Milani u mposht edhe në përballjen e dytë me rezultat 2-1 nga Roma, kështu duke e mbyllur rrugëtimin e tyre në fazën çerekfinale të Europa League.

Edhe pse skuadra e Daniele De Rossit kishte mbetur pa një futbollist që nga minuta e 31-të, Milan sërish nuk arriti t’i mposhtte ata në “Olimpico”.

Pas ndeshjes, trajneri Stefano Pioli u tregua i sinqertë me deklaratën, teksa theksoi se skuadra kryeqytetase e meritoi kalimin në gjysmëfinale.

“Roma shfaqi më shumë cilësi në fushë. Ata ishin më të vendosur dhe e merituam kualifikimin. Na mungoi cilësia dhe kualiteti. Krijuam raste, por mungoi cilësia e nevojshme për të shënuar”, deklaroi ai.

Tanimë Pioli duhet të përqendrohet te derbi i fundjavës ndaj Interit. Zikaltrit që janë një fitore larg titullit./UBTNews/

Në verën e kaluar Nottingham Forest arriti ta transferojë Murillo Santiago Costa dos Santos nga Corinthians për shumën e 12 milionë eurove.

Murillo, i cili erdhi në Premier League nga kampionati brazilian duket se me shumë gjasë do ta lë klubin aktual për të bërë një hap shumë të rëndësishëm në karrierë.

Sipas raportimeve të mediave angleze, Nottingham Forest do ta shesë mbrojtësin, teksa interesim për brazilianin kanë shfaqur disa klube të Premier Leagues siç janë Liverpooli, Chelsea dhe Manchester United.

Megjithatë së fundmi në garë për 21-vjeçarin është futur edhe Paris Saint-Germain, që raportohet se është gati të hidhet në sulm gjatë verës.

Vlera e Murillos në tregun e transferimeve arrin në shifrën e 25 milionë eurove, shifër e cila nuk paraqet për problem për klubet të cilat duan shërbimet e tij./UBTNews/

Ryan dhe Dan Friedkin, pronarët e skuadrës së Romës, kanë njoftuar sot (e enjte) përmes një komunikate zyrtare se trajneri aktual, Daniele De Rossi do të vazhdojë të drejtoj skuadrën e tyre edhe për sezonin 2024/2025.

Friedkin në komunikatën e tyre u shprehën të kënaqur me punën e teknikut italian deri më tani dhe kështu bashkëpunimi mes palëve do të vazhdojë edhe për sezonin e ardhshëm.

“Pas takimit të djeshëm me Daniele De Rossi, ne jemi të kënaqur të njoftojmë se ai do të vazhdojë si trajner i AS Roma pas këtij sezoni”, thuhet fillimisht.

“Në mandatin e tij të shkurtër si kryetrajner, ndikimi pozitiv që lidershipi i tij ka sjellë në të gjithë klubin ka treguar historinë e vet”.

“Daniele udhëheq me respekt dhe kurajo, ndërsa forca dhe besimi i tij i rrënjosur në klub janë vërtet në linjë me vlerat, qytetin dhe tifozët e pashembullt të Romës”.

“Ne do të vazhdojmë të punojmë së bashku sa më shumë që të jetë e mundur për të ofruar një të ardhme që tifozët e AS Roma e meritojnë”.

“Nuk mund të ishim më të lumtur sesa të ndërtonim një projekt afatgjatë me Danielen. Detaje të tjera do të vijojnë në ditët në vijim. Forza Roma!”, përfundon komunikata.

De Rossi mori timonin e skuadrës kryeqytetase pas eksperiencës së Jose Mourinhos i cili u shkarkua në janarin e këtij viti.

Deri më tani ai ka regjistruar 11 fitore , tre barazime dhe dy humbje./UBTNews/

Pas dy ndeshjeve të mbrëmshme ku Paris Saint-Germain eliminoi Barcelonën dhe Borussia Dortmundi e eliminoi Atletico Madridin, sot do të mësohen edhe dy gjysmëfinalistët e fundit të kësaj gare.

Me fillim nga ora 21:00 stadiumi “Allianz Arena” do të jetë nikoqir i ndeshjes së kthimit mes Bayern Munichut dhe Arsenalit.

Ndeshja e parë në “Emirates” të Londrës u mbyll me rezultat të barabartë 2:2, andaj sot pritet të jetë një ndeshje e zjarrtë me të dy skuadrat që e dëshirojnë një vend në gjysmëfinale.

Ndërkaq, ndeshja kryesore do të zhvillohet në stadiumin “Etihad”, ku kampioni aktual evropian, Manchester City e pret në shtëpi Real Madridin.

Ndeshja e kaluar në “Santiago Bernabeu” u mbyll me shifrat 3:3, rezultat ky që lë gjithçka të hapur sa i përket skuadrës që eliminohet sot.

Ndeshjet e sotme:

21:00 Manchester City – Real Madrid

21:00 Bayern Munich – Arsenal