Sport

Guardiola nuk ndalet, 70 milionë euro paguan për mbrojtësin e Benficas, Ruben Dias

Published

6 years ago

on

Blerja më e re e Manchester Cityt është Ruben Dias, që vjen nga klubi portugez Benfica. Skuadra nga Anglia ka paguar plot 70 milionë euro për transferimin e mbrojtësit, ku në këtë marëveshje është llogaritur edhe kalimi i Nicolas Otamendit në Benfica.

Lojtari është shprehur i lumtur me kalimin e tij tek gjiganti anglez, duke shprehur njëkohësisht edhe ambiciet e tij për të fituar tituj me klubin nga Manchesteri i Anglisë.

“Unë besoj që do të përmirësohem këtu, tek një klub që ambiciet përshtaten me ato të miat dhe unë do të jap gjithçka nga vetja për të qenë i suksesshëm dhe për të fituar tituj.”, ka thënë Ruben Dias, në fjalën e parë si lojtar i Manchester Cityt.

Pep Guardiola, në 4 vite si trajner i Manchester Cityt, ka shpenzuar mbi 400 milionë euro, vetëm në repartin e mbrojtjes, duke blerë emra si: Laporte, Mendy, Walker, e Cancelo./UBTNews

Related Topics:
Continue Reading

Sport

Përfaqësuesja e Kosovës në kickboks me paraqitje të shkëlqyer në “Turkish WAKO World Cup”

Published

3 hours ago

on

May 18, 2026

By

Përfaqësuesja e Kosovës në kickboks ka shënuar sukses të jashtëzakonshëm në turneun ndërkombëtar “Turkish WAKO World Cup”, ku morën pjesë afro 3 mijë garues nga 43 shtete të botës.

Për suksesin e sportistëve kosovarë ka reaguar edhe ministri në detyrë i Sportit dhe Rinisë, Blerim Gashani, i cili vlerësoi paraqitjen e tyre, duke theksuar se ata dëshmuan talent, disiplinë dhe potencial të madh për konkurrim në arenën ndërkombëtare.

Në mesin e rezultateve më të mira u veçua Art Dulaj, i cili fitoi medaljen e artë në kategorinë Full Contact pas tri fitoreve me nokaut, duke e ngritur flamurin e Kosovës në majën e podiumit.

Po ashtu, Artor Mehmeti dhe Nart Mehmeti fituan medalje të bronzta, pasi arritën deri në fazën gjysmëfinale të garës.

Vlerësime mori edhe gjyqtari ndërkombëtar Albin Musa për përfaqësimin profesional të Kosovës në këtë turne prestigjioz.

Ministri Gashani theksoi se institucionet do të vazhdojnë mbështetjen për sportistët kosovarë në rrugën drejt sukseseve të reja ndërkombëtare.

Continue Reading

Sport

Superliga ndez garën për titull dhe mbijetesë, Prishtina mban kreun

Published

3 hours ago

on

May 18, 2026

By

Fundjava në Superligën e Kosovës solli spektakël, rezultate befasuese dhe shumë emocione në stadiumet kosovare, ndërsa gara për kreun dhe mbijetesën po bëhet gjithnjë e më interesante.

Malisheva regjistroi fitore bindëse ndaj Drenica me rezultat 4:1, duke vazhduar formën pozitive këtë sezon.

Në një tjetër përballje interesante, Dukagjini triumfoi 2:0 ndaj Drita, rezultat që konsiderohet ndër surprizat e javës.

Spektakël me gjashtë gola u zhvillua në duelin ndërmjet Prishtina dhe Ferizaj, ku skuadrat ndanë pikët pas barazimit 3:3.

Fitore të rëndësishme në udhëtim arriti Llapi, që mposhti Gjilani me rezultat 2:1.

Ndërkohë, Ballkani fitoi me vështirësi ndaj Prishtina e Re me rezultat 3:2, në një ndeshje dramatike deri në fund.

Pas kësaj xhiroje, Prishtina vazhdon të kryesojë tabelën e Superligës, ndërsa Ferizaj dhe Prishtina e Re mbesin në zonën e fundit të renditjes.

Continue Reading

Sport

FC 2 Korriku kampion në Ligën e Parë dhe BPB Ligën U17

Published

4 hours ago

on

May 18, 2026

By

FC 2 Korriku ka kurorëzuar një sezon të jashtëzakonshëm në futbollin e vajzave, duke fituar titullin e kampionit në Ligën e Parë për seniore dhe njëkohësisht duke triumfuar edhe në BPB Ligën U17 – Grupi A. Me këtë sukses, ekipi i senioreve ka siguruar promovimin në Superligën e Kosovës.

Ky triumf i dyfishtë vjen si rezultat i një pune të vazhdueshme dhe të përkushtuar nga klubi, i cili që nga viti 2020 ka investuar në zhvillimin e futbollit të vajzave në kryeqytet. Pas suksesit shumëvjeçar në akademinë e djemve, FC 2 Korriku ka arritur të ndërtojë edhe një ekip konkurrues të vajzave, që tashmë do të jetë pjesë e elitës së futbollit kosovar.

Nga klubi kanë vlerësuar se ky sukses është fryt i vizionit të qartë, punës profesionale dhe përkushtimit të futbollisteve, trajnerëve dhe stafit drejtues gjatë gjithë sezonit.

Urime për futbollistet, trajnerët dhe gjithë kontribuuesit për këtë arritje të madhe, me dëshirën që rrugëtimi në Superligë të sjellë edhe më shumë suksese dhe rezultate pozitive për klubin dhe futbollin e vajzave në Kosovë.

Continue Reading

Sport

Trepça mposht Bashkimin dhe mbërrin në 3-0 në finale

Published

4 hours ago

on

May 18, 2026

By

Trepça ka shënuar një fitore jashtëzakonisht të rëndësishme ndaj Bashkimit me rezultat të ngushtë 80-84, në një atmosferë fantastike në palestren “Sezai Surroi” në Prizren, duke krijuar kështu një epërsi komode prej 3-0 në serinë finale të Playoff-it në Superligën e Kosovës në basketboll.

Ndeshja e tretë finale e këtij edicioni ofroi një luftë të madhe sportive dhe dramë deri në sekondat e fundit të takimit. Mitrovicasit e nisën më mirë ndeshjen duke e mbyllur pjesën e parë me një epërsi prej 10 pikësh, mirëpo prizrenasit nuk u dorëzuan dhe reaguan fuqishëm në pjesën e dytë. Bashkimi arriti ta përmbiste rezultatin dhe madje kaloi në avantazh gjatë çerekut të fundit, përpara se Trepça të tregonte karakter në momentet vendimtare dhe ta riktente epërsinë për ta mbyllur sfidën me triumf.

Te skuadra e Trepçës më të dalluarit në parket ishin Kenneth Hasbrouck me 22 pikë të shënuara dhe Dardan Kapiti, i cili kontribuoi me 14 pikë e 9 kërcime. Në anën tjetër, te Bashkimi nuk mjaftoi loja e shkëlqyer e Shannon Shorter, i cili ishte më efikasi i ndeshjes me 25 pikë e 5 kërcime, i ndihmuar edhe nga Jalen Riley që shtoi 22 pikë. Ndeshja e katërt e kësaj serie finale, ku Trepça mund të shpallet kampion, do të zhvillohet sërish në Prizren.

Continue Reading

Të kërkuara