Opozita dhe Aleanca për Mbrojtjen e Teatrit kanë protestuar sërish para Bashkisë Tiranë, ku kërkojnë largimin e kryebashkiakut Erion Veliaj.

Edhe këtë herë protestuesit kanë hedhur molotov dhe tymuese para godinës së bashkisë, duke vijuar me të njëjtën mënyrë si në protestat e kaluara. Gjatë fjalës së tij Belind Këlliçi ka thënë se Policia e Shtetit nuk duhet të guxojë të prekë protestuesit, ndërsa shtoi se protestat do të vijojnë.

“Guxoni prekni qytetarët, jeta është shumë e gjatë. Do e keni personale me qytetarët dhe Partinë Demokratike, qoftë ti Met Rrumbullaku qoftë ti Tonin Vocaj, qoftë ai hajduti i bashkisë. Demokratë mos u mërzisni, me betejën tuaj, me qëndresën tuaj, ia dolëm të shembim planin e Edi Ramës që donte të linte vendin pa opozitë. Për një të vërtetë shumë të madhe ju ftojmë të qëndroni, në Bashkinë e Tiranës është një hajdut si Erion Veliaj, i cili do të marrë faturën që i takon”, tha Këlliçi.

Policia ka vendosur një gardh metalik rreth godinës për të shmangur përplasjen me protestuesit, ndërsa ka bërë thirrje për vetëpërmbajte për shmangien e incidenteve.

Opozita kërkon dorëheqjen e kryebashkiakut Erijon Veliaj ku e akuzojnë për lidhje me inceneratorin e Tiranës si dhe dosjen 5D për arrestimin e 3 ish-drejtorëve të Bashkisë, pas abuzimit me tenderat për përfitime personale./UBTNews/

Kuvendi Komunal i Lipjanit, ka mbajtur të premten seancë solemne me rastin e Ditës së Dëshmorëve të kësaj komune.

Seanca nisi me intonimin e dy himneve, kombëtar dhe atij të Kosovës, ndërsa u ndanë edhe disa mirënjohje për qytetarë që kanë dhënë kontribut gjatë luftës.

Kryetari i Lipjanit, Imri Ahmet u shpreh se janë të detyruar ta ruajnë e çmojnë trashëgiminë që e lanë dëshmorët.

“Detyrë e jona është ta kujtojmë sakrificën e dëshmorëve sepse ata na e lanë trashëgimi e lirisë së vendit tonë. Këtë trashëgimi të çmuar jemi të detyruar ta ruajmë dhe ta transmetojmë me krenari dhe përgjegjësi tek gjeneratat që vijnë, andaj në emër të gjithë dua të shpreh mirënjohjen e thellë për të gjithë dëshmorët dhe familjarët e tyre”.

“Ne e kemi obligim që përmes përkujtimit e nderimit të së kaluarës që gjaku dhe sakrifica e tyre të na shërbejë si motivim për punë të mira, për zhvillim dhe progres të vendit e të komunës sonë. Emrat e dëshmorëve, gjaku dhe sakrifica e tyre duhet të na bashkojë e jo të na ndajë. Dëshmorët, është detyrë e jona t’i nderojmë jo vetëm sot por çdo ditë, duke punuar dhe zhvilluar vlerat dhe idealet për të cilat ata punuan dhe salrofikuan. Bijtë dhe bijat tuaja, janë emra të betonuara në themelet e institicioneve të vendit tonë”, u shpreh Ahmeti.

Ndërsa kryetari i shoqatës së veteranëve dhe invalidëve të luftës, Habib Olluri, tha se dëshmorët e martirët, janë themel i shtetndërtimit.

Edhe ambasadori i Kosovës në Bruksel, Agron Bajrami ka reaguar ndaj deklaratës së ambasadorit të Shteteve të Bashkuara të Amerikës në Beograd, Christopher Hill, i cili kishte thënë se Serbisë nuk do t’i kërkohet njohja de jure e pavarësisë së Kosovës për t’u bërë anëtare e Bashkimit Evropian.

“Është e thjeshtë dhe e qartë: Qëllimi i Dialogut të Brukselit të udhëhequr nga BE është të arrihet normalizimi i plotë i marrëdhënieve ndërmjet Kosovës dhe Serbisë. Pa njohje reciproke, nuk mund të ketë normalizim”, ka shkruar Bajrami në rrjetin social X.

Edhe ambasadori gjerman në Kosovë, Jorn Rohde, ka shpërndarë një deklaratë të kancelarit gjerman, Olaf Scholz, i cili gjatë vizitës së tij në Kosovë dhe Serbi kishte thënë se është e paimagjinueshme që dy vende që nuk e njohin njëra-tjetrën të bëhen anëtare të Bashkimit Evropian.

Në llogarinë e tij në platformën X, Rohde tha që kjo deklaratë qëndron ende dhe se rruga drejt kësaj është zbatimi i plotë i marrëveshjeve të Ohrit dhe Brukselit prej të dy palëve, sa më parë.

“Sa për rikujtim: Lexojeni qëndrimin e qartë të kancelarit Scholz gjatë vizitës së tij në qershor të vitit 2022 në Kosovë e Serbi për normalizim, përfshinë njohjen reciproke. Kjo ende vlen. Rruga është kjo: Zbatimi i plotë i marrëveshjeve të Ohrit dhe Brukselit prej të dy palëve sa më parë”, tha Rohde.

Zëvendësdrejtori i Përgjithshëm i Policisë së Kosovës, Fehmi Hoti, së bashku me stafin e lartë menaxhues, kanë pritur në takim zyrtar ministrin e Punëve të Brendshme, Xhelal Sveçla dhe ministren e Drejtësisë, Albulena Haxhiu.

Në njoftim thuhet se fokusi i vizitës së ministrave, përveç tjerash, ishte te Drejtoria për Hetimin e Krimeve të Luftës, për të parë nga afër punën, angazhimin dhe përkushtimin e kësaj drejtorie në hetimin e krimeve të kryera gjatë luftës dhe sjelljen para organeve të drejtësisë së personave të dyshuar të cilët kanë kryer krime e gjenocid në Kosovë.

“Duke folur për drejtësi për viktimat dhe shoqërinë lidhur me krimet e luftës përfshirë dhunën seksuale, të përdorur si armë lufte në Kosovë, u vlerësua se duhet shtuar edhe më tej angazhimi i përbashkët i hetimit, arrestimit dhe procedimit penal të të gjitha rasteve të krimeve të luftës tek organet e drejtësisë”, njofton Policia e Kosovës.

Në takimin e përbashkët me stafin e lartë menaxhues, pjesë e të cilit ishin edhe stafi i Drejtorisë për Hetimin e Krimeve të Luftës, u ritheksua zotimi për të mos reshtur së hetuari e kërkuari drejtësi për krimet e luftës, si dhe u ofrua mbështetje e plotë ndaj Policisë së Kosovës, e në veçanti ndaj kësaj drejtorie mjaft të rëndësishme.