Sport

Guardiola: Më thanë që duhet të fitosh Ligën e Kampionëve dhe do ta provojmë deri në fund

Published

6 years ago

on

Pep Guardiola nuk e ka harruar mesazhin që ai mori kur ai arriti për herë të parë në Manchester City në vitin 2016 – të fitojë Ligën e Kampionëve, ose nuk mund të konsiderohesh plotësisht i suksesshëm.

City triumfoi 2-0 në ndeshjen kthyese ndaj Borussia Monchengladbach duke siguruar kalimin në çerekfinale të Ligës së Kampionëve.

Megjithatë, Guardiola ka zbuluar se objektivi, suksesi dhe prestigji i vetëm i tij dhe klubit është nëse në fund arrijnë ta fitojnë trofeun e kësaj gare.

“Që nga viti i parë kur arrita te City, ata më thanë se duhet të fitosh Ligën e Kampionëve. Gjithmonë është mbi shpatullat tona, por unë nuk jam i shqetësuar për këtë. Nëse e meritoni atë në futboll, ju do të arrini. Nëse jo, nuk e bëni”, ka thënë fillimisht Guardiola pas ndeshjes.

“Unë nuk jam duke menduar për të shkuar në gjysmëfinale. Jam duke menduar për të bërë një lojë të mirë të parë dhe një lojë të mirë të dytë në çerekfinale”.

“Kur jeni duke menduar për atë që do të fitoni, ju harroni atë që duhet të bëni – analizoni kundërshtarin, formën tonë, mënyrën se si duam të luajmë, parimet tona dhe duke u përpjekur të bëni një lojë të mirë. Kjo është gjithçka që unë jam i shqetësuar”.

“Por, unë jam më shumë se i impresionuar dhe i kënaqur për lojtarët tanë në këtë vit të vështirë për të gjithë në shoqëri, duke qenë 14 pikë epërsi në Ligën Premier, në finalen e Carabao Cup, çerekfinalen e Ligës së Kampionëve dhe do të luajmë për të shkuar në gjysmëfinale të FA Cup”.

“Është më shumë sesa të fitosh një ndeshje çerekfinale ose një ndeshje në raundit të 16-të. Kjo do të thotë që në nëntë ose 10 muaj çdo tre ditë të jesh atje dhe ky është titulli më i mirë që mund të marrësh”.

“Sigurisht për prestigjin për të gjithë ne, sepse jemi këtu për të fituar si të gjitha klubet e tjera, duhet ta provojmë në fund për të ngritur disa tituj”, përfundoi trajneri i Cityt.

Related Topics:
Continue Reading

Sport

Fanella e Michael Jordan shitet për 14 milionë dollarë në ankand

Published

11 hours ago

on

October 13, 2026

By

Një fanellë e legjendës së basketbollit, Michael Jordan, e veshur gjatë finaleve të NBA-së në vitin 1998, është shitur në ankand për 14 milionë dollarë.

Bëhet fjalë për fanellën që Jordan e kishte veshur në ndeshjen e dytë finale ndaj Utah Jazz, në sezonin e njohur si “The Last Dance”, kur Chicago Bulls siguruan titullin e gjashtë në histori.

Ankandi u organizua nga shtëpia “Hunt Auctions”, ndërsa fanella u ble nga një investitor i pasurive të paluajtshme nga Miami.

Në finalet e vitit 1998, Jordan regjistroi mesatarisht 33.5 pikë për ndeshje dhe u shpall lojtari më i vlefshëm i serisë finale, duke udhëhequr Chicagon drejt titullit.

Pavarësisht shumës së lartë, fanella nuk e ka thyer rekordin për artikullin sportiv më të shtrenjtë të shitur në ankand. Ky rekord vazhdon të mbahet nga fanella e legjendës së bejsbollit, Babe Ruth, e shitur për 24.12 milionë dollarë në vitin 2024.

Kjo është fanella e tretë e Jordanit nga finalet e vitit 1998 që shitet për mbi 10 milionë dollarë, duke konfirmuar vlerën historike të trashëgimisë së tij në basketboll.

D.L

Continue Reading

Sport

Osmani dhe Gashi titullarë në humbjen e Bayernit U19

Published

12 hours ago

on

October 13, 2026

By

Dy mesfushorët, Erblin Osmani dhe Yll Gashi, ishin titullarë në humbjen 2:0 të Bayern Munichut U19 ndaj Vikingut U19, në kuadër të xhiros së dytë të fazës së ligës në UEFA Youth League.

Në takimin e zhvilluar të hënën, Osmani qëndroi në fushë deri në minutën e 87-të, ndërsa Gashi u zëvendësua në minutën e 70-të.

Osmani, i cili është pjesë e grupmoshave të reja të Bayernit, muajin e kaluar regjistroi edhe debutimin me Përfaqësuesen A të Kosovës.

Mesfushori u aktivizua për tre minuta në fitoren 1:0 të “Dardanëve” ndaj Irlandës, në kuadër të Ligës së Kombeve.

D.L

Continue Reading

Sport

Genc Nuza delegohet gjyqtar kryesor në Ligën e Konferencës

Published

15 hours ago

on

October 13, 2026

By

Gjyqtari kosovar Genc Nuza është deleguar nga UEFA për të drejtuar ndeshjen ndërmjet Twentes dhe Thunit, në kuadër të fazës së ligës në UEFA Conference League.

Takimi do të zhvillohet më 15 tetor, në Enschede të Holandës, ndërsa Nuza do të jetë gjyqtari kryesor i kësaj përballjeje.

Atij do t’i asistojnë Granit Hyseni dhe Fatmir Sekiraqa, ndërsa gjyqtar i katërt do të jetë Mentor Ajeti. Rolin e ndihmësit të gjyqtarit në VAR (AVAR) do ta ketë Alban Shala.

Lajmin e ka bërë të ditur Federata e Futbollit e Kosovës, e cila e ka vlerësuar këtë delegim si një tjetër sukses për gjyqtarët kosovarë në arenën ndërkombëtare.

Sipas FFK-së, angazhimi i Nuzës dhe ekipit të tij në garat evropiane dëshmon profesionalizmin dhe përparimin e gjyqtarëve të Kosovës në futbollin ndërkombëtar.

D.L

Continue Reading

Sport

Getafe zyrtarizon transferimin e Dani Carvajal

Published

15 hours ago

on

October 13, 2026

By

Klubi spanjoll Getafe ka njoftuar arritjen e marrëveshjes me mbrojtësin me përvojë, Dani Carvajal, i cili ka nënshkruar kontratë deri më 30 qershor 2027.

Ish-kapiteni i Real Madridit i bashkohet skuadrës së re pas një karriere të suksesshme me klubin madrilen, ku regjistroi 451 paraqitje, 14 gola dhe 66 asistime.

Gjatë periudhës së tij te Real Madridi, Carvajal fitoi gjithsej 27 trofe, përfshirë gjashtë tituj të Ligës së Kampionëve dhe katër të La Ligës.

Sipas raportimeve, transferimi ishte vonuar për shkak të mosmarrëveshjeve financiare, pasi oferta fillestare prej 400 mijë eurosh ishte konsideruar e ulët në krahasim me pagën e tij të mëparshme te Real Madridi, që arrinte deri në 10 milionë euro në vit.

Me këtë transferim, Getafe synon të përforcojë repartin defensiv dhe të përfitojë nga përvoja e madhe e mbrojtësit spanjoll.

D.L

Continue Reading

Të kërkuara