin mendoj se do ta bënte si masë urgjente deri në Botëror”, ka thënë Ronaldo.
Përveç emërtimit të emrave të preferuar për të marrë përsipër Kombëtaren e Brazilit, ish-sulmuesi kritikoi programin e trajnimit të trajnerëve.
Sport
‘Muri i verdhë’ gati para Championsit, Barçën e pret ‘ferri’ në Dortmund
Published
3 hours agoon
April 1, 2025By
UBT NEWS
Borusia Dortmund ka arritur për herë të dytë radhazi në çerekfinalet e Ligës së Kampionëve dhe do të përballet me Barcelonën në një sfidë që premton shumë emocion. Ndeshja e parë do të zhvillohet në Spanjë më 9 prill, ndërsa ndeshja e kthimit do të zhvillohet në stadiumin legjendar të Dortmundit, Signal Iduna Park, më 15 prill.
Tifozët e Dortmundit, të njohur për pasionin dhe entuziazmin e tyre, janë tashmë në pritje të kësaj sfide të madhe. Siç raportohet nga Marca, kërkesa për bileta ka qenë jashtëzakonisht e lartë, duke tejkaluar kapacitetin e stadiumit që arrin në 81.365 vendet. Kërkesat për bileta kanë arritur deri në 300 mijë, duke dëshmuar se tifozët e Dortmundit janë të etur për këtë takim historik.
“Signal Iduna Park” është i njohur për atmosferën e tij elektrizuese dhe tifozët e quajnë atë “Muri i Verdhe”. Ata kanë një reputacion të jashtëzakonshëm për të mbështetur skuadrën e tyre me një entuziazëm që shpesh e kthen stadiumin në një “ferr” për kundërshtarët. Barcelona, me talente të mëdhenj si Hansi Flick dhe Lamine Yamal, do të hasin një atmosferë të nxehtë dhe të pasionuar, pasi tifozët e Dortmundit do të bëhen lojtari i dymbëdhjetë në fushë, duke krijuar një sfidë të vështirë për katalanasit.
Kjo përballje është padyshim një nga ato që nuk mund të humbet, dhe tifozët po presin me padurim për të parë se si do të zhvillohet ky duell i fortë për një vend në gjysmëfinalet e Ligës së Kampionëve./UBTNews/
Sport
Zbulohen pagat e lojtarëve dhe trajnerëve në Premier Ligë, Haaland dhe Guardiola kryesojnë listën
Published
4 days agoon
March 28, 2025
Janë zbuluar se cilët lojtarë dhe menaxherë marrin më shumë para në shtëpi çdo javë, ka shkruar Gazeta franceze L’Equipe.
Në krye të listës për nga lojtarët është Erling Haaland, i cili luan në Manchester City, dhe zgjatja e kontratës së tij më Cityn në fillim të vitit 2025 e ka bërë atë lojtarin më të paguar në Ligën Premier, i cili fiton 2.57 milionë euro në muaj apo 30 milionë në vit.
Pas tij radhitet, Kevin De Bruyne, që fiton 2.06 milionë euro apo rreth 25 milionë euro në vit, e që edhe ky është në skuadrën e Manchester City. Janë Casemiro (Manchester United), Mohamed Salah (Liverpool), me fitime prej 1.88 milionë euro në muaj a 22.5 milionë euro në vit.
Marcus Rashford (Aston Villa) dhe Raheem Sterling (Arsenal) plotësojnë pesëshen e parë me 1.67 milionë në muaj apo 20 milionë euro në vit secili. Sa i përket menaxherëve, Pep Guardiola kryeson listën me 1.98 milionë euro në muaj a rreth 24 milionë euro në vit.
Pas tij vjen Mikel Arteta (Arsenal), i cili fiton 1.48 milionë euro në muaj apo rreth 18 milionë euro në vit dhe David Moyes (Everton) me 1.23 milionë euro në muaj apo rreth 15 milionë euro në vit.

Dëshmitari i 126-të nuk erdhi të dëshmonte, ZPS-ja kërkon që dëshmia e tij të pranohet me shkrim

152 vjet më parë lindi Sergei Rachmaninoff, kompozitori dhe pianisti më i madh i të gjitha kohërave

Haradinaj pas sulmit në Zveçan: Sulmi i mbrëmshëm është vazhdimësi e logjikës terroriste të lidershipit në Serbi

Inflacioni në Kroaci po ngadalësohet – tani është në 3.2 përqind

Sekretari i Përgjithshëm i OSBE-së me Konakoviq: Jemi të gatshëm të mbështesim BiH në tejkalimin e krizës

ZRrE: Vendimi për çmimin e rrymës merret me 11 prill

Arrestohet roja e kryeministrit Mickoski, jepte informacione konfidenciale tek grupet kriminale

Kurti për sulmin në Zveçan: Nuk ka individ e as struktura që janë më të fuqishme se Kosova

Shënon supergol nga goditja e dënimit, 15-vjeçari shqiptar shkruan histori në Zvicër
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota2 months ago
Trump zbulon listën e zezë të Shtëpisë së Bardhë