Sport

Guardiola flet për të ardhmen pas humbjes së titullit: Do të vendos pas bisedës me presidentin

Published

3 months ago

May 20, 2026

UBTNews

Manchester City humbi zyrtarisht garën për titullin kampion pas barazimit 1:1 ndaj Bournemouth, duke i hapur rrugën Arsenalit që të shpallet kampion i Anglisë pas 22 vitesh pritjeje.

Pas ndeshjes, vëmendja u përqendrua te trajneri Pep Guardiola dhe e ardhmja e tij në klub, pas raportimeve të publikuara nga Daily Mail se tekniku spanjoll mund të largohet në fund të sezonit.

Në konferencën për shtyp, Guardiola pranoi se lajmet e publikuara para takimit mund të kenë ndikuar te skuadra.

“Mund të them vetëm se kam edhe një vit kontratë dhe, nga përvoja ime, kur dalin lajme të tilla gjatë sezonit, zakonisht sjellin rezultate negative”, deklaroi ai.

Megjithatë, Guardiola mohoi se ka marrë një vendim përfundimtar për largimin nga Manchester City dhe theksoi se fillimisht do të diskutojë me drejtuesit e klubit.

“Personi i parë me të cilin do të flas është presidenti im. Kemi vendosur prej kohësh që në fund të sezonit të ulemi dhe të bisedojmë. Vetëm atëherë do të marrim një vendim së bashku”, u shpreh Guardiola.

Ai shtoi se nuk do ta bëjë publik vendimin për të ardhmen para se të bisedojë me presidentin Khaldoon Al Mubarak, lojtarët dhe stafin e tij.

Në fund, trajneri spanjoll uroi Arsenalin për fitimin e titullit të Premier League, duke pranuar suksesin e “Topçinjve” pas një sezoni të gjatë dhe të fortë konkurrues.

Sport

Ronaldo i shpreh ngushëllime Messit për humbjen e babait

Published

13 hours ago

August 12, 2026

UBTNews

Cristiano Ronaldo i ka dërguar një mesazh të ndjerë ngushëllimi rivalit të tij të hershëm, Lionel Messi, pas vdekjes së babait të tij, Jorge Messi, në moshën 68-vjeçare pas një sëmundjeje të gjatë.

Duke lënë mënjanë rivalitetin sportive në fushë, ylli portugez reagoi në postimin e Messit me fjalët:

“Përqafime për ty dhe të dashurit në këtë moment të vështirë, Leo. Qëndro i fortë”.

Sport

Tronditet pozita e Infantinos, shumica e federatave kundër mandatit të katërt

Published

2 days ago

August 11, 2026

UBTNews

Pozita e Gianni Infantinos në krye të FIFA-s është tronditur ndjeshëm, vetëm pak javë pasi ai konsiderohej favorit absolut për të fituar një mandat të katërt në drejtimin e organizatës.

Sipas BBC Sport, aktualisht vetëm 73 nga 210 federatat anëtare të FIFA-s janë në mbështetje të Infantinos, ndërsa 124 janë kundër tij. 13 federata të tjera ende nuk kanë përcaktuar qëndrimin e tyre.

Megjithatë, këto shifra mund të ndryshojnë në muajt e ardhshëm, përpara zgjedhjeve.

Situata për Infantinon është përkeqësuar pas kundërshtimeve të forta ndaj planit të tij, tashmë të braktisur, për t’u shitur investitorëve privatë një pjesë e të drejtave komerciale të Kupës së Botës dhe kompeticioneve të tjera të FIFA-s.

UEFA, CONCACAF dhe Konfederata Aziatike e Futbollit (AFC), të cilat së bashku përfaqësojnë 136 federata, kanë kritikuar ashpër FIFA-n dhe Infantinon, duke i akuzuar për shkelje të besimit dhe “mashtrim” lidhur me mënyrën se si është menaxhuar plani.

Kështu, ajo që deri vonë dukej si një garë e sigurt për Infantinon, tashmë është shndërruar në një betejë të pasigurt për mbijetesën e tij në krye të futbollit botëror.

D.L

Sport

Sigal Prishtina mirëpret David Krizanic: “Mirë se vjen në shtëpinë e kampionëve”

Published

2 days ago

August 11, 2026

UBTNews

Sigal Prishtina ka zyrtarizuar afrimin e David Krizanic.

Klubi prishtinas e ka prezantuar lojtarin e ri përmes një postimi në rrjetet sociale, duke e mirëpritur me mesazhin: “Mirë se vjen në shtëpinë e kampionëve, David Krizanic.”

Me këtë përforcim, Sigal Prishtina vazhdon të ndërtojë skuadrën për sezonin e ri, me synimin për të mbrojtur trofetë dhe për të mbetur në majën e basketbollit kosovar.

D.L

Sport

Drita përforcohet me Eduard Rrocën

Published

2 days ago

August 11, 2026

UBTNews

Eduard Rroca është futbollisti më i ri i Dritës së Gjilanit.

Kampionia në fuqi e Kosovës e ka zyrtarizuar të martën transferimin e sulmuesit 33-vjeçar, i cili rikthehet në futbollin kosovar pas një eksperience të gjatë jashtë vendit.

Rroca së fundmi ishte pjesë e skuadrës turke Ankara, ndërsa gjatë karrierës së tij ka luajtur edhe për disa klube të tjera në Turqi, si dhe në Shqipëri.

Me ardhjen e Rrocës, Drita synon të shtojë alternativat në repartin ofensiv dhe të forcojë skuadrën për sezonin e ri.

Klubi gjilanas po ashtu ka bërë një ndryshim të rëndësishëm në pankinë. Të hënën, Drita riktheu Ardian Nuhiun në postin e trajnerit, me të cilin synon të vazhdojë objektivat e saj për edicionin e ri.

D.L