Lajmet

Guinea shpall fundin e virusit Marburg

Published

on

Shpërthimi i virusit vdekjeprurës ‘Marburg’ në Guinea ka përfunduar zyrtarisht, kështu treguan
autoritetet shëndetësore të enjten, më pak se gjashtë javë që kur u zbulua rasti i parë, transmeton UBT News.

Asnjë rast i ri nuk u konfirmua nga punonjësit e shëndetësisë që monitoruan 170 kontaktet me
rrezik të lartë të pacientit të parë, i cili u diagnostikua pasi iu nënshtrua etheve hemorragjike
shumë infektive.

Përhapja e këtij virusi erdhi dy muaj pasi që shteti shpalli veten si të ‘lirë’ nga virusi Ebola.

“Sot ne mund të tregojmë ekspertizën që pësoi rritje në reagimin ndaj shpërthimit në Guinea
dhe ndikoi që në rajon të shpëtohen jetë, po ashtu që jemi përmbajtur duke shmangur një
shpërthim më të madh të këtij virusi”, theksoi Matshidiso Moeti, drejtor rajonal i OBSH-së për Afrikën.

Rasti i virusit Marburg u zbulua në rrethin Gueckedou të Guinesë, pranë kufijve me Liberinë dhe Sierra Leone.

Rastet e para të epidemisë Ebola (2014-2016) që është më e madhja në histori gjithashtu ishin
nga e njëjta zonë në rajonin pyjor të Guinesë Juglindore.

Në historinë e virusit Marburg kanë qenë 12 shpërthime të mëdha që nga viti 1967, shumica
e të cilave kanë ndodhur në Afrikën Jugore dhe Lindore.

Sipas OBSH-së, shkalla e vdekshmërisë ka ndryshuar nga 24% në 88% në shpërthimet e kaluara
në varësi të llojit të virusit dhe menaxhimit të rasteve nga vetë qeverisës.

Transmetimi i këtij virusi ndodh përmes kontaktit me lëngjet dhe indet e infektuara të trupit.
Simptomat e tij përfshijnë dhimbje koke, gjak në të vjella, dhimbje të muskujve dhe gjakderdhje
përmes grykave të ndryshme./UBTNews

Përktheu dhe përshtati: Leon Beqiri, student i Fakultetit Shkencave Politike në UBT.

Lajmet

Xhaka në garë me Haalandin dhe yjet e tjerë për t’u zgjedhur lojtari i muajit në Premierligë

Published

on

Ylli kosovar Granit Xhaka po shfaq formë të jashtëzakonshme në edicionin e ri dhe mbetet në garë yjet e tjerë për t’u zgjedhur lojtari i muajit në Premierligë

Xhaka u transferua gjatë verës nga Bayer Leverkuseni në Sunderland dhe menjëherë prezenca e tij ka pasur impakt në ekipin anglez.

Krahas organizimit të lojës, duke kontribuuar si në aspektin defanziv, ashtu edhe në atë ofanziv, veterani i mesfushës ka kontribuuar edhe me asistime, duke qenë lojtari më i rëndësishëm i Sunderlandit deri tash në sezonin 2025/26.

Për këtë, Premierliga e ka përfshirë përfaqësuesin zviceran në mesin e kandidatëve për t’u zgjedhur futbollisti më i mirë i muajit shtator.

Përpos Xhakës, në garë janë edhe lojtarët tjerë që bënë paraqitje pozitive në muajin që shkoi si: Erling Haaland, Danchi Kamada, Yankuba Minteh, Robin Roefs e Martin Zubimendi./S.K/EO/

 

Continue Reading

Lajmet

Europa League sonte vjen me 18 lojë

Published

on

Xhiroja e dytë e Europa League do të luhet këtë të enjte, ku në programin zyrtar do të jenë 18 ndeshje interesante që do të zhvillohen.

Vëmendja kryesore do të jetë fokusuar në lojën AS Roma – Lille, që nis nga ora 18:45 minuta.

Ndeshjet tjera që do të luhen sonte janë si në tabelën vijuese:

/S.K/EO/

Continue Reading

Lajmet

Klubet basketbollistike dhe shifrat që përfituan nga Ligji i Sponsorizimit

Published

on

Ligji i Sponsorizimit konsiderohet se ligji që i ka sjellë shumë benefite klubeve sportive të cilat përmes këtij ligji kanë rritur financat e tyre duke hapur kështu rrugë për investime edhe dhe përforcime të skuadrave.

Drejtori Ekzekutiv ne Agjencinë e Sportit brenda Ministrisë së Sportit, Fidan Shatri ka publikuar shot shifra e klubeve të Superligës së Kosovës në basketboll që kanë përfituar më së shumti gjatë vitit 2025 nga Ligji i Sponsorizimit.

Klubi i basketbollit Ylli ka kaluar milionëshin, më saktësisht skuadra nga Suhareka për përfituar 1,109,500.

Në vendin e dytë është KB Trepça që ka arkëtuar 817,000 euro, e ndjekur nga KB Sigal Prishtina me 410,000 euro dhe KB Bashkimi me 386,000 euro./S.K/KP/

Continue Reading

Lajmet

Presidentja Osmani takoi Sekretarin e Përgjithshëm të NATO-s, Mark Rutte

Published

on

By

Presidentja e Republikës së Kosovës, Vjosa Osmani është takuar me Sekretarin e Përgjithshëm të NATO-s, Mark Rutte, në Samitin e EPC në Danimarkë.

Presidentja Osmani ka shkruar në faqën e saj zyrtare në Facebook: “Kënaqësi të takoja Sekretarin e Përgjithshëm të NATO-s, z. Mark Rutte, në Samitin e EPC në Danimarkë. Ky takim ishte një mundësi e shkëlqyer për të riafirmuar gatishmërinë tonë për koordinim të rregullt në mbrojtje të paqes dhe sigurisë në Kosovë dhe gjithë Ballkanin Perëndimor.” shkroi Osmani.

Tutje ajo theksoi se NATO ka rolin vendimtar në garantimin e stabilitetit rajonal, si dhe përkushtimin e Kosovës për të qenë partnere e besueshme në përballjen me sfidat e përbashkëta./D.B

Continue Reading

Të kërkuara